នៅក្នុងដំណើរទស្សនកិច្ចជាផ្លូវការ និងមិត្តភាពនៅប្រទេសថៃ សម្តេចមហារដ្ឋសភាធិការធិបតី ឃួន សុដារី នៅរសៀលថ្ងៃទី១១ ខែកក្កដា ឆ្នាំ២០២៤នេះ បានអញ្ជើញទស្សនាកន្លែងសំខាន់ៗក្នុងរដ្ឋសភាថៃ ជាពិសេសសាលប្រជុំពេញអង្គរដ្ឋសភាថៃ ដែលសមាជិកសមាជិការដ្ឋសភាបានកំពុងដំណើរការប្រជុំផ្ទាល់។
រដ្ឋសភាថៃបានស្វាគមន៍យ៉ាងកក់ក្តៅចំពោះដំណើរទស្សនកិច្ចរបស់ប្រធានរដ្ឋសភាកម្ពុជានៅក្នុងប្រទេសរបស់ខ្លួន និងចាត់ទុកថាដំណើរទស្សនកិច្ចនេះជាព្រឹត្តិការណ៍ដ៏មានអត្ថន័យ និងជាប្រវត្តិសាស្ត្រដល់ការបន្តពង្រឹងពង្រីកទំនាក់ទំនង និងកិច្ចសហប្រតិបត្តិការទ្វេភាគី រវាងប្រទេសទាំងពីរដែលមានរយៈពេលជាង៧០ឆ្នាំមកនេះ ឱ្យកាន់តែស្អិតល្មួត ស៊ីជម្រៅ គ្រប់ជ្រុងជ្រោយ និងយូរអង្វែងថែមទៀត ៕
