រដ្ឋសភាកម្ពុជា​ នឹងបន្តសម្របសម្រួលពង្រឹងកិច្ចសហប្រតិបត្តិការក្នុងស្មារតីនៃវិបុលភាព និងការប្រើប្រាស់ទឹកប្រកបដោយចីរភាព__ ឯកឧត្តមកិត្តិសេដ្ឋាបណ្ឌិត ជាម យៀប អញ្ជើញជាអធិបតីភាពបើកសិក្ខាសាលា​ ស្តីពីចក្ខុវិស័យទឹក៖​ ទស្សនវិស័យពីកម្ពុជា__ សេចក្តីជូនដំណឹង​ អគ្គលេខាធិការដ្ឋានរដ្ឋសភា__ សេចក្តីប្រកាសព័ត៌មាន ស្តីពីលទ្ធផលនៃកិច្ចប្រជុំគណៈកម្មាធិការអចិន្ត្រៃយ៍រដ្ឋសភា នាព្រឹកថ្ងៃព្រហស្បតិ៍ ទី១៨ ខែមេសា ឆ្នាំ២០២៤ ៕ សម្តេចរដ្ឋសភាធិការធិបតី ឃួន សុដារី ដឹកនាំគណៈប្រតិភូរដ្ឋសភាកម្ពុជា ចូលរួមពិធីបើកកិច្ចប្រជុំកំពូលប្រធានសភាជាស្រ្តីពិភពលោកជាផ្លូវការនៅវិមានរដ្ឋសភាបារាំង__ តំណាងរាស្រ្តនៃប្រទេសទាំងពីរគាំទ្រក្នុងការជំរុញទំនាក់ទំនងរវាងប្រជាជននិងប្រជាជនពិតជាសំខាន់ណាស់ ៕

ទំព័រមុខ » ព័ត៌មាន » ព័ត៌មានប្រចាំថ្ងៃ » លោកជំទាវ ឡោក ខេង បានអញ្ជើញជួបពិភាក្សាការងារជាមួយ អនុប្រធានអង្គការ UNFPA ប្រចាំនៅកម្ពុជា
លោកជំទាវ ឡោក ខេង បានអញ្ជើញជួបពិភាក្សាការងារជាមួយ អនុប្រធានអង្គការ UNFPA ប្រចាំនៅកម្ពុជា
រៀបរៀងដោយ ៖​ NA002 ​ នៅថ្ងៃទី (4/1/2024 6:51:10 PM )
នារសៀលថ្ងៃទី០១ ខែមេសា ឆ្នាំ២០២៤ លោកជំទាវ ឡោក ខេង ប្រធានគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី នៃរដ្ឋសភា (គណៈកម្មការទី៨) និងលោកជំទាវ គង់ សាឡន សមាជិកាគណៈកម្មការទី១០ បានអញ្ជើញជួបពិភាក្សាការងារជាមួយ​ លោក ម៉ៃ ទុំ អនុប្រធានអង្គការ UNFPA ប្រចាំនៅកម្ពុជា ដើម្បីប្រមូលព័ត៌មាន និងទទួលបានរបាយការណ៍បន្ថែម សម្រាប់ធ្វើការចូលរួមសន្និសីទសមាជិកសភាអន្តរជាតិ ស្តីពីការត្រួតពិនិត្យ ការអនុវត្ត សេចក្តីសម្រេចចិត្តនៃសន្និសីទអន្តរជាតិ ស្តីពីប្រជាជន និងការអភិវឌ្ឍ​ លើកទី៣០ នៅប្រទសណ័រវេស។
 
លោក ម៉ៃ ទុំ អនុប្រធានអង្គការ UNFPA ប្រចាំនៅកម្ពុជា​ បានមានប្រសាសន៍ជម្រាបជូនលោកជំទាវពីសន្និសីទអន្តរជាតិ ស្តីពីប្រជាជន និងការអភិវឌ្ឍ (International Conference on Population and Develoopment — ICPD) ឆ្នាំ១៩៩៤ នៅទីក្រុងគែរ ប្រទេសអេហ្ស៊ីប ដែលបានសម្រេចដាក់ចេញនូវសេចក្តីប្តេជ្ញាចិត្តរួម ដោយច្របាច់បញ្ចូលនូវទស្សនៈជុំវិញ ក្នុងការជំរុញឱ្យមានការគោរពសិទ្ធិមនុស្ស ប្រជាសាស្រ្ត សុខភាពផ្លូវភេទ និងបន្តពូជ សមភាពយេនឌ័រ និងការអភិវឌ្ឍប្រកបដោយចីរភាព ដោយឈរលើមូលដ្ឋាន។
 
លោក ម៉ៃ ទុំ បានបន្តទៀតថា ក្នុងឱកាសខួបទី២៥ នៃសន្និសីទនេះ ដែលប្រព្រឹត្តទៅនៅទីក្រុងណៃរ៉ូប៊ី បានដាក់ចេញនូវការប្តេជ្ញាចិត្តបន្ថែម ដែលហៅថាសូន្យទាំង៣ (Three Zeros) រួមមាន៖ គ្មានការរៀបចំផែនការគ្រួសារដែលខុសពីតម្រូវការ (Zero unmet family plan) គ្មានមរណភាពដែលអាចបង្ការបាននៃមាតា (Zero Preventable Maternal Death) និងគ្មានអំពើហិង្សា និងការអនុវត្តដែលមានហានិភ័យពាក់ព័ន្ធនឹងយេនឌ័រ (Zero Gender-Based Violence and Harmful Practices)។ បច្ចុប្បន្នការអនុវត្តសេចក្តីសម្រេចចិត្តនេះ កំពុងប្រឈមជាមួយបណ្តាបញ្ហាធំៗរួមមាន៖ បញ្ហាជំងឺរាលដាលសកល កូវីដ-១៩ វិបត្តិសេដ្ឋកិច្ច និងបណ្តាវិបត្តិផ្សេងៗ បានបង្ករជាឧបសគ្គដល់ការជំរុញទៅដល់គោលដៅខាងលើ ជាពិសេសក្នុងចំណោមប្រទេសកំពុងអភិវឌ្ឍន៍ និងប្រទេសមានការអភិវឌ្ឍតិចតួច។ ក្នុងឆ្នាំ២០២៤នេះ ICPD25 និងឈានដល់ ICPD30 យើងនឹងរំលឹកដល់ពិភពលោកនូវសារៈសំខាន់ជាសារវន្តនៃរបៀបវារៈនេះ ដែលជាជើងឯកនៃការអភិវឌ្ឍដែលផ្តោតលើប្រជាជនជាស្នូល សិទ្ធិ និងការសម្រេចចិត្តសម្រាប់ទាំងអស់គ្នា និងការសម្រេចបានគោលបំណងរួម ដែលមាន សន្តិភាព និងវិបុលភាពជាដើម ដោយត្រូវបានគិតគូរអំពីបម្រែបម្រួលយ៉ាងមហិមានៃពិភពលោក​ ទាំងក្នុងវិស័យសេដ្ឋកិច្ច សង្គម ភូមិសាស្រ្តនយោបាយ ប្រជាសាស្រ្ត និងបរិស្ថាន។ ក្នុងសន្និសីទ ដែលនឹងរៀបចំធ្វើនៅប្រទេសណ័រវេសបានលើកយកចំណុចពិភាក្សាលើវិស័យ៣​ ដែលសន្និសីទគ្របដណ្តប់៖ ការកាត់បន្ថយអត្រាមរណភាពមាតា និងទារក សុខភាពផ្លូវភេទ និងបន្តពូជ អំពើហិង្សាពាក់ព័ន្ធនឹងយេនឌ័រ ដោយទទួលបានសមិទ្ធផល និងឧត្តមានុវត្តរបស់កម្ពុជាក្នុងការសម្រេចបានការប្តេជ្ញាចិត្ត ICPD30។
 
លោកជំទាវ ឡោក ខេង ប្រធានគណៈកម្មការ បានថ្លែងអំណរគុណដល់​ លោក ម៉ៃ ទុំ ដែលបានផ្តល់ព័ត៌មានជាច្រើន សម្រាប់លើកប្រធានបទ និងជាជំនួយស្មារតីសម្រាប់ចូលរួមប្រជុំនៅក្នុងប្រទេសណ័រវេសនាពេលខាងមុខនេះ ៕