ថ្ងៃទី២០ ខែឧសភា ឆ្នាំ២០២៦ នេះ គឺជា «ទិវាជាតិនៃការចងចាំ» ដែលជាថ្ងៃរំលឹកដល់ជនរងគ្រោះជាង ៣លាននាក់ ដែលបានបាត់បង់ជីវិតយ៉ាងអយុត្តិធម៌ និងរងទុក្ខវេទនាឥតគណនាក្នុងរបបប្រល័យពូជសាសន៍ ប៉ុល ពត (១៧ មេសា ១៩៧៥ - ៦ មករា ១៩៧៩)។
រដ្ឋសភានៃព្រះរាជាណាចក្រកម្ពុជា សូមលំឱនកាយវាចាចិត្ត គោរពវិញ្ញាណក្ខន្ធដល់បងប្អូនជនរួមជាតិទាំងអស់ ដែលបានចែកឋានទៅក្នុងរបបដ៏ខ្មៅងងឹតនោះ។
• ការរំលឹកឡើងវិញនូវព្រឹត្តិការណ៍ជាប្រវត្តិសាស្ត្រដ៏ជូរចត់នេះ មិនមែនដើម្បីបង្កើតនូវការគុំកួននោះឡើយ ប៉ុន្តែគឺដើម្បី៖ ចងចាំ នូវការឈឺចាប់ និងមេរៀនប្រវត្តិសាស្ត្រមិនអាចបំភ្លេចបាន។
• ដឹងគុណ ដល់វីរជនស្នេហាជាតិ ដែលបានលះបង់សាច់ស្រស់ឈាមស្រស់ដើម្បីរំដោះប្រទេសជាតិ។
•រួមគ្នាថែរក្សា «សន្តិភាព» ដែលជាមូលដ្ឋានគ្រឹះដ៏មានតម្លៃបំផុតសម្រាប់ការអភិវឌ្ឍជាតិ និងការពារកុំឱ្យរបបដ៏ឃោរឃៅបែបនេះវិលត្រឡប់មកវិញជាដាច់ខាត។