ឯកឧត្តម ព្រហ្ម វិរៈ អគ្គនាយកទំនាក់ទំនងអន្តរជាតិពិធីការ និងព័ត៌មាន នៃរដ្ឋសភា នារសៀលថ្ងៃទី៨ ខែមករា ឆ្នាំ ២០២៦ នៅវិមានរដ្ឋសភា បានអញ្ជើញដឹកនាំកិច្ចប្រជុំពិភាក្សាលើការរៀបចំ និងកែសម្រួលរចនាសម្ព័ន្ធថ្មី នៃអគ្គនាយកដ្ឋានទំនាក់ទំនងអន្តរជាតិ ពិធីការ និងព័ត៌មាន ដើម្បីឲ្យស្របទៅតាមប្រព័ន្ធសភាអេឡិចត្រូនិក  (E-Parlament) របស់រដ្ឋសភាដែលមានអគ្គលេខាធិការដ្ឋានរដ្ឋសភាជាសេនាធិការស្នូល។

កិច្ចប្រជុំនេះមានគោលបំណង ដើម្បីសម្របសម្រួលកិច្ចសហប្រតិបត្តិការអន្តរជាតិនិងបកប្រែ ដែលត្រូវបានបង្កើតឡើងក្រោមរចនាសម្ព័ន្ធគ្រប់គ្រងរបស់នាយកដ្ឋានទំនាក់ទំនងអន្តរជាតិ។នេះជាការកែសម្រួលទៅលើរចនាសម្ព័ន្ធថ្មីនៃអគ្គនាយកដ្ឋានទំនាក់ទំនងអន្តរជាតិ ពិធីការ និងព័ត៌មានប្រកបដោយប្រសិទ្ធភាពខ្ពស់ សម្របសម្រួលកិច្ចសហប្រតិបត្តិការអន្តរជាតិ និងបកប្រែ ស្ថិតនៅក្រោមការដឹក នាំរបស់ប្រធានការិយាល័យ ១រូប និងអនុប្រធានការិយាល័យមួយចំនួនតាមការចាំបាច់។

កិច្ចប្រជុំនេះមានការចូលរួមពី ឯកឧត្តម លោក លោកស្រី ជា អគ្គនាយករង ប្រធាននាយកដ្ឋាន អនុប្រធាននាយកដ្ឋាន និងមន្រ្តីពាក់ព័ន្ធមួយចំនួនក៏មានវត្តមាននៅក្នុងកិច្ចប្រជុំនោះផងដែរ៕