គណៈប្រតិភូសភាកម្ពុជាអញ្ជើញចូលរួមកិច្ចប្រជុំប្រចាំឆ្នាំរបស់ក្រុមអ្នកនយោបាយ នៃអន្តរសភាអាស៊ានអាយប៉ា (AIPA) លើកទី១២__ លិខិតថ្វាយព្រះពររបស់ សម្តេចអគ្គមហាពញាចក្រី​ ហេង​ សំរិន ប្រធានរដ្ឋសភា​ នៃព្រះរាជាណាចក្រកម្ពុជា ថ្វាយសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ__ លិខិតថ្វាយព្រះពររបស់​ ឯកឧត្តមកិត្តិនីតិកោសលបណ្ឌិត​ ងួន​ ញ៉ិល​ អនុប្រធានទី១​ រដ្ឋសភា​ នៃព្រះរាជាណាចក្រកម្ពុជា ថ្វាយសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ__ សេចក្តីប្រកាសព័ត៌មាន ស្តីពីលទ្ធផលនៃកិច្ចប្រជុំគណៈកម្មាធិការអចិន្រ្តៃយ៍នៃរដ្ឋសភា ថ្ងៃអង្គារ ទី១៥ ខែមិថុនា ឆ្នាំ២០២១ តាមប្រព័ន្ធវីដេអូ__ សម្តេចអគ្គមហាពញាចក្រី ហេង សំរិន ដឹកនាំកិច្ចប្រជុំគណៈកម្មាធិការអចិន្រ្តៃយ៍រដ្ឋសភាតាមប្រព័ន្ធវីដេអូ ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » ឯកឧត្តម ឈាង វុន ចូលរួមកិច្ចប្រជុំគណៈកម្មាធិការនយោបាយក្នុងកិច្ចប្រជុំប្រចំាឆ្នាំលើកទី២៨ APPF នៅអូស្រ្តាលី
ឯកឧត្តម ឈាង វុន ចូលរួមកិច្ចប្រជុំគណៈកម្មាធិការនយោបាយក្នុងកិច្ចប្រជុំប្រចំាឆ្នាំលើកទី២៨ APPF នៅអូស្រ្តាលី
រៀបរៀងដោយ ៖​ NA1472 ​ នៅថ្ងៃទី (1/13/2020 5:19:31 PM )

ឯកឧត្តម ឈាង វុន សមាជិករដ្ឋសភា និងជាប្រធានគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃរដ្ឋសភា បានចូលរួមកិច្ចប្រជុំគណៈកម្មាធិការនយោបាយ និងសន្តិសុខ នៃវេទិកាសភាអាស៊ី-ប៉ាស៊ីហ្វិក លើកទី២៨ នាវិមានរដ្ឋសភាអូស្រ្តាលី នាទីក្រុងកង់បេរ៉ា នៅព្រឹកថ្ងៃទី១៤ ខែមករា ឆ្នាំ២០២០នេះ។

សភាអូស្រ្តាលីកំពុងរៀបចំកិច្ចប្រជុំប្រចំាឆ្នាំ
APPF លើកទី២៨ ក្រោមមូលបទ «ភាពជាដៃគូសភាសម្រាប់ឆ្នាំ២០២០ និងឆ្នាំបន្តបន្ទាប់» ពីថ្ងៃទី១៣ ដល់ថ្ងៃទី១៥ ខែមករា ឆ្នាំ២០២០ ដើម្បីជំរុញកិច្ចសហប្រតិបត្តិការសភា ក្នុងការដោះស្រាយបញ្ហារួម ក្នុងវិស័យសន្តិសុខ នយោបាយ បរិស្ថាន សេដ្ឋកិច្ច ជាដើម។ កិច្ចប្រជុំគណៈកម្មាធិការសន្តិសុខ បានពិភាក្សា ផ្លាស់ប្តូរយោបល់លើសេចក្តីព្រាងសេចក្តី សម្រេចចំនួន៤ ក្នុងការជំរុញកិច្ចសហប្រតិបត្តិការសភា ក្នុងការកសាងសន្តិភាព សន្តិសុខ និងការអភិវឌ្ឍដោយសមភាព និរន្តរភាព។ ការប្រយុទ្ធប្រឆាំងនឹងអំពើភេរវកម្ម និងភាពជ្រុលនិយមនៅក្នុងតំបន់ ជាដើម។

ប្រតិភូសភាកម្ពុជាបានលើកឡើងថា វិស័យការទូត និងភាពជាដៃគូសភា កាន់តែមានភាពពាក់ព័ន្ធនៅក្នុងការរៀបចំកិច្ចសន្ទនា និង ស្ថាបនានូវសណ្តាប់ធ្នាប់ពិភពលោកថ្មី ដែលកំពុងវិវឌ្ឍន៍យ៉ាងលឿនឆ្ពោះទៅរកពិភពលោកពហុប៉ូល ដែលកាន់តែមានភាពប្រាស្រ័យ ទាក់ទង និងពឹងពាក់គ្នាទៅវិញទៅមក កាន់តែប្រសើរឡើង។ កម្ពុជាប្រកាន់នយោបាយពហុនិយម និងប្រឆំាងចំពោះអំពើហិង្សាជ្រុល និយម ដែលបង្កអសន្តិសុខដល់សង្គមជាតិ។

សូមជម្រាបថា វេទិកាសភាអាស៊ី-ប៉ាស៊ីហ្វិក
“The Asia Pacific Parliamentary Forum” ផ្តួចផ្តើមបង្កើតឡើងដោយអតីតនាយករដ្ឋមន្រ្តី ជប៉ុន ឯកឧត្តម Yasuhiro Nakasone ក្នុងឆ្នាំ១៩៩៣ មានគោលបំណងប្រមូលផ្តុំសភាក្នុងតំបន់អាស៊ីប៉ាស៊ីហ្វិក ជួបប្រជុំប្រចំាឆ្នាំ ដើម្បី ដោះស្រាយបញ្ហារួម ជំរុញសុខសន្តិភាព និងការអភិវឌ្ឍប្រកបដោយចីរភាពនៅក្នុងតំបន់ និងសកលលោក។ អង្គការសភាមួយនេះ មានការប្រយុទ្ធប្រឆាំងនឹងអំពើភេរវកម្ម និងភាពជ្រុលនិយមនៅអាស៊ីប៉ាស៊ីហ្វិក។

សមាជិក២៧ប្រទេស មានប្រទេសអូស្រា្តលី ព្រះរាជាណាចក្រកម្ពុជា ចិន ប្រទេសជប៉ុន សាធារណរដ្ឋកូរ៉េ ម៉ុហ្គោលី សហព័ន្ធរុស្ស៊ី ឥណ្ឌូនេស៊ី ឡាវ ម៉ាឡេស៊ី ហ្វីលីពីន សឹង្ហបុរី ថៃ វៀតណាម ហ្វីជី ម៉េក្រុនេស៊ី ណូវែលហ្សឡង់ ប៉ាពូញូហ្គីនៀ ប្រជុំកោះម៉ារសល កាណាដា ឈីលី កូឡំប៊ី មិកសិកកូរ ប៉េរ៉ូ សហរដ្ឋអាមេរិក អេក្វាឌ័រ និងកូស្ការីការ ៕

អត្ថបទ និងរូបភាព ដោយនាយកដ្ឋានព័ត៌មាន