កំពង់ចាម៖ លោកជំទាវ កុល ធារិន សមាជិកាគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភា និងជាតំណាងរាស្ត្រមណ្ឌលខេត្តកំពង់ចាម អនុប្រធានក្រុមការងារចុះជួយស្រុកស្ទឹងត្រង់ នារសៀលថ្ងៃអាទិត្យ ទី២២ ខែកុម្ភៈ ឆ្នាំ២០២៦ បានអញ្ជើញចុះសួរសុខទុក្ខ លោកស្រី ខេន ចិន្តា មេឃុំមេសរជ្រៃ មានជំងឺរលាកសួតធ្ងន់ធ្ងរ ដែលទើបតែត្រឡប់មកពីព្យាបាលនៅមន្ទីរពេទ្យកាល់ម៉ែត ហើយបានបន្តមកសម្រាកព្យាបាលនៅគេហដ្ឋាន ស្ថិតនៅក្នុងភូមិបុសពោធិ៍ ឃុំមេសរជ្រៃ ស្រុកស្ទឹងត្រង់ ខេត្តកំពង់ចាម។
ការអញ្ជើញចុះសួរសុខទុក្ខនេះ មានការអញ្ជើញចូលរួមពី សមាជិកក្រុមប្រឹក្សាស្រុក លោកអភិបាល នៃគណៈអភិបាលស្រុក លោកនាយករដ្ឋបាលស្រុក លោក លោកស្រីក្រុមប្រឹក្សាឃុំ លោកមេភូមិ និងលោកនាយប៉ុស្តិ៍រដ្ឋបាលឃុំ។
នៅក្នុងឱកាសនោះ លោកជំទាវបានឧបត្ថម្ភថវិកាជូនដល់ លោក ស្រី ខេន ចិន្តា ចំនួន ៥០០. ០០០ រៀល និងទឹកដោះគោស្រស់ ១ កន្រ្តក និងបានឧបត្ថម្ភថវិកាចំនួន ១.០០០. ០០០រៀល ជូនដល់វីរៈកងទ័ព សម្រាប់ធ្វើជណ្ដើរដែកជញ្ជូនស្បៀងឡើងទៅលើភ្នំមុំបី ក្នុងខេត្តព្រះវិហារ តាមរយៈលោក បាន ស្រេង អភិបាលនៃគណៈអភិបាលស្រុកស្ទឹងត្រង់ ខេត្តកំពង់ចាម ផងដែរ៕