វិមានរដ្ឋសភា៖ ឯកឧត្តមបណ្ឌិត ឈាង វណ្ណារិទ្ធ អគ្គលេខាធិការរង និងជាប្រធានក្រុមទីប្រឹក្សារដ្ឋសភានារសៀលថ្ងៃទី២១ ខែមេសា ឆ្នាំ២០២៦ បានអញ្ជើញជាគ្រូឧទ្ទេសសម្រាប់វគ្គបណ្តុះបណ្តាលលើកទី២ ស្តីពី «ភូមិសាស្ត្រនយោបាយ និងសេដ្ឋកិច្ចពិភពលោក»ក្រោមប្រធានបទ «ភូមិសាស្ត្រនយោបាយ ភូមិសាស្ត្រសេដ្ឋកិច្ច និងសណ្តាប់ធ្នាប់ពិភពលោក» ជូនដល់មន្ត្រីរាជការនៃអគ្គលេខាធិការដ្ឋានរដ្ឋសភា សរុបប្រមាណជិត ១០០រូប។
វគ្គបណ្តុះបណ្តាលនេះ គឺជាផ្នែកមួយនៃផែនការពង្រឹងសមត្ថភាពមន្ត្រីជាសេនាធិការដើម្បីឆ្លើយតបទៅនឹងការប្រែប្រួលនៃសភាពការណ៍នយោបាយ និងសេដ្ឋកិច្ចពិភពលោកនាពេលបច្ចុប្បន្ន។
ខ្លឹមសារសំខាន់ៗដែលបានលើកយកមកបង្ហាញ ក្នុងវគ្គបណ្តុះបណ្តាលនេះ រួមមាន៖ ការយល់ដឹងពីសណ្តាប់ធ្នាប់ពិភពលោក និន្នាការនៃពិភពលោកពហុប៉ូល (Multipolar World) ព្រមទាំងការវិភាគលើមូលហេតុ និងឫសគល់នៃជម្លោះធំៗនៅលើសកលលោកផងដែរ៕
