ភ្នំពេញ ៖ ព្រះអង្គម្ចាស់ នរោត្តម ចក្រាវុធ ឯកអគ្គរាជទូតអមព្រះរាជខុទ្ទកាល័យព្រះមហាក្សត្រ និងជាតំណាងរាស្រ្តមណ្ឌលរាជធានី ភ្នំពេញ ​នៅរសៀលថ្ងៃទី១៨ ខែ មិថុនា ឆ្នាំ​២០២៦បានយាងចុះសួរ សុខទុក្ខ និងនាំយកព្រះអំណោយ ប្រទានដល់ប្រជារាស្រ្តទីទ័លក្រ និងចាស់ជរាប្រមាណជាង ៣០០គ្រួសារ នៅក្នុងភូមិព្រៃវែងខាងកើត សង្កាត់ព្រៃវែង ខណ្ឌដង្កោ រាជធានីភ្នំពេញ ។

ព្រះអំណោយនេះត្រូវបានប្រទាន ដើម្បីជួយសម្រាលបន្ទុកដល់ ប្រជារាស្រ្តទីទ័លក្រ និងជាការអបអរសាទរក្នុងឱកាសព្រះរាជពិធី បុណ្យចម្រើនព្រះជន្ម សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល គម្រប់ ៩០ យាងចូល ៩១ ព្រះវស្សា ។

ព្រះអំណោយមាន ៖ អង្ករ មី ត្រីខ ទឹកត្រី ទឹកស៊ីអីវ សារ៉ុង ព្រមទាំងថវិកាមួយចំនួនផងដែរ ៕