លិខិតជូនពរ សូមគោរពជូន សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន ប្រធានកាកបាទក្រហមកម្ពុជា__ សេចក្តីជូនដំណឹង ស្តីពី ដំណើរទស្សនកិច្ចជាផ្លូវការ និងមិត្តភាព របស់គណៈប្រតិភូ ជាន់ខ្ពស់រដ្ឋសភា នៃសាធារណរដ្ឋបារាំង នៅព្រះរាជាណាចក្រកម្ពុជា__ សេចក្តីប្រកាសព័ត៌មាន ស្តីពី លទ្ធផលនៃសម័យប្រជុំរដ្ឋសភាលើកទី១ នីតិកាលទី៦ ថ្ងៃព្រហស្បតិ៍ ទី១៣ ខែធ្នូ ឆ្នាំ២០១៨__ រដ្ឋសភា ពិភាក្សា និងអនុម័តសេចក្តីស្នើច្បាប់វិសោធនកម្មច្បាប់ស្តីពីគណបក្សនយោបាយ និងសេចក្តីព្រាងច្បាប់បរធនបាលកិច្ច__ សេចក្តីជូនដំណឹង រដ្ឋសភានៃព្រះរាជាណាចក្រកម្ពុជា​ នឹងបន្តសម័យប្រជុំលើកទី១​ នីតិកាលទី៦ នៅថ្ងៃព្រហស្បតិ៍​ ៦កើត​ ខែមិគសិរ​ ឆ្នាំច​ សំរឹទ្ធិស័ក​ ព.ស.​ ២៥៦២ ត្រូវនឹងថ្ងៃទី១៣​ ខែធ្នូ​ ឆ្នាំ២០១៨ ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » ឯកឧត្តមបណ្ឌិតរដ្ឋ ជាម យៀប ដាក់ផែនការដល់អនុគណៈកម្មការហិរញ្ញវត្ថុ និងផ្គត់ផ្គង់ ត្រៀមផ្តល់សេវាក្នុងការរៀបចំកិច្ចប្រជុំប្រចាំឆ្នាំ APPF
ឯកឧត្តមបណ្ឌិតរដ្ឋ ជាម យៀប ដាក់ផែនការដល់អនុគណៈកម្មការហិរញ្ញវត្ថុ និងផ្គត់ផ្គង់ ត្រៀមផ្តល់សេវាក្នុងការរៀបចំកិច្ចប្រជុំប្រចាំឆ្នាំ APPF
រៀបរៀងដោយ ៖​ NA1472 ​ នៅថ្ងៃទី (6/25/2018 9:33:21 PM )

ឯកឧត្តមបណ្ឌិតរដ្ឋ ជាម យៀប ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភា និងជាប្រធានអនុគណៈកម្មការ ហិរញ្ញវត្ថុ និងផ្គត់ផ្គង់ នៃគណៈកម្មការរៀបចំកិច្ចប្រជុំប្រចាំឆ្នាំលើកទី២៧ នៃវេទិកាសភាអាស៊ី-ប៉ាស៊ីហ្វិក បានដឹកនាំកិច្ចប្រជុំមួយ ដើម្បីត្រួតពិនិត្យលទ្ធផល ការងារ និងដាក់ចេញផែនការក្នុងការត្រៀមផ្តល់សេវាកម្ម ដល់ដំណើរកិច្ចប្រជុំ APPF នាពេលខាងមុខ ឲ្យទទួលបានជោគជ័យ។

សភានៃប្រទេសកម្ពុជា នឹងទទួលធ្វើជាម្ចាស់ផ្ទះរៀបចំកិច្ចប្រជុំប្រចាំឆ្នាំ លើកទី២៧ នៃវេទិកាសភាអាស៊ី-ប៉ាស៊ីហ្វិក ដែលហៅកាត់ថា (APPF) នៅ ពាក់កណ្តាលខែមករា ឆ្នាំ២០១៩ នៅលើទឹកដីខេត្តសៀមរាប។

វេទិកាសភាអាស៊ី-ប៉ាស៊ីហ្វិក ដែលមានសមាជិកសភា២៧ប្រទេស តែងតែជួបប្រជុំប្រចាំឆ្នាំក្នុងប្រទេសជាសមាជិក ដើម្បីពិភាក្សាលើបញ្ហានយោបាយ សង្គម សេដ្ឋកិច្ច និងបញ្ហាស្រ្តីជាដើម ដើម្បីជំរុញយន្តការសភា ក្នុងការដោះស្រាយបញ្ហាប្រឈមរបស់តំបន់​ និងពិភពលោក ក៏ដូចជាការលើកកម្ពស់ ការអភិវឌ្ឍតំបន់​ និងពិភពលោក ដោយចីរភាព។

ការទទួលធ្វើជាម្ចាស់ផ្ទះរបស់សភាកម្ពុជាសម្រាប់វេទិកានេះ ជាកិត្តិយស និងជាមុខមាត់របស់កម្ពុជា ក្នុងការចូលរួមចំណែកលើកកម្ពស់សន្តិភាព និងការដោះស្រាយបញ្ហាសកលលោក។ ក្នុងកិច្ចប្រជុំនាព្រឹកថ្ងៃទី២៦ ខែមិថុនា ឆ្នាំ២០១៨ នៃអនុគណៈកម្មការហិរញ្ញវត្ថុ​ និងផ្គត់ផ្គង់ ដែលជាអនុ គណៈកម្មការមួយ ក្នុងចំណោមអនុគណៈកម្មការដែលសភាកម្ពុជាបានបង្កើតឡើង ក្នុងការត្រៀមរៀបចំកិច្ចប្រជុំប្រចាំឆ្នាំ លើកទី២៧ APPF នោះ ឯកឧត្តមបណ្ឌិតរដ្ឋ ជាម យៀប បានជំរុញ​ និងលើកទឹកចិត្តដល់សមាជិកសមាជិកាទាំងអស់ ឲ្យខិតខំបំពេញការងារអស់ពីកម្លាំងកាយចិត្ត និងពុទ្ធិ ដែលមាន។

ឯកឧត្តមបណ្ឌិតរដ្ឋ បានគូសបញ្ជាក់ថា អនុគណៈកម្មការហិរញ្ញវត្ថុនិងផ្គត់ផ្គង់ នឹងដើរតួនាទីសំខាន់ ក្នុងការផ្តល់ថវិកា​ និងសម្ភារៈនានាដល់ដំណើរការ កិច្ចប្រជុំ ដូច្នេះត្រូវពិនិត្យ​ និងសិក្សាគម្រោងនីមួយៗឲ្យបានល្អិតល្អន់ មានតម្លាភាព មានការសន្សំសំចៃខ្ពស់៕

អត្ថបទ​ និងរូបភាព ដោយនាយកដ្ឋានព័ត៌មាន