ឯកឧត្តម ឃួន ដាវិត អគ្គលេខាធិការរងរដ្ឋសភា និងជាអនុប្រធានប្រចាំការក្រុមការងារដឹកនាំរៀបចំសភាអេឡិចត្រូនិច (E-parliament) នាព្រឹកថ្ងៃទី ៦ ខែមករាឆ្នាំ២០២៦ បានអញ្ជើញដឹកនាំកិច្ចប្រជុំ បន្តដើម្បីពិនិត្យពិភាក្សានិងរៀបចំការប្រើប្រាស់ប្រព័ន្ធគ្រប់គ្រងនិងការស្នើសុំលិខិតបេសកកម្មរបស់គណៈកម្មការជំនាញទាំង១០របស់រដ្ឋសភា តំណាង រាស្ត្រនិងអង្គភាពចំណុះអគ្គលេខាធិការដ្ឋានរដ្ឋសភាតាមប្រព័ន្ធអេឡិចត្រូនិក នៅវិមានរដ្ឋសភា។

កិច្ចប្រជុំនេះក៏មានការអញ្ជើញចូលរួមពីឯកឧត្តមលោកជំទាវ លោក លោកស្រីមកពីគ្រប់អង្គភាព ពាក់ព័ន្ធនៃអគ្គលេខាធិការដ្ឋានរដ្ឋសភា។

សូមជម្រាបថារដ្ឋសភា នីតិកាលទី៧  ក្រោមការ ដឹកនាំរបស់សម្តេចរដ្ឋសភាធិបតី ឃួន សុដារី ប្រធានរដ្ឋសភា អគ្គលេខាធិការដ្ឋានរដ្ឋសភា បានអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ការកែទម្រង់រដ្ឋបាលសាធារណៈ និង ការធ្វើទំនើបកម្មនៃការអនុវត្តប្រព័ន្ធសភាអេឡិចត្រូនិច (E-parliament) យ៉ាងសកកម្មនិងជាក់លាក់៕