កំពង់ចាម៖ លោកជំទាវ កុល ធារិន សមាជិកាគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភា និងជាតំណាងរាស្ត្រមណ្ឌលខេត្តកំពង់ចាម ថ្មីៗនេះ បានអញ្ជើញចូលរួមក្នុងពិធីបុណ្យផ្កាប្រាក់មហាសាមគ្គី និងបុណ្យទក្ខិណានុប្បទាន ដែលប្រារព្ធឡើងនៅវត្តជោតនារាម (បឹងកុក) ក្នុងក្រុងកំពង់ចាម ខេត្តកំពង់ចាម។
ពិធីបុណ្យនេះត្រូវបានរៀបចំឡើងក្នុងគោលបំណង ឧទ្ទិសមហាកុសល ជូនដល់បុព្វការីជន និងវីរ:កងទ័ពដែលបានលះបង់ជីវិតដើម្បីបុព្វហេតុជាតិមាតុភូមិ និងបង្ហាញការគាំទ្ររបស់ថ្នាក់ដឹកនាំចំពោះព្រះពុទ្ធសាសនា ដែលជាសាសនារបស់រដ្ឋ។
ក្នុងឱកាសនេះ លោកជំទាវតំណាងរាស្ត្រ បានចូលរួមបច្ច័យផ្ទាល់ខ្លួនសរុបចំនួន ៣០០,០០០ រៀល ដែលក្នុងនោះរួមមានបច្ច័យសម្រាប់បុណ្យផ្កាប្រាក់ និងបច្ច័យសម្រាប់កសាងផ្លូវបេតុងអារម៉េនៅក្នុងបរិវេណវត្ត ដើម្បីទុកជាប្រយោជន៍ដល់ព្រះសង្ឃ និងពុទ្ធបរិស័ទប្រើប្រាស់ជាសាធារណៈផងដែរ។