នាព្រឹកថ្ងៃទី២៥ ខែកក្កដា ឆ្នាំ២០២៤ សម្ដេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៃព្រះរាជាណាចក្រកម្ពុជា បានអញ្ជើញដឹកនាំគណៈកម្មាធិការអចិន្ត្រៃយ៍ នៃរដ្ឋសភា ទៅគោរពវិញ្ញាណក្ខន្ធ ឯកឧត្តម ង្វៀន ហ៊្វូចុង អគ្គលេខាធិការបក្ស នៃគណបក្សកុម្មុយនីស្តវៀតណាម នៅស្ថានទូតនៃសាធារណរដ្ឋសង្គមនិយមវៀតណាម ប្រចាំនៅព្រះរាជាណាចក្រកម្ពុជា។
សម្តេចមហារដ្ឋសភាធិការធិបតី ឃួន សុដារី បានសម្តែងនូវសមានទុក្ខដ៏ក្រៀមក្រំយ៉ាងជ្រាលជ្រៅបំផុត ចំពោះមរណភាពរបស់ ឯកឧត្តម ង្វៀន ហ៊្វូចុង អគ្គលេខាធិការបក្ស នៃគណបក្សកុម្មុយនីស្តវៀតណាម។
មរណភាពរបស់ ឯកឧត្តម ង្វៀន ហ៊្វូចុង មិនមែនគ្រាន់តែជាការបាត់បង់នូវធនធានដ៏ធំធេង របស់សាធារណរដ្ឋសង្គមនិយមវៀតណាម ប៉ុណ្ណោះទេ ប៉ុន្តែជាការបាត់បង់យ៉ាងធំធេងសម្រាប់យើងគ្រប់គ្នា ដែលបានដឹងពីការតស៊ូប្រឹងប្រែង និងបានឃើញពីសមិទ្ធផលនានា និងកេរដំណែលដែលមិនអាចកាត់ថ្លៃបាន របស់ឯកឧត្តម សម្រាប់មនុស្សជាតិ ៕