លោកជំទាវ ឡោក ខេង ប្រធានគណ:កម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី នៃរដ្ឋសភា (គណៈកម្មការទី៨) និងជាប្រធានក្រុមសភាជាតិកម្ពុជា នៃអ្នកនយោបាយសភាស្រ្តី បានអញ្ជើញដឹកនាំកិច្ចប្រជុំផ្ទៃក្នុង របស់លេខាធិការដ្ឋាន ក្រុមសភាជាតិកម្ពុជានៃនយោបាយសភាស្រ្តី ដើម្បីពិនិត្យទៅលើសៀវភៅសមិទ្ធផល១០ឆ្នាំ របស់ក្រុមសភាជាតិកម្ពុជានៃអ្នកនយោបាយសភាស្រ្តី នារសៀលថ្ងៃ២៣ ខែមករា ឆ្នាំ២០២៥ នៅវិមានរដ្ឋសភា ។

កិច្ចប្រជុំនេះ មានការអញ្ជើញចូលពីលោកជំទាវ លេខាធិការក្រុមសភាជាតិកម្ពុជា នៃអ្នកនយោបាយសភាស្ត្រី និងលោក លោកស្រីជាសមាជិកមួយចំនួន ។
សូមជម្រាបថា សៀវភៅសមិទ្ធផល១០ឆ្នាំនេះ នឹងបង្ហាញអំពីសកម្មភាព និងសមិទ្ធផលរបស់ក្រុមសភាជាតិកម្ពុជានៃអ្នកនយោបាយសភាស្រ្តី នៅក្នុងបេសកកម្មលើកកម្ពស់សមភាពយេនឌ័រនៅក្នុងក្របខណ្ឌសភា  ក្រោមការដឹកនាំរបស់សម្តេចមហារដ្ឋសភាធិការធិបតី ឃួន សុដារី ជាប្រធានរដ្ឋសភានៃព្រះរាជាណាចក្រកម្ពុជា ចាប់តាំងពីឆ្នាំ២០១៥ រហូតដល់បច្ចុប្បន្ន៕