ទំព័រមុខ » ព័ត៌មាន » ព័ត៌មានប្រចាំថ្ងៃ » សម្តេចអគ្គមហាពញាចក្រី ហេង សំរិន និងសម្តេចធម្មវិសុទ្ធវង្សា សៅ ទី ហេង សំរិន អញ្ជើញចូលរួមក្នុងព្រះរាជពិធី «១០០ព្រះវស្សា នៃព្រះបិតាឯករាជ្យជាតិ»
សម្តេចអគ្គមហាពញាចក្រី ហេង សំរិន និងសម្តេចធម្មវិសុទ្ធវង្សា សៅ ទី ហេង សំរិន អញ្ជើញចូលរួមក្នុងព្រះរាជពិធី «១០០ព្រះវស្សា នៃព្រះបិតាឯករាជ្យជាតិ»
រៀបរៀងដោយ ៖​ NA1472 ​ នៅថ្ងៃទី (10/31/2022 7:03:59 PM )

នាល្ងាចថ្ងៃទី៣១ ខែតុលា ឆ្នាំ២០២២ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា និង សម្តេច ធម្មវិសុទ្ធវង្សា សៅ ទី ហេង សំរិន បានអញ្ជើញចូលរួមក្នុងព្រះរាជពិធី «១០០ព្រះវស្សា នៃព្រះបិតាឯករាជ្យជាតិ» ដែលប្រព្រឹត្តទៅ ក្រោមព្រះរាជាធិបតីដ៏ខ្ពង់ខ្ពស់ជាទីបំផុត ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណា- ចក្រកម្ពុជា និង សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជ មាតាជាតិខ្មែរ នៅសាលមហោស្រពចតុមុខមង្គល។

សម្តេចព្រះសង្ឃរាជទាំងពីរគណៈ សម្តេចព្រះសង្ឃ ព្រះថេរានុត្ថេរៈ រួមនឹងឥស្សរជនជាន់ខ្ពស់ជាតិ ព្រះរាជវង្សានុវង្ស ព្រមទាំងភ្ញៀវ កិត្តិយសជាតិ និងអន្តរជាតិជាច្រើន បានយាង និងអញ្ជើញចូលរួមក្នុងព្រះរាជកម្មវិធីដ៏វិសេសវិសាលនេះដែរ។

ព្រះរាជកម្មវិធី «១០០ព្រះវស្សា នៃព្រះបិតាឯករាជ្យជាតិ» ត្រូវបានប្រារព្ធឡើងក្នុងគោលបំណង រំលឹកដល់ព្រះគុណូបការៈ និងសម្តែងនូវ មនោសញ្ចេតនា ចងចាំជានិច្ចគ្មានថ្ងៃបំភ្លេចបាន ប្រកបដោយសេចក្តីកតញ្ញូកតវេទី ចំពោះព្រះមហាករុណាទិគុណ ដ៏ធំធេងរបស់ ព្រះករុណា ព្រះមហាវីរក្សត្រ ព្រះបរមរតនកោដ្ឋ នៅក្នុងបុព្វហេតុទាមទារឯករាជ្យជូនប្រជាជាតិ ការកសាងជាតិ និងការបង្រួបបង្រួម ជាតិ ការការពារ បូរណភាពទឹកដីជូនជាតិមាតុភូមិ និងប្រជានុរាស្ត្រកម្ពុជា និងការរួបរួមដើម្បីសន្តិភាព ឯករាជ្យ និងកសាងជាតិ គ្មានឈប់ឈរ។

អត្ថបទ និងរូបភាព ដោយនាយកដ្ឋានព័ត៌មាន