សម្តេចប្រធានរដ្ឋសភាជម្រាបយុវជនអាស៊ីអាគ្នេយ៍កម្ពុជាម្នាក់ៗ ត្រូវចេះធ្វើមគ្គុទេស និងអ្នកការទូតដ៏ល្អ__ សារលិខិតរំលែកទុក្ខ ជូន លោកជំទាវ​ ង្វៀនធី​ គីមងិន​ ប្រធានរដ្ឋសភា នៃសាធារណរដ្ឋសង្គមនិយមវៀតណាម__ ថ្នាក់ដឹកនាំ និងសមាជិកគណៈកម្មការនានា នៃរដ្ឋសភា មានគ្រប់គ្រាន់ ក្នុងការបំពេញបេសកកម្ម ជូនប្រទេសជាតិ និងប្រជាពលរដ្ឋ __ សមាជិករដ្ឋសភាទើបទទួលសុពលភាពចូលសច្ចាប្រណិធានក្នុងព្រះបរមរាជវាំង__ សេចក្តីប្រកាសព័ត៌មាន ស្តីពីលទ្ធផលសម័យប្រជុំរដ្ឋសភាលើកទី១​ នីតិកាលទី៦ ថ្ងៃពុធ​ ទី១៩​ ខែកញ្ញា​ ឆ្នាំ២០១៨__ រដ្ឋសភាបានប្រកាសសុពលភាពអាណត្តិតំណាងរាស្រ្តចំនួន៣៨រូបជំនួសតំណាងរាស្រ្ត​ ដែលបានលាឈប់​ ។


ទំព័រមុខ » គណៈកម្មការទី២ » សកម្មភាព » ឯកឧត្តម ចាយ បូរិន ណែនាំដល់អ្នកសង្កេតការណ៍បោះឆ្នោតនៅស្រុកមេមត់ ខេត្តត្បូងឃ្មុំ​ គោរពក្រមសីលធម៌
ឯកឧត្តម ចាយ បូរិន ណែនាំដល់អ្នកសង្កេតការណ៍បោះឆ្នោតនៅស្រុកមេមត់ ខេត្តត្បូងឃ្មុំ​ គោរពក្រមសីលធម៌
រៀបរៀងដោយ ៖​ NA1472 ​ នៅថ្ងៃទី (6/20/2018 8:07:52 PM )

ឯកឧត្តម​ ចាយ បូរិន តំណាងរាស្រ្តមណ្ឌលខេត្តកំពង់ចាម នៅព្រឹកថ្ងៃទី១៧ ខែមិថុនា ឆ្នាំ២០១៨ បានជួបសំណេះសំណាលជាមួយអ្នកសង្កេតការណ៍ ការបោះឆ្នោត នៅស្រុកមេមត់ ខេត្តត្បូងឃ្មុំ សរុបចំនួន៥៤៦នាក់ ដែលគ្រោងនឹងចុះសង្កេតការណ៍ការបោះឆ្នោតជ្រើសតាំងតំណាងរាស្រ្ត នីតិកាលទី៦ នាខែកក្កដាខាងមុខនេះ។

ក្នុងជំនួបពិភាក្សាផ្លាស់ប្តូរបទពិសោធន៍នេះ ឯកឧត្តមតំណាងរាស្រ្ត បានជំរុញដល់អ្នកសង្កេតការណ៍ទាំងអស់ សិក្សាស្វែងយល់ពីច្បាប់បោះឆ្នោត ពិសេសក្រមសីលធម៌អ្នកសង្កេតការណ៍។ ឯកឧត្តមបានលើកឡើងថា អ្នកសង្កេតការណ៍ជាសាក្សីដ៏សំខាន់នៃដំណើរការបោះឆ្នោត ដូច្នេះត្រូវអនុវត្ត ការងារទៅតាមច្បាប់ និងក្រមសីលធម៌ មិនត្រូវលម្អៀង និងប្រព្រឹត្តសកម្មភាពនានាផ្ទុយពីច្បាប់នោះឡើយ។

សូមជម្រាបថា​ ការបោះឆ្នោតជ្រើសតាំងតំណាងរាស្រ្តនីតិកាលទី៦ នឹងធ្វើឡើងនៅថ្ងៃទី២៩ ខែកក្កដា ឆ្នាំ២០១៨ ខាងមុខនេះ ដោយមានគណបក្ស នយោបាយចំនួន២០ចូលរួមប្រកួតប្រជែង។ ឯកឧត្តម ចាយ បូរិន បានលើកឡើងថា អ្នកសង្កេតការណ៍មានច្រើនប្រភេទ គឺអ្នកសង្កេតការណ៍ឲ្យ គណបក្សនយោបាយ និងអ្នកសង្កេតការណ៍ឯករាជ្យ ហើយវាពិតណាស់នៅក្នុងដំណើរការបោះឆ្នោតម្តងៗ គឺមានអ្នកសង្កេតការណ៍ទាំងពីរប្រភេទនេះ ចូលរួម។

ឯកឧត្តមតំណាងរាស្រ្តបានបញ្ជាក់ថា គណៈកម្មាធិការជាតិរៀបចំការបោះឆ្នោត បានចេញផ្សាយក្រមសីលធម៌អ្នកសង្កេតការណ៍រួចហើយ ដូច្នេះអ្នក សង្កេតការណ៍ជាតិ និងអន្តរជាតិ ត្រូវគោរពតាមសេចក្តីប្រកាសនោះ និងត្រូវសិក្សាឲ្យច្បាស់លាស់ពីច្បាប់នានាទាក់ទងនឹងការបោះឆ្នោត ដើម្បីចូលរួម ចំណែកលើកកម្ពស់ដំណើរការលទ្ធិប្រជាធិបតេយ្យនៅកម្ពុជា៕

អត្ថបទ​ និងរូបភាព​ ដោយនាយកដ្ឋានព័ត៌មាន