នៅអាកាសយានដ្ឋានអន្តរជាតិភ្នំពេញ នារសៀល ថ្ងៃទី២៦ ខែវិច្ឆិកា ឆ្នាំ២០២៤ លោកជំទាវ កែ ច័ន្ទមុនី លេខាធិការគណៈកម្មការទី៧ នៃរដ្ឋសភា និងជាសមាជិកអនុគណៈកម្មការ ឡូជីស្ទីក ពិធីការ និងបដិសណ្ឋារកិច្ច ព្រមទាំងឯកឧត្តម លោកជំទាវ ជាសមាជិកអនុគណៈកម្មការ ឡូជីស្ទីក ពិធីការ និងបដិសណ្ឋារកិច្ច នៃគណៈកម្មការដឹកនាំ និងរៀបចំសម័យប្រជុំពេញអង្គលើកទី១១ នៃសភាអន្តរជាតិ ដើម្បីភាពអត់ឱននិងសន្តិភាព (IPTP) បានអញ្ជើញជូនដំណើរមាតុភូមិនិវត្តន៍របស់គណៈប្រតិភូ អនុប្រធានរដ្ឋសភាឡាវ ដឹកនាំដោយ ឯកឧត្តម H.E. Mr. Khambay Damlath  ដែលបានបញ្ចប់ការចូលរួមកិច្ចប្រជុំពេញអង្គលើកទី១១ នៃសភាអន្តរជាតិ ដើម្បីភាពអត់ឱន និងសន្តិភាព (11th Plenary Session of The International Parliament for Tolerance and Peace) ដែលសភានៃព្រះរាជាណាចក្រកម្ពុជា ធ្វើជាម្ចាស់ផ្ទះរៀបចំចាប់ពីថ្ងៃទី២៣ ដល់ថ្ងៃទី២៦ ខែវិច្ឆិកា ឆ្នាំ២០២៤ នៅសណ្ឋាគារសុខាភ្នំពេញប្រកបដោយជោគជ័យ៕