សម្ដេចអគ្គមហាពញាចក្រី ហេង សំរិន ប្រធានរដ្ឋសភា នៅព្រឹកថ្ងៃអង្គារ ទី២០ ខែធ្នូ ឆ្នាំ២០២២ បានដឹកនាំកិច្ចប្រជុំគណៈកម្មាធិការអចិន្ត្រៃយ៍រដ្ឋសភា នៅវិមានរដ្ឋសភា ដើម្បីត្រួតពិនិត្យលទ្ធការងារសំខាន់ៗ ដែលរដ្ឋសភាបានអនុវត្តនាពេលកន្លងមក។ នៅក្នុងកិច្ចប្រជុំ បានធ្វើការបូកសរុបលទ្ធផល និងវាយតម្លៃខ្ពស់លើការងាររៀបចំមហាសន្និបាតអន្តរសភាអាស៊ាន លើកទី៤៣ (AIPA43) ដែលសភាកម្ពុជាបានធ្វើជាម្ចាស់ផ្ទះ កាលពីខែវិច្ឆិកា កន្លងមកថា ទទួលបានជោគជ័យយ៉ាងធំធេង ដែលនាំមកនូវកិត្យានុភាពជូនជាតិមាតុភូមិនៅលើឆាកអន្តរជាតិ ជាពិសេសការពង្រឹងវិស័យការទូត សភាកម្ពុជា នៅលើឆាកអន្តរជាតិក្នុងការពង្រឹងពង្រីកកិច្ចសហប្រតិបត្តិការជាមួយសភានានា ទំាងកម្រិតទ្វេភាគី និងពហុភាគីឱ្យកាន់តែទូលំទូលាយ គ្រប់ជ្រុងជ្រោយឡើង។
មហាសន្និបាតអាយប៉ាលើកទី៤៣ ដែលសភានៃព្រះរាជាណាចក្រកម្ពុជា ធ្វើជាម្ចាស់ផ្ទះបានប្រារព្ធធ្វើឡើងពីថ្ងៃទី២០ ដល់ថ្ងៃទី២៥ ខែវិច្ឆិកា ឆ្នាំ២០២២ ក្រោមមូលបទ “បោះជំហានជាមួយគ្នា ដើម្បីចីរភាព បរិយាប័ន្ន និងភាពធន់” ដែលជាមូលបទឆ្លើយតប សភាពការណ៍ជាក់ស្តែងនៅក្នុងតំបន់ និងសកលោក ក្រោយការរាតត្បាតជំងឺកូវីដ-១៩។
សម្តេចអគ្គមហាពញាចក្រី ហេង សំរិន ប្រធានរដ្ឋសភា និងជាប្រធានមហាសន្និបាតអាយប៉ាលើកទី៤៣ បានថ្លែងអំណរព្រះគុណយ៉ាងជ្រាលជ្រៅបំផុត ថ្វាយព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងបានអរគុណយ៉ាងជា្រលជ្រៅជូនចំពោះ សម្តេចវិបុលសេនាភក្តីសាយ ឈុំ ប្រធានព្រឹទ្ធសភា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី។ សម្តេចបានអំណរគុណ ចំពោះថ្នាក់ដឹកនាំរដ្ឋសភា អគ្គលេខាធិការរដ្ឋសភា មន្រ្តីរាជការទំាងអស់ ដែលបានខិតខំបំពេញការងារ លះបង់កម្លំាងកាយចិត្ត បំពេញតួនាទី បម្រើដល់មហាសន្និបាតឱ្យទទួលបានជោគជ័យយ៉ាងត្រចេះត្រចង់៕
![](/Images/NA Daily 20-12-2022a1.jpg)
![](/Images/NA Daily 20-12-2022a2.jpg)
![](/Images/NA Daily 20-12-2022a3.jpg)
![](/Images/NA Daily 20-12-2022a4.jpg)
![](/Images/NA Daily 20-12-2022a5.jpg)
![](/Images/NA Daily 20-12-2022a6.jpg)
![](/Images/NA Daily 20-12-2022a7.jpg)
![](/Images/NA Daily 20-12-2022a8.jpg)
![](/Images/NA Daily 20-12-2022a9.jpg)
![](/Images/NA Daily 20-12-2022a10.jpg)
![](/Images/NA Daily 20-12-2022a11.jpg)
![](/Images/NA Daily 20-12-2022a12.jpg)
![](/Images/NA Daily 20-12-2022a13.jpg)
![](/Images/NA Daily 20-12-2022a14.jpg)
![](/Images/NA Daily 20-12-2022a15.jpg)
![](/Images/NA Daily 20-12-2022a16.jpg)
![](/Images/NA Daily 20-12-2022a17.jpg)
![](/Images/NA Daily 20-12-2022a18.jpg)
![](/Images/NA Daily 20-12-2022a19.jpg)
![](/Images/NA Daily 20-12-2022a20.jpg)