ខេត្តបន្ទាយមានជ័យ៖ នៅថ្ងៃទី១៤ ខែមីនា ឆ្នាំ២០២៦ ឯកឧត្តម ច័ន្ទ សុផល តំណាងរាស្ត្រមណ្ឌលខេត្តបាត់ដំបង និងឯកឧត្តម ខាន់ ម៉ាណេរ ប្រធានក្រុមក្រឡាហោមមនុស្សធម៌បាត់ដំបង បានដឹកនាំក្រុមការងារ នាំយកអំណោយរបស់ សម្តេចក្រឡាហោម ស ខេង និងលោកជំទាវ ចែកជូនបងប្អូនប្រជារាស្ត្រជាជនភៀសសឹកដែលកំពុងស្នាក់នៅទីតាំងបណ្តោះអាសន្ននៅវត្តចាន់ស៊ី ស្រុកអូរជ្រៅ និងវត្តកណ្តោល ស្រុកថ្មពួក ខេត្តបន្ទាយមានជ័យ។
អំណោយដែលបាននាំយកទៅចែកជូនប្រជាពលរដ្ឋនាឱកាសនេះ សរុបមានចំនួន ២,៩៨៣ គ្រួសារ ក្នុងនោ៖
• វត្តចាន់ស៊ី ស្រុកអូរជ្រៅ ចំនួន ១,២៧៧គ្រួសារ
• វត្តកណ្តោល ស្រុកថ្មពួក ចំនួន ១,៦៨៦គ្រួសារ ក្នុងមួយគ្រួសារទទួលបាន៖ អង្ករ ១ ការ៉ុង មី ២កេស ត្រីខ ១យួរ ទឹកស៊ីអ៊ីវ៦ដប ទឹកត្រី ៦ដប ក្រម៉ាខ្មែរ ១ និងទឹកបរិសុទ្ធ ១កេស ដើម្បីសម្រាលបន្ទុករបស់បងប្អូនប្រជារាស្រ្ត ដែលកំពុងជួបការលំបាក ប្រឈមនឹងការខ្វះខាត។