លោកជំទាវ កុល ធារិន សមាជិកាគណ:កម្មការទី២នៃរដ្ឋសភា តំណាងរាស្រ្តមណ្ឌលខេត្តកំពង់ចាម និងជាអនុប្រធានកិត្តិយសសមាគមនារីកម្ពុជា ដេីម្បីសន្តិភាព និងអភិវឌ្ឍន៍ខេត្តកំពង់ចាម រួមជាមួយលោកជំទាវ ខុង ស៊ុនអេង ទីប្រឹក្សារដ្ឋសភា លោកជំទាវ ស្រី គឹមឆយ ទីប្រឹក្សារដ្ឋសភា នាព្រឹកថ្ងៃទី២៦ ខែមករា ឆ្នាំ២០២៦ បានអញ្ជើញចូលរួមកិច្ចប្រជុំលទ្ធផលប្រចាំឆ្នាំ២០២៥ និងទិសដៅបន្តរបស់សាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ និងក្រុមចលនាស្ត្រីខេត្តកំពង់ចាម នៅសាលសន្និសីទសាលាខេត្តកំពង់ចាម។
កិច្ចប្រជុំនេះធ្វើឡើងក្រោមអធិបតី ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងលោកជំទាវ ញូង ចរិយា អ៊ុនចាន់ដា ប្រធានកិត្តិយសសាខាសមាគមនារី ដើម្បីសន្តិភាព និងអភិវឌ្ឍន៍ ឯកឧត្តម ខ្លួត ផន ប្រធានក្រុមប្រឹក្សាខេត្តកំពង់ចាម និងមានការអញ្ជើញចូលរួមពីលោកជំទាវ អនុប្រធាន និងសមាជិកាប្រតិបត្តិកិត្តិយស សមាជិកាប្រតិបត្តិ អនុសាខាក្រុង-ស្រុក បណ្ដាញនារីឃុំ-សង្កាត់ អភិបាលក្រុង-ស្រុក ប្រធានមន្ទីរអង្គភាពជុំវិញខេត្តសរុបប្រមាណ ៥១០រូប។
ក្នុងកម្មវិធីនេះ ឯកឧត្ដមអភិបាលខេត្ត និងលោកជំទាវ រួមជាមួយឯកឧត្តមប្រធានក្រុមប្រឹក្សា បានចែកអំណោយដល់ជនមានពិការភាព កុមារកំព្រា ចាស់ជរាគ្មានទីពឹង និងស្រី្តជួបការលំបាកសរុបចំនួន ៧០គ្រួសារ និងឧបត្ថម្ភកុំព្យូទ័រយួរដៃចំនួន ១គ្រឿង និងថវិកាចំនួន ៣០ម៉ឺនរៀល ជូនដល់យុវសិស្សដែលមានពិការភាពចំនួន ១រូប។
ក្នុងឱកាសនោះ លោកជំទាវ កុល ធារិន ក៏បានចូលរួមឧបត្ថម្ភថវិកាចំនួន ២.៤០០.០០០រៀល ជូនសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ និងក្រុមចលនាស្ត្រីខេត្តកំពង់ចាម ផងដែរ៕
