ឯកឧត្ដមបណ្ឌិត សម តារា អនុប្រធានគណៈកម្មការសិទ្ធិមនុស្ស ទទួលពាក្យបណ្ដឹងនិងអង្កេត និងអធិការកិច្ច (គណៈកម្មការទី១) នៃរដ្ឋសភា និងជាតំណាងរាស្ត្រមណ្ឌលខេត្តស្វាយរៀង ដោយមានការចូលរួមពីក្រុមការងារថ្នាក់ខេត្ត ថ្នាក់ឃុំ និងភូមិ នាថ្ងៃទី២៦ ខែមករា ឆ្នាំ២០២៦ បានអញ្ជើញចុះជួបសំណេះសំណាល និងរៀបចំអាហារសាមគ្គីជូនលោកគ្រូ-អ្នកគ្រូ និងសិស្សានុសិស្សចំនួន ២០នាក់ នៅភូមិស្វាយអាណាត ឃុំញរ ស្រុកកំពង់រោទិ៍ ខេត្តស្វាយរៀង។

ឯកឧត្តមបណ្ឌិត បានរំលេចអំពីកិច្ចខិតខំប្រឹងប្រែង និងការយកចិត្តទុកដាក់យ៉ាងខ្លាំងក្លារបស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងសម្តេចកិត្តិសង្គហបណ្ឌិត ម៉ែន សំអន តំណាងរាស្ត្រមណ្ឌលខេត្តស្វាយរៀង។

ក្នុងឱកាសនោះ ឯកឧត្តមបណ្ឌិត ក៏បានឧបត្ថម្ភថវិកាសម្រាប់ការរៀបចំអាហារសាមគ្គី និងឧបត្ថម្ភថវិកាដល់លោកគ្រូ-អ្នកគ្រូ សិស្សានុសិស្ស និងអ្នកចូលរួមសរុបថវិកាចំនួន ១.៧៥០.០០០រៀល៕