ឯកឧត្តម ឡេង ប៉េងឡុង អគ្គលេខាធិការរដ្ឋសភា នៃព្រះរាជាណាចក្រកម្ពុជា នារសៀលថ្ងៃទី០៩ ខែតុលា ឆ្នាំ២០២៥បានអញ្ជើញបើកកិច្ចប្រជុំនិងពិភាក្សាលើឯកសារបញ្ជីច្បាប់ជាធរមានលើរបៀបវារៈមួយចំនួននៅវិមានរដ្ឋសភា។

កិច្ចប្រជុំផ្តោតលើរបៀបវារៈចំនួន៣ ៖
១ -ពិនិត្យនិងពិភាក្សាលើឯកសារ បញ្ជីច្បាប់ជាធរមាន

២-មាតិកាច្បាប់តាមក្រសួង-ស្ថាប័ន

៣-សេចក្ដីផ្សេងៗ

កិច្ចប្រជុំនេះមានការអញ្ជើញចូលរួមពីសំណាក់ ឯកឧត្តម ជាអគ្គនាយក អគ្គនាយករង ប្រធាននាយកដ្ឋាន អនុប្រធាននាយកដ្ឋាន ប្រធានការិយាល័យ ។

កិច្ចប្រជុំក៏បានពិភាក្សាលើការវាយតម្លៃសមិទ្ធផលការងារ និងអនុវត្តគោលដៅបន្តដើម្បីបង្កលក្ខណៈងាយស្រួលទាំងផ្នែកសេវា និងបច្ចេកទេសដល់អគ្គលេខាធិការដ្ឋាននៃរដ្ឋសភាផងដែរ៕