នាព្រឹកថ្ងៃទី២៣ ខែធ្នូ ឆ្នាំ ២០២៥ ឯកឧត្តម វង សូត អនុប្រធានទី២ រដ្ឋសភា នៃព្រះរាជាណាចក្រកម្ពុជា និងជាអតីតរដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា បានអនុញ្ញាតឱ្យសារព័ត៌មានថ្មីៗ ធ្វើបទសម្ភាសពាក់ព័ន្ធនឹងប្រព័ន្ធជំនួយសង្គម នៅវិមានរដ្ឋសភា ។

កិច្ចសម្ភាសដែលបានរៀបចំឡើងដោយសារព័ត៌មានថ្មីៗជាមួយឯកឧត្តមអនុប្រធានទី២ រដ្ឋសភា នៅពេលនេះ ក្នុងគោលបំណងដើម្បីប្រមូលចងក្រង ឯកសារអំពីប្រវត្តិនៃការបង្កើតប្រព័ន្ធគាំពារសង្គមកម្ពុជា ដែលបានដំណើរការមកជាង ១០ឆ្នាំ កន្លងមកហើយ។ ប្រព័ន្ធគាំពារសង្គម បង្កើតឡើងដើម្បីរួមចំណែកធានាសុខុមាលភាពប្រជាជន ជាពិសេសអ្នកដែលរងគ្រោះ និងអ្នកងាយរងហានិភ័យផ្សេងៗ។

សូមជម្រាបថា ឯកឧត្តម វង សូត បច្ចុប្បន្នជាអនុប្រធានទី២ រដ្ឋសភា ធ្លាប់ជាអតីតរដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា នៅក្នុងនីតិកាលកន្លងមក ។ កាលនោះឯកឧត្ដមមានការយកចិត្តទុកដាក់គិតគូរជំរុញដល់ប្រព័ន្ធជំនួយសង្គម ដែលរហូតមកដល់បច្ចុប្បន្ន ការងារនេះក៏ត្រូវបានក្រសួងសង្គមកិច្ច អតីតយុទ្ធជន និងយុវនីតិសម្បទា ក្នុងនីតិកាលទី៧ បន្តជំរុញលើកកម្ពស់បន្ថែមទៀត និងទទួលបានការអបអរសាទរពីប្រជាពលរដ្ឋយ៉ាងច្រើនផងដែរ៕