តំណាងគណៈកម្មការសិទ្ធិមនុស្ស ទទួលពាក្យបណ្ដឹងនិងអង្កេត និងអធិការកិច្ច (គណៈកម្មការទី១) នៃរដ្ឋសភា រួមមាន ឯកឧត្ដម សៅ សារ៉ាត់ សមាជិកគណៈកម្មការ និងលោកជំទាវ នួម សុភ័ណ សមាជិកាគណៈកម្មការ នារសៀលថ្ងៃទី៣ ខែកុម្ភៈ ឆ្នាំ២០២៦ បានអនុញ្ញាតឱ្យលោក ឈន សៀកលាង ជួបបំភ្លឺអំពីបណ្ដឹង នៅវិមានរដ្ឋសភា។

កិច្ចជំនួបនេះ លោក ឈន សៀកលាង បានបំភ្លឺជូនគណៈកម្មការលើបណ្ដឹងដែលបានស្នើសុំមករដ្ឋសភាជួយអន្តរាគមន៍ទប់ស្កាត់ការយកដីរបស់លោកដែលមានទីតាំងស្ថិតនៅភូមិត្នោតខ្ពស់ សង្កាត់ពន្សាំង ខណ្ឌព្រែកព្នៅ រាជធានីភ្នំពេញ។

គណៈកម្មការ បានស្តាប់ការបំភ្លឺ និងកត់សម្គាល់លើបញ្ហាដែលបានលើកឡើង ដោយអនុវត្តតាមភារកិច្ច និងតួនាទី ក្នុងការទទួលពិនិត្យ និងតាមដានបណ្ដឹងរបស់ប្រជាពលរដ្ឋ ជាពិសេសបញ្ហាដែលពាក់ព័ន្ធនឹងសិទ្ធិមនុស្ស និងដីធ្លី៕