លោកជំទាវ ឡោក ខេង ប្រធានគណៈកម្មការ ព្រមទាំងសមាជិក សមាជិកា គណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី នៃរដ្ឋសភា សូមបួងសួងដល់គុណបុណ្យព្រះរតនត្រ័យ ទេវតាថែរក្សាទឹកដី នៃព្រះរាជាណាចក្រកម្ពុជា ព្រមទាំងវត្ថុស័ក្តិសិទ្ធិទាំងឡាយក្នុងលោក សូមព្រះអង្គតាមជួយបីបាច់ថែរក្សាការពារប្រោះប្រទាន នូវសព្ទសាធុការពរជ័យគ្រប់ប្រការជូន សម្តេចកិត្តិព្រឹទ្ធបណ្ឌិត សូមទទួលបានសុខភាពល្អបរិបូរណ៍ កម្លាំងពលំមាំមួន ឆាប់បានជាសះស្បើយពីជំងឺ។
ឆ្លៀតក្នុងឱកាសនេះ យើងខ្ញុំទាំងអស់គ្នា សូមសំដែងនូវសេចក្តីគោរពកោតសរសើរ និងវាយតម្លៃខ្ពស់ ចំពោះ សម្តេចកិត្តព្រឹទ្ធបណ្ឌិត ដែលកន្លងមកក៏ដូចបច្ចុប្បន្ន បានរួមចំណែកយ៉ាងធំធេង ក្នុងបុព្វហេតុ បម្រើប្រទេសជាតិ តាមរយៈសកម្មភាពមនុស្សធម៌របស់កាកបាទក្រហមកម្ពុជា ហើយ សម្តេចគឺជាថ្នាក់ដឹកនាំមួយរូប ពោរពេញទៅដោយគុណធម៌ និងគំរូវីរភាពដ៏ប្រពៃ ហើយតែងតែខិតខំប្រឹងប្រែងលើកស្ទួយសិទ្ធិនារី ការពារអត្តសញ្ញាណជាតិ ប្រពៃណី ទំនៀមទំលាប់ និងវប្បធម៌ដ៏ល្អផូរផង់ និងបានចូលរួមគ្រប់សកម្មភាព ក្នុងទិសដៅបម្រើឧត្តមប្រយោជន៍ជាតិ និងសុខុមាលភាពប្រជាជន។
សូម សម្តេចកិត្តព្រឹទ្ធបណ្ឌិត និង សម្តេចអគ្គមហាសេនាបតីតេជោ ហ៊ុន សែន ជាឧត្តម ស្វាមី ព្រមទាំងបុត្រា បុត្រី និងចៅៗ ជាទីស្រលាញ់ សូមបានប្រកបដោយព្រះពុទ្ធពរទាំងបួនប្រការគឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
