ឯកឧត្តម ម៉ូត យូសុះ សមាជិកគណៈកម្មការសិទ្ធិមនុស្ស ទទួលពាក្យបណ្ដឹងនិងអង្កេត និងអធិការកិច្ច នៃរដ្ឋសភា (គណៈកម្មការទី១) និងជាតំណាងរាស្ត្រមណ្ឌលខេត្តត្បូងឃ្មុំ នារសៀលថ្ងៃទី២ ខែកុម្ភៈ ឆ្នាំ២០២៥ បានអញ្ជើញប្រគល់ផ្ទះសប្បុរសធម៌១ខ្នង ជូនលោកយាយខ្មែរឥស្លាម ដែលមានជីវភាពខ្វះខាត រស់នៅភូមិរោងគោ ឃុំថ្មពេជ្រ ស្រុកត្បូងឃ្មុំ ខេត្តត្បូងឃ្មុំ។

ផ្ទះសប្បុរសធម៌នេះ ជាអំណោយទទួលបានពីសប្បុរសជនប្រទេសម៉ាឡេស៊ីតាមរយៈលោក ម៉ាន រ៉មាសា នាយកគ្រប់គ្រងគ្រូបង្រៀនខ្មែរឥស្លាមស្រុកត្បូងឃ្មុំ។
ការប្រគល់ផ្ទះនេះ មានការចូលរួមពីឯកឧត្តម សមាជិកក្រុមប្រឹក្សាខេត្ត អភិបាលរងខេត្ត អាជ្ញាធរស្រុកត្បូងឃ្មុំ នាយកសាលា គ្រូបង្រៀនខ្មែរឥស្លាមស្រុក និងក្រុមការងារសហភាពសហព័ន្ធយុវជនកម្ពុជា(ស.ស.យ.ក)ឥស្លាមផងដែរ។