នារសៀលថ្ងៃទី២ ខែវិច្ឆិកា ឆ្នាំ២០២៤ តំណាងរាស្ត្រមណ្ឌលខេត្តតាកែវ រួមមាន៖ លោកជំទាវ និន សាផុន លោកជំទាវ នូ សុវណ្ណនី និងឯកឧត្តមបណ្ឌិត ស៊ូ ភិរិន្ទ បានអញ្ជើញចូលរួមជាកិត្តិយសពិធីប្រណាំងទូកខេត្តតាកែវ ក្រោមអធិបតីភាពឯកឧត្តម ជា វ៉ាន់ដេត ប្រធានក្រុមការងាររាជរដ្ឋាភិបាលចុះមូលដ្ឋានខេត្តតាកែវ ដើម្បីអបអរសាទរ ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៤ និងចូលរួមចំណែកថែរក្សាវប្បធម៌ ប្រពៃណី និងការលើកស្ទួយវិស័យកីឡាអុំទូករបស់ខ្មែរយើង និងមួយផ្នែកទៀតជាការរួមចំណែកក្នុងការផ្សព្វផ្សាយ និងជំរុញលើកស្ទួយវិស័យទេសចរណ៍ ក្នុងស្រុកឱ្យមាន ភាពទាក់ទាញដល់ភ្ញៀវទេសចរណ៍ទាំងជាតិនិងអន្តរជាតិ ឱ្យមកកម្សាន្ត និងទស្សនានៅខេត្តតាកែវ ក្រោមបរិយាកាសស្និទ្ធស្នាល សប្បាយរីករាយ និងប្រកបដោយមោទនភាពស្ថិតក្រោមម្លប់សុខសន្តិភាព។