រដ្ឋសភាកម្ពុជា​ នឹងបន្តសម្របសម្រួលពង្រឹងកិច្ចសហប្រតិបត្តិការក្នុងស្មារតីនៃវិបុលភាព និងការប្រើប្រាស់ទឹកប្រកបដោយចីរភាព__ ឯកឧត្តមកិត្តិសេដ្ឋាបណ្ឌិត ជាម យៀប អញ្ជើញជាអធិបតីភាពបើកសិក្ខាសាលា​ ស្តីពីចក្ខុវិស័យទឹក៖​ ទស្សនវិស័យពីកម្ពុជា__ សេចក្តីជូនដំណឹង​ អគ្គលេខាធិការដ្ឋានរដ្ឋសភា__ សេចក្តីប្រកាសព័ត៌មាន ស្តីពីលទ្ធផលនៃកិច្ចប្រជុំគណៈកម្មាធិការអចិន្ត្រៃយ៍រដ្ឋសភា នាព្រឹកថ្ងៃព្រហស្បតិ៍ ទី១៨ ខែមេសា ឆ្នាំ២០២៤ ៕ សម្តេចរដ្ឋសភាធិការធិបតី ឃួន សុដារី ដឹកនាំគណៈប្រតិភូរដ្ឋសភាកម្ពុជា ចូលរួមពិធីបើកកិច្ចប្រជុំកំពូលប្រធានសភាជាស្រ្តីពិភពលោកជាផ្លូវការនៅវិមានរដ្ឋសភាបារាំង__ តំណាងរាស្រ្តនៃប្រទេសទាំងពីរគាំទ្រក្នុងការជំរុញទំនាក់ទំនងរវាងប្រជាជននិងប្រជាជនពិតជាសំខាន់ណាស់ ៕

ទំព័រមុខ » ព័ត៌មាន » ព័ត៌មានប្រចាំថ្ងៃ » ឯកឧត្តមកិត្តិសេដ្ឋាបណ្ឌិត ជាម យៀប អញ្ជេីញជាអធិបតីក្នុងពិធីសម្ពោធ អគារសិក្សា និងសមិទ្ធផលនានានៅសាលាបឋមសិក្សាប្របុសរលួយស្រុកព្រះស្តេចខេត្តព្រៃវែង
ឯកឧត្តមកិត្តិសេដ្ឋាបណ្ឌិត ជាម យៀប អញ្ជេីញជាអធិបតីក្នុងពិធីសម្ពោធ អគារសិក្សា និងសមិទ្ធផលនានានៅសាលាបឋមសិក្សាប្របុសរលួយស្រុកព្រះស្តេចខេត្តព្រៃវែង
រៀបរៀងដោយ ៖​ NA002 ​ នៅថ្ងៃទី (2/18/2024 5:54:05 PM )

នាព្រឹកថ្ងៃទី១៧ ខែកុម្ភៈ ឆ្នាំ២០២៤ ឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១ នៃរដ្ឋសភា និងលោកជំទាវ សិរីចរណវិសុទ្ធិអគ្គមហាឧបាសិកាពុទ្ធសាសនូបត្ថម្ភក៍ ហាក់ ជូ បានអញ្ជេីញជាអធិបតីក្នុងពិធីសម្ពោធ អគារសិក្សា១ខ្នងកម្ពស់ ២ជាន់មាន  ១០បន្ទប់  និងសមិទ្ធផលនានាមួយចំនួនទៀត រួមមាន ខ្លោងទ្វារ បន្ទប់ទឹក និងខឿនទង់ជាតិ នៅសាលាបឋមសិក្សាប្របុសរលួយ ស្ថិតក្នុងភូមិប្របុសរលួយ ឃុំបន្ទាយចក្រី ស្រុកព្រះស្តេច ខេត្តព្រៃវែង។

ពិធីសម្ពោធនេះមានការអញ្ជើញចូលរួមពីសំណាក់ ឯកឧត្តម លោកជំទាវ តំណាងរាស្រ្តមណ្ឌលខេត្តព្រៃវែង អាជ្ញាធរមូលដ្ឋាន មន្រ្តីរាជការ កងកំលាំងប្រដាប់អាវុធ លោកគ្រូ អ្នកគ្រូ សិស្សានុសិស្ស និងប្រជាពលរដ្ឋនៅស្រុកព្រះស្តេចចំនួនជាង១ពាន់នាក់។

លោក ភុន សម្ផស្ស អភិបាលស្រុកព្រះស្តេច បានមានប្រសាសន៍ថា  សាលាបឋមសិក្សាប្របុសរលួយបានកកើតឡើងនៅឆ្នាំ១៩៧៩ ហើយមានទីតាំងនៅក្នុងវត្តពោធិវ័ន  ហៅវត្តប្របុសរលួយ។ កាលនោះ លោកគ្រូ អ្នកគ្រូបានបង្រៀនសិស្សនៅសាលាឆាន់របស់ព្រះសង្ឃ។ ដោយមើលឃើញពីការលំបាករបស់លោកគ្រូ អ្នកគ្រូ នៅក្នុងឆ្នាំ១៩៨៩ ព្រះគ្រូចៅអធិការព្រះនាម ខាន់ សៅ ព្រមទាំងលោកអាចារ្យ គណៈកម្មការវត្ត បានឯកភាពគ្នាទិញដីមួយកន្លែងមានទំហំ  ១២,៧០៧ម៉ែត្រការ៉េ ក្នុងតម្លៃ៧ដំឡឹងមាសដើម្បីសាងសង់សាលារៀន ដែលមានទីតាំងនៅខាងជើងវត្តសព្វថ្ងៃនេះ។ នៅក្នុងឆ្នាំ២០០៤ សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តី បានផ្ដល់អំណោយសាលាមួយខ្នងមាន៦បន្ទប់។ ដោយមើលឃើញពីការកើនឡើង នូវចំនួនសិស្សានុសិស្ស និងគ្មានសាលារៀនគ្រប់គ្រាន់ សម្តេចក្រឡាហោម ស ខេង អតីតឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ បានឧបត្ថម្ភ អគារបន្ថែម១ខ្នងទៀត មាន៤បន្ទប់ តាមរយៈឯកឧត្តម ហ៊ី បាវី ។

នៅពេលបច្ចុប្បន្ននេះ ក្រោមគំនិតផ្តួចផ្តើមរបស់ព្រះគ្រូ ខាន់ សៅ និងព្រះគ្រូ ពិសិដ្ឋ កំសាន្ត ក៏បានកសាងសាលា១ខ្នងបន្ថែមទៀត កម្ពស់២ជាន់ មាន១០បន្ទប់ រួមជាមួយនឹងសមិទ្ធផលនានាមួយចំនួនទៀត សរុបចំណាយអស់ទឹកប្រាក់ ១២៦,២២១ដុល្លារ ដែលកំពុងដាក់សម្ពោធឱ្យប្រើប្រាស់ជាផ្លូវការនាថ្ងៃនេះ ។

ថ្លែងក្នុងពិធីសម្ពោធ  ឯកឧត្តម កិត្តិសេដ្ឋាបណ្ឌិត ជាម យៀប បានមានប្រសាសន៍ថា ឯកឧត្តម សូមថ្លែងអំណរគុណព្រះគ្រូ ខាន់ សៅ និងព្រះគ្រូ ពិសិដ្ឋ កំសាន្ត និងសប្បុរសជននានា ដែលបានចំណាយធនធានថវិកាក្នុងការរួមចំណែកកសាងអគារសិក្សា១ខ្នងមាន១០បន្ទប់  និងសមិទ្ធផលនានាមួយចំនួនទៀតដែលបានសម្ពោធដាក់អោយប្រើប្រាស់នាពេលនេះគឺជាថ្នាលនៃការកសាងធនធានមនុស្ស ដែលមានសារៈសំខាន់បំផុត  ចាប់ផ្តើមពីថ្នាក់បឋមសិក្សាឈានទៅបន្តសិក្សានៅកម្រិតអនុវិទ្យាល័យ និងវិទ្យាល័យដែលនិងធ្វើអោយប្រជាពលរដ្ឋនៅក្នុងភូមិឃុំរបស់យើងបានចូលរៀនសូត្រ  នឹងអាចឈានឡើងទៅកម្រិតថ្នាក់ឧត្តមសិក្សានិងអាចបន្តសិក្សានូវកម្រិតជំនាញ ហើយក្រោយពីបញ្ចប់ការសិក្សាជំនាញនឹងទៅកាន់ទីផ្សារការងារទាំងរដ្ឋ ឬឯកជនតាមរយៈការប្រឡងប្រជែងចូលធ្វើជាមន្ត្រីរាជការ គ្រូបង្រៀន គ្រូពេទ្យ កងកំលាំងប្រដាប់អាវុធ និងអង្គការសង្គមស៊ីវិលនានា។ល។ ទន្ទឹមនឹងនោះសាលាប្របុសរលួយនេះក៏ជាការរួមចំណែកយ៉ាងធំធេងជាមួយរាជរដ្ឋាភិបាលកម្ពុជាក្រោមការដឹកនាំដ៏មានសមត្ថភាពនៃសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីវ័យក្មេងនៃកម្ពុជាក្នុងការបណ្តុះបណ្តាលធនធានមនុស្សដែលជាមូលដ្ឋានគ្រឹះនៃការអភិវឌ្ឃន៍របស់រាជរដ្ឋាភិបាលកម្ពុជានីតិកាលទី៧នៃរដ្ឋសភា។

ឯកឧត្តមកិត្តិសេដ្ឋាបណ្ឌិត ជាម យៀប បានបន្តថា  ការវិនិយោគលើធនធានមនុស្សមានន័យថាលើកកម្ពស់វិស័យអប់រំនៅកម្ពុជាអោយមានការរីកចម្រើនតទៅ  អាស្រ័យហេតុនេះសម្តេចតេជោ ហ៊ុន សែន អតីតនាយករដ្ឋមន្រ្តីក៏ដូចជាសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីវ័យក្មេង  និងមានសមត្ថភាពគ្រប់គ្រាន់ បានខិតខំប្រឹងប្រែងកសាងសាលារៀនបានយ៉ាងច្រើនសន្ធឹកសន្ធាប់ពាសពេញប្រទេសជាតិដែលថ្នាក់ដឹកនាំសព្វថ្ងៃចង់ធ្វើយ៉ាងណាបង្ខិតសាលារៀន និងគ្រូបង្រៀនអោយនៅជិតកូនចៅប្រជាជន  ដើម្បីទទួលបានសិទ្ធិរៀនសូត្រគ្រប់ៗគ្នារួមចំណែកអភិវឌ្ឍន៍ធនធានមនុស្សអោយមានការរីកចម្រើនឡើង។