សម្តេច ម៉ែន សំអន៖ ទំនាក់ទំនងល្អនៃថ្នាក់ដឹកនាំកម្ពុជា-ឡាវ ជំនាន់មុន​ នឹងក្លាយជាមូលដ្ឋានគ្រឹះដ៏រឹងមាំសម្រាប់យុវជនជំនាន់ក្រោយ __ សម្តេចរដ្ឋសភាធិបតី ឃួន សុដារី៖ រាជរដ្ឋាភិបាលយកចិត្តទុកដាក់លើនិវត្តន៍ជន​ និងមនុស្សចាស់ទាំងសុខភាព​ និងជីវភាព __ សភាកម្ពុជាចូលរួមកិច្ចប្រជុំ គណៈកម្មការអប់រំ វប្បធម៌ និងផ្សព្វផ្សាយនៃសភានិយាយភាសាបារាំង (APF) នៅប្រទេសរ៉ូមានី __ គណៈប្រតិភូរដ្ឋសភាកម្ពុជា បានអញ្ជេីញចូលរួមសិក្ខាសាលា ស្តីពី “ការអនុវត្តអភិបាលកិច្ចល្អរបស់សភា Workshop on Parliamentary Good Governance Practices” __ ព្រះរាជសុន្ទរកថា ព្រះករុណាព្រះបាទសម្តេចព្រះបរមនាថ នរោត្តមសីហមុនី ព្រះមហាក្សត្រ នៃព្រះរាជាណាចក្រកម្ពុជា ៕ សម្តេចរដ្ឋសភាធិការធិបតី ឃួន សុដារី ដឹកនាំគណៈប្រតិភូរដ្ឋសភាកម្ពុជា ចូលរួមពិធីបើកកិច្ចប្រជុំកំពូលប្រធានសភាជាស្រ្តីពិភពលោកជាផ្លូវការនៅវិមានរដ្ឋសភាបារាំង__ តំណាងរាស្រ្តនៃប្រទេសទាំងពីរគាំទ្រក្នុងការជំរុញទំនាក់ទំនងរវាងប្រជាជននិងប្រជាជនពិតជាសំខាន់ណាស់ ៕

ជ្រើសរើស ៖​ ពាក្យស្វែងរក ៖    
អំណាចនីតិប្បញ្ញត្តិ
រៀបរៀងដោយ​ ៖​​ NA001 កាលពី (3/31/2013 4:10:03 PM ) (បើកមើលចំនួន​ : 2652ដង)  

អំណាចនីតិប្បញ្ញត្តិ

1-រដ្ឋសភាជាអង្គការដែលមានអំណាចនីតិប្បញ្ញត្តិ ហើយបំពេញភារកិច្ចរបស់ខ្លួនដូចបានកំណត់ក្នុង រដ្ឋធម្មនុញ្ញ និងច្បាប់ជាធរមាន
     ( រ.ធ.មាត្រា ៩០ ថ្មី (ពីរ ) ។

2-រដ្ឋសភាមានសមាជិកជាតំណាងរាស្ត្រយ៉ាងតិច ១២០ រូប ( រ.ធ. មាត្រា ៧៦ ) ។

3-នីតិកាលរបស់រដ្ឋសភាមានកំណត់ ៥ ឆ្នាំ ហើយផុតកំណត់នៅពេលដែលរដ្ឋសភាថ្មីចូលកាន់តំណែង
     (រ.ធ.មាត្រា៧៨ ) ។ រដ្ឋសភាបើកសម័យប្រជុំដំបូងហុកសិបថ្ងៃយ៉ាងយូរ ក្រោយពេលបោះឆ្នោតតាមការកោះ ប្រជុំរបស់ព្រះមហាក្សត្រ
     ( រ.ធ មាត្រា៨២ ) ។

4-រដ្ឋសភាមិនអាចត្រូវបានរំលាយមុនផុតអាណត្តិបានទ្បើយ វៀរលែងតែក្នុងករណីដែលរាជរដ្ឋាភិបាលត្រូវបាន ទម្លាក់ពីរដងក្នុងរយៈ ១២ ខែ
     ( រ.ធ. មាត្រា ៧៨ ) ។

5-តំណាងរាស្ត្រមានអភ័យឯកសិទ្ធិសភា ( រ.ធ. មាត្រា៨០ និងច្បាប់ស្តីពីលក្ខន្តិកៈតំណាងរាស្ត្រ ) ។

6-ការលើកអភ័យឯកសិទ្ធិសភារបស់តំណាងរាស្ត្រ ត្រូវអនុម័តដោយសម្លេង ២ ភាគ ៣ នៃចំនួន សមាជិករដ្ឋសភា ទាំងមូល
     ( រ.ធ . មាត្រា ៨០ និង ច្បាប់ស្តីពីលក្ខន្តិកៈតំណាងរាស្ត្រ ) ។

7-ការសំរេចអោយតុលាការផ្អាកការចោទប្រកាន់ ឬការឃាត់ខ្លួន ឬការឃុំខ្លួន រដ្ឋសភាត្រូវអនុម័ត ដោយសម្លេង ៣ ភាគ ៤
     នៃចំនួនសមាជិករដ្ឋសភាទាំងមូល ( រ.ធ. មាត្រា ៨០ ) ។

8-រដ្ឋសភាប្រជុំសាមញ្ញពីរដង ក្នុងមួយឆ្នាំ សម័យប្រជុំនីមួយៗមានថេរៈវេលាយ៉ាងតិច ៣ ខែ ( រ.ធ. មាត្រា ៨៣ ) ។

9-រដ្ឋសភាអាចប្រជុំជាវិសាមញ្ញ បើមានសំណូមពរពីព្រះមហាក្សត្រ ឬសំណើពីនាយករដ្ឋមន្ត្រី ឬពីតំណាងរាស្ត្រ មួយភាគបីយ៉ាងតិច
     ( រ.ធ. មាត្រា ៨៣ ) ។

10-រដ្ឋសភាអាចប្រជុំជាសម្ងាត់ ( រ.ធ. មាត្រា ៨៨ ថ្មី (ពីរ ) ។

11-សម្លេងភាគច្រើន ២ ភាគ ៣ នៃចំនួនសមាជិករដ្ឋសភាទាំងមូលប្រើសំរាប់អនុម័តរដ្ឋធម្មនុញ្ញ ឬការលើកអភ័យ ឯកសិទ្ធិសភា  
     ឬការបន្តនីតិកាលរដ្ឋសភាមួយឆ្នាំ ត្រូវមានកូរ៉ុមលើសពី ២ ភាគ ៣ ( រ.ធ. មាត្រា ៧៨-មាត្រា ៨០-មាត្រា ១៥១ ថ្មី ) ។

12-សម្លេងភាគច្រើនដាច់ខាត ( ឬពាក់កណ្តាលបូកមួយ ) នៃចំនួនសមាជិករដ្ឋសភាទាំងមូល ប្រើ សំរាប់អនុម័តច្បាប់ ទាំងទ្បាយ
     អនុម័តថវិកាជាតិ ផែនការរដ្ឋ ការសន្យាផ្នែកហិរញ្ញវត្ថុ ឬបោះឆ្នោតទុកចិត្ត ឬបោះឆ្នោតទម្លាក់ រាជរដ្ឋាភិបាល
     ឬអនុម័តបទបញ្ជា ផ្ទៃក្នុងនៃរដ្ឋសភា ឬ បោះឆ្នោតជ្រើសតាំងប្រធាន អនុប្រធាន សមាជិក
     គណៈកម្មការនានារបស់រដ្ឋសភា ។ រដ្ឋសភាអនុម័ត យល់ព្រម ឬលុបចោលសន្ធិសញ្ញា
     ឬអនុសញ្ញា អន្តរជាតិ ។ រដ្ឋសភាអនុម័តច្បាប់ស្តីពីការប្រកាសសង្គ្រាម
     ( រ.ធ. មាត្រា៨២ ថ្មី មាត្រា ៩០ថ្មី (ពីរ ) ។

13-តំណាងរាស្ត្រមានសិទ្ធិដាក់សំណួរដល់រាជរដ្ឋាភិបាល វេទិកាសំណួរចម្លើយ ការជជែកដេញដោល
     រដ្ឋសភាកំណត់ ទុកពេល ១ ថ្ងៃ ក្នុងមួយសប្តាហ៍ សម្រាប់ការឆ្លើយសំណួរ ( រ.ធ. មាត្រា ៩៦ ) ។

14-សមាជិកព្រឹទ្ធសភា សមាជិករដ្ឋសភាមានសិទ្ធិផ្តួចផ្តើមគំនិតធ្វើសេចក្តីស្នើច្បាប់ (រ.ធ.មាត្រា ៩១ ថ្មី)។

15-នាយករដ្ឋមន្ត្រីមានសិទ្ធិផ្តួចផ្តើមគំនិតធ្វើសេចក្តីព្រាងច្បាប់ ( រ.ធ. មាត្រា ៩១ ថ្មី ) ។

16-ហាមឃាត់មិនឱ្យសើរើ ឬកែប្រែរដ្ឋធម្មនុញ្ញកាលបើប៉ះពាល់ដល់ប្រព័ន្ធប្រជាធិបតេយ្យសេរី ពហុបក្ស
     ឬប៉ះ ពាល់របបរាជានិយមអាស្រ័យរដ្ឋធម្មនុញ្ញ ។

មុនដំបូង ថយក្រោយ
1
បន្ទាប់ ចុងក្រោយ ជ្រើសរើសចំនួនដែលចង់បង្ហាញ ៖​ ទំព័រ 1 នៃ 1