វិមានរដ្ឋសភា៖ ឯកឧត្តម កៃ កេតនិន អគ្គនាយកនីតិកម្ម និងស្រាវជ្រាវ នារសៀលថ្ងៃទី២៣ ខែមិថុនា ឆ្នាំ២០២៦បានអញ្ជើញដឹកនាំកិច្ចប្រជុំពិនិត្យ និងសិក្សាបទបញ្ជាផ្ទៃក្នុង នៃអគ្គលេខាធិការដ្ឋានរដ្ឋសភា។
កិច្ចប្រជុំនេះមានការអញ្ជើញចូលរួមពីសំណាក់ក្រុមការងារអគ្គាធិការដ្ឋាន អគ្គនាយកដ្ឋាននីតិកម្ម និងស្រាវជ្រាវ ព្រមទាំងនាយកដ្ឋានគ្រប់គ្រងបុគ្គលិកផងដែរ។
គោលបំណងសំខាន់ៗនៃកិច្ចប្រជុំពិនិត្យ និងសិក្សាបទបញ្ជាផ្ទៃក្នុង នៃអគ្គលេខាធិការដ្ឋានរដ្ឋសភានាពេលនេះគឺ៖
- ដើម្បីធ្វើបច្ចុប្បន្នភាពឱ្យស្របទៅនឹងការវិវត្តរីកចម្រើនរបស់រដ្ឋសភា ក្នុងនីតិកាលទី៧។
- ដើម្បីជំរុញ និងគាំទ្រដល់ការធ្វើកំណែទម្រង់ហិរញ្ញវត្ថុសាធារណៈឱ្យកាន់តែមានប្រសិទ្ធភាព។
- ចូលរួមចំណែកយ៉ាងសកម្មក្នុងការអនុវត្តកម្មវិធីនយោបាយ និងយុទ្ធសាស្ត្របញ្ចកោណ របស់រាជរដ្ឋាភិបាលនីតិកាលទី៧ ឱ្យសម្រេចបានជោគជ័យ។