Home » បណ្ណសារដ្ឋាន » បណ្ណាល័យវីដេអូ » ព័ត៌មានវីដេអូ ៖ សម្តេចប្រធានរដ្ឋសភា ថ្លែងអំណរគុណតួកគីយ៉េ ដែលជានិច្ចកាលតែងគាំទ្រកម្ពុជាលើការដោះស្រាយជម្លោះព្រំដែនដោយសន្តិវិធីនិងគោរពច្បាប់អន្តរជាតិ

ព័ត៌មានវីដេអូ ៖ សម្តេចប្រធានរដ្ឋសភា ថ្លែងអំណរគុណតួកគីយ៉េ ដែលជានិច្ចកាលតែងគាំទ្រកម្ពុជាលើការដោះស្រាយជម្លោះព្រំដែនដោយសន្តិវិធីនិងគោរពច្បាប់អន្តរជាតិ Prepaired By: NARA1472 ​ Date: (6/8/2026 6:37:33 PM ) វិមានរដ្ឋសភា៖ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា កាលពីថ្ងៃទី៥ ខែមិថុនា ឆ្នាំ២០២៦ បានអនុញ្ញាតឱ្យ ឯកឧត្តម មឺស៊ុត អូស្កាន (Mesut Özcan) ឯកអគ្គរដ្ឋទូតតួកគីយ៉េទើបតែងតាំងថ្មី ចូលជួបសម្តែងការគួរសម និងពិភាក្សាការងារ។ ក្នុងជំនួបដ៏មានអត្ថន័យនេះ សម្តេចប្រធានរដ្ឋសភាបានថ្លែងអំណរគុណយ៉ាងជ្រាលជ្រៅចំពោះសមានចិត្តរបស់តួកគីយ៉េ ដែលបានចេញលិខិតអំពាវនាវដល់កម្ពុជា និងថៃ ដោះស្រាយជម្លោះព្រំដែនដោយសន្តិវិធី និងច្បាប់អន្តរជាតិ ព្រមទាំងបានបញ្ជាក់ជាថ្មីពីជំហរម៉ឺងម៉ាត់របស់កម្ពុជា ជាប្រទេសស្រឡាញ់ និងការពារសន្តិភាព។ ទន្ទឹមនឹងចំណងមិត្តភាពជិត ៧ទសវត្សរ៍ ថ្នាក់ដឹកនាំទាំងពីរបានកត់សម្គាល់ពីសក្តានុពលសេដ្ឋកិច្ចយ៉ាងខ្លាំងក្លា រួមមាន៖ ពាណិជ្ជកម្មហក់ឡើង៖ ការភ្ជាប់ជើងហោះហើរត្រង់ បានរុញច្រានទំហំពាណិជ្ជកម្មទ្វេភាគីកើនឡើងដល់ប្រមាណ ៧០ លានដុល្លារអាមេរិក។ ការអភិវឌ្ឍមូលដ្ឋាន៖ សម្តេចប្រធានថ្លែងអំណរគុណតួកគីយ៉េ ដែលបានជួយអភិវឌ្ឍហេដ្ឋារចនាសម្ព័ន្ធ និងលំនៅឋានដល់ពលរដ្ឋខេត្តកណ្តាល សម្រាប់កសិកម្មបែបទំនើប។ ទិសដៅទៅមុខ៖ ជំរុញការវិនិយោគ ពាណិជ្ជកម្ម កសិកម្ម អប់រំ បច្ចេកវិទ្យា និងការទាក់ទាញលំហូរអ្នកទេសចរតួកគីយ៉េមកកម្ពុជា។ ជាការឆ្លើយតប ឯកឧត្តមឯកអគ្គរដ្ឋទូតថ្មី បានប្តេជ្ញាចិត្តយ៉ាងមុតមាំ នឹងខិតខំប្រឹងប្រែងឱ្យអស់ពីកម្លាំងកាយចិត្ត ដើម្បីពង្រឹងចំណងមិត្តភាព និងកិច្ចសហប្រតិបត្តិការជាក់ស្តែងឱ្យកាន់តែស៊ីជម្រៅ សម្រាប់ឧត្តមប្រយោជន៍រួមនៃប្រជាជាតិទាំងពីរ។