ខេត្តរតនគិរី៖ ឯកឧត្តម គិត ទ្រី សមាជិកគណៈកម្មការសិទ្ធិមនុស្ស ទទួលពាក្យបណ្តឹង និងអង្កេត និងអធិការកិច្ច នៃរដ្ឋសភា (គណៈកម្មការទី១) និងជាតំណាងរាស្ត្រមណ្ឌលខេត្តរតនគិរី អមដំណើរដោយ លោកអធិការ លោកអធិការរង នគរបាលស្រុក ក្រុមប្រឹក្សាឃុំ លោកមេឃុំ និងមន្ត្រីការិយាល័យពាក់ព័ន្ធជុំវិញស្រុកកូនមុំ នាព្រឹកថ្ងៃទី៩ ខែមិថុនា ឆ្នាំ២០២៦ បានអញ្ជើញចុះសំណេះសំណាល និងពិនិត្យការអនុវត្តការងារនៅក្នុងឃុំតឺន និងឃុំស្រែអង្ក្រង ស្រុកកូនមុំ ខេត្តរតនគិរី។

ក្នុងឱកាសនោះ ឯកឧត្តម គិត ទ្រី បានសម្តែងនូវការកោតសរសើរ និងថ្លែងអំណរគុណយ៉ាងជ្រាលជ្រៅចំពោះកិច្ចខិតខំប្រឹងប្រែងរបស់អាជ្ញាធរឃុំ ដែលបានរួមចំណែកយ៉ាងសកម្មក្នុងការអភិវឌ្ឍមូលដ្ឋាន និងខិតខំដោះស្រាយរាល់បញ្ហាប្រឈមនានាជូនប្រជាពលរដ្ឋ ក្នុងគោលដៅលើកកម្ពស់ជីវភាពរស់នៅ និងរក្សាសុខសន្តិភាព សុវត្ថិភាព ជូនប្រជាពលរដ្ឋក្នុងមូលដ្ឋាន៕