រាជធានីភ្នំពេញ៖ ឯកឧត្តម ទី សុគន្ធ ប្រធានស្តីទីគណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាន នៃរដ្ឋសភា និងជាអនុប្រធានក្រុមមិត្តភាពកម្ពុជា-នីការ៉ាហ្កា នារសៀលថ្ងៃទី២៨ ខែមេសា ឆ្នាំ២០២៦ បានអនុញ្ញាតឱ្យ ឯកឧត្តម Mario Jose Armengol Campos ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋនីការ៉ាហ្កា ប្រចាំព្រះរាជាណាចក្រកម្ពុជា ដែលមាននិវេសនដ្ឋាននៅទីក្រុងហាណូយ ចូលជួបសម្ដែងការគួរសម និងពិភាក្សាការងារ នៅវិមានរដ្ឋសភា។

ជំនួបនេះ ធ្វើឡើងក្នុងគោលបំណងពង្រឹងទំនាក់ទំនងសភា តាមរយៈការបង្កើនកិច្ចសន្ទនា និងកិច្ចសហប្រតិបត្តិការជាមួយស្ថាប័ននីតិប្បញ្ញត្តិ ក្នុងគោលដៅលើកកម្ពស់ការយោគយល់គ្នាទៅវិញទៅមក លើបញ្ហាអន្តរជាតិ និងបញ្ហាតំបន់សំខាន់ៗនានា។

សូមជម្រាបជូនដែរថា ក្នុងជំនួបពិភាក្សាការងារនេះ ក៏មានការអញ្ជើញចូលរួមពី ឯកឧត្តម ដុំ យុហៀន សមាជិកគណៈកម្មការទី៥ ឯកឧត្តម សន សារ៉ាណា សមាជិកគណៈកម្មការទី៥ និងមន្ត្រីជំនួយការ ជាមន្ត្រីនៃអគ្គលេខាធិការដ្ឋានរដ្ឋសភាមួយចំនួនផងដែរ៕