ឯកឧត្តម ម៉ូត យូសុះ សមាជិកគណៈកម្មការសិទ្ធិមនុស្ស ទទួលពាក្យបណ្ដឹងនិងអង្កេត និងអធិការកិច្ច (គណៈកម្មការទី១) នៃរដ្ឋសភា តំណាងរាស្ត្រមណ្ឌលខេត្តត្បូងឃ្មុំ និងជាប្រធានគណៈអ៊ីម៉ាំខេត្តត្បូងឃ្មុំ បានដឹកនាំសហការី និងក្រុមការងារយុវជន នារសៀលថ្ងៃទី២៩ ខែធ្នូ ឆ្នាំ២០២៥ ប្រគល់គ្រឿងឧបភោគបរិភោគ និងថវិកា ដែលទទួលបានពីសាសនិកឥស្លាមក្នុងខេត្ត ប្រគល់ជូនរដ្ឋបាលខេត្តត្បូងឃ្មុំ ដើម្បីទុកជូនពលរដ្ឋភៀសសឹក និងវីរៈកងទ័ព ដែលកំពុងការពារបូរណភាពទឹកដីនៃព្រះរាជាណាចក្រកម្ពុជា  តាមបណ្ដោយព្រំដែន។ 

សូមជម្រាបជូនផងដែរថា ថវិកា និងគ្រឿងឧបភោគបរិភោគដែលប្រគល់ជូនរដ្ឋបាលខេត្តត្បូងឃ្មុំ នាឱកាសនេះ រួមមាន៖ ថវិកាចំនួន ៨លានរៀល អង្ករ ២តោន មី ១២០កេស ទឹកត្រី ៥០យួរ ទឹកស៊ីអ៊ីវ ៥០យួរ ត្រីខ ១០យួរ  ភេសជ្ជៈ ៧កេស ទឹកសុទ្ធ ២០០យួរ សាច់ដូងក្រអូបហ្វាហ្វា (FaFa) ២កេស ទឹកដោះគោឃុន ៣កេស ប៊ីចេង ១០គីឡូក្រាម និងប្រេងឆា ១កេស៕