លោកជំទាវ និន សាផុន ប្រធានគណៈកម្មការ សាធារណការ ដឹកជញ្ជូន អាកាសចរណ៍ស៊ីវិល ប្រៃសណីយ៍ ទូរគមនាគមន៍ ឧស្សាហកម្ម វិទ្យាសាស្ត្រ បចេ្ចកវិទ្យា នវានុវត្តន៍ រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ (គណៈកម្មការទី៩) នៃរដ្ឋសភា នាព្រឹកថ្ងៃទី១៩ ខែវិច្ឆិកា ឆ្នាំ២០២៥ បានអញ្ជើញដឹកនាំសមាជិក សមាជិកា គណៈកម្មការ ប្រជុំផ្ទៃក្នុងនៅវិមានរដ្ឋសភា ដើម្បីពិភាក្សារបៀបវារៈ សំខាន់ៗមួយចំនួន។

កិច្ចប្រជុំបានផ្តោតលើការពិនិត្យពិភាក្សា សេចក្តីព្រាងសេចក្តីសម្រេចស្តីពីតួនាទី និងភារកិច្ចរបស់គណៈកម្មការទី៩ នៃរដ្ឋសភា និងគម្រោងរៀបចំសិក្ខាសាលា ជាមួយក្រសួងប្រៃសណីយ៍ និងទូរគមនាគមន៍។ 

កិច្ចប្រជុំផ្ទៃក្នុងក៏បានពិនិត្យលើព្រឹត្តិបត្រព័ត៌មានប្រចាំត្រីមាសទី៣ របស់គណៈកម្មការទី៩ នៃរដ្ឋសភា និងស្តាប់បទបង្ហាញរបស់ឯកឧត្តមបណ្ឌិត លី ឆេង អនុប្រធានគណៈកម្មការ ស្តីពីការរៀបចំAppរបស់រដ្ឋសភា និងបញ្ហាផ្សេងៗ៕