ឯកឧត្តមបណ្ឌិត កែវ ពិសិដ្ឋ អគ្គលេខាធិការរងរដ្ឋសភា និងជានាយកខុទ្ទកាល័យសម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា បានអញ្ជើញដឹកនាំកិច្ចប្រជុំពិនិត្យលើវឌ្ឍនភាពការងារចុងក្រោយ សម្រាប់ការរៀបចំកិច្ចប្រជុំ AIPA Caucus លើកទី១៦ ដែលសភាកម្ពុជានឹងធ្វើជាម្ចាស់ផ្ទះរៀបចំចាប់ពីថ្ងៃទី១៤ ដល់ថ្ងៃទី១៧ ខែកក្កដា ឆ្នាំ២០២៥ ខាងមុខនេះ នៅរាជធានីភ្នំពេញ។
កិច្ចប្រជុំនេះបានរៀបចំឡើងនៅវិមានរដ្ឋសភា នារសៀលថ្ងៃទី១០ ខែកក្កដា ឆ្នាំ២០២៥ ដោយមានការអញ្ជើញចូលរួមពីក្រុមការងារលេខាធិការដ្ឋានជាតិអាយប៉ា-កម្ពុជា និងមន្ត្រីពាក់ព័ន្ធមួយចំនួនទៀត។
កិច្ចប្រជុំ AIPA Caucus លើកទី១៦នេះ មានលក្ខណៈពិសេសប្លែកជាងពេលមុនៗ គឺដោយសារមានការបន្ថែមកម្មវិធី AIPA Roadshow និងមានការអញ្ជើញសភាសង្កេតការណ៍អាយប៉ាមួយចំនួនចូលរួមផងដែរ៕
