គណៈប្រតិភូសភាកម្ពុជា បានជម្រាបសហភាពអន្តរសភាពីដំណើរប្រជាធិបតេយ្យនិងការរីកចម្រើនរបស់កម្ពុជា__ ក្រសួងមុខងារសាធារណៈ ជម្រាបរដ្ឋសភាថាកំណែទម្រង់ប្រាក់បៀវត្សរ៍មន្រ្តីរាជការ ជាសមិទ្ធផលមួយក្នុងចំណោមសមិទ្ធផលជាច្រើនរបស់ក្រសួង__ ឯកឧត្តម ឡេង ប៉េឡុង ជំរុញមន្រ្តីត្រៀមរៀបចំកិច្ចប្រជុំប្រចំាឆ្នាំ APPF នៅដើមឆ្នាំ២០១៩ ខិតខំបំពេញការងារឲ្យបានជោគជ័យ__ ហ្សឺណែវ ស្វីស៖ លោកជំទាវ ឃួន សុដារី កំពុងចូលរួមកិច្ចប្រជុំក្រុមប្រឹក្សាភិបាលលើកទី២០៣ និងមហាសន្និបាតលើកទី១៣៩__ ថ្នាក់ដឹកនាំ និងសមាជិករដ្ឋសភា ព្រមទាំងមន្រ្តី អញ្ជើញគោរពព្រះវិញ្ញាណក្ខន្ធព្រះបរមរតនកោដ្ឋ__ លោកជំទាវ ឃួន សុដារី អនុប្រធានទី២ រដ្ឋសភា ដឹកនាំគណៈប្រតិភូសភាកម្ពុជា ទៅចូលរួមមហាសន្និបាតសហភាពអន្តរសភា (IPU) នៅប្រទេសស្វីស__ សេចក្តីប្រកាសព័ត៌មាន ស្តីពីគណៈប្រតិភូសភាកម្ពុជា ដឹកនាំដោយ លោកជំទាវ ឃួន សុដារី អនុប្រធានទី២ នៃរដ្ឋសភា អញ្ជើញចូលរួមមហាសន្និបាតសហភាពអន្តរសភា (IPU) នៅទីក្រុងហ្សឺណែវ ប្រទេសស្វីស__ ឯកឧត្តមបណ្ឌិត ងួន ញ៉ិល ជំរុញការត្រៀមរៀបចំកិច្ចប្រជុំ APPF លើកទី២៧ ឲ្យទទួលខុសត្រូវខ្ពស់ ដើម្បីមុខមាត់ប្រទេសជាតិ__ រដូវភ្ជុំ៖ សម្តេចអគ្គមហាពញាចក្រី ហេង សំរិន និងលោកជំទាវ កាន់បិណ្ឌវេនទី១១ និង១២ នៅស្រុកកំណើត__ លោកជំទាវ ឃួន សុដារី អនុប្រធានទី២ នៃរដ្ឋសភា អញ្ជើញកាន់បិណ្ឌទី១២ នៅវត្តប្រជុំនទី (ក្រពើហា) ក្រុងតាខ្មៅ ខេត្តកណ្តាល ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » ក្រុមការងាររៀបចំខ្លឹមសារសម្រាប់កិច្ចប្រជុំសមាជិកសភាជាស្ត្រី APPF ប្រជុំជ្រើសរើសប្រធានបទ​ សម្រាប់កិច្ចប្រជុំប្រចាំឆ្នាំ APPF លើកទី២៧
ក្រុមការងាររៀបចំខ្លឹមសារសម្រាប់កិច្ចប្រជុំសមាជិកសភាជាស្ត្រី APPF ប្រជុំជ្រើសរើសប្រធានបទ​ សម្រាប់កិច្ចប្រជុំប្រចាំឆ្នាំ APPF លើកទី២៧
រៀបរៀងដោយ ៖​ NA1472 ​ នៅថ្ងៃទី (6/5/2018 9:00:37 PM )

លោកជំទាវ ឃួន សុដារី ប្រធានក្រុមសភាជាតិកម្ពុជានៃអ្នកនយោបាយសភាស្ត្រី បានដឹកនាំកិច្ចប្រជុំក្រុមការងាររៀបចំខ្លឹមសារសម្រាប់កិច្ចប្រជុំ សមាជិកសភាជាស្ត្រីនៃសភាតំបន់អាស៊ី-ប៉ាស៊ីហ្វិក ហៅកាត់ថាAPPFលើកទី២៧ ដោយបានសម្រេចជ្រើសរើសយកប្រធានបទចំនួន៣ ក្នុងចំណោម ប្រធានបទដែលក្រុមការងារបានព្រាងរៀបចំចំនួន៦ និងប្រធានបទថ្មី១បន្ថែមទៀតដែលបានស្នើឡើងនៅក្នុងពេលនៃកិច្ចប្រជុំ។

កិច្ចប្រជុំនេះបានរៀបចំឡើងនៅរសៀលថ្ងៃទី៥ ខែមិថុនា ឆ្នាំ២០១៨ នៅវិមានរដ្ឋសភា ដោយមានការចូលរួមពីសមាជិកាសភាជាស្ត្រី តំណាងក្រសួង កិច្ចការនារី តំណាងវិទ្យាស្ថានសភាកម្ពុជា និងមន្ត្រីនៃលេខាធិការដ្ឋានជាតិ APPF ។

លោកជំទាវ ឃួន សុដារី បានមានប្រសាសន៍ជម្រាបដល់សមាជិក សមាជិកានៃកិច្ចប្រជុំ សូមពិចារណាជ្រើសរើសនូវប្រធានបទ ដែលបម្រើនូវ ផលប្រយោជន៍រួមរបស់ប្រទេសដែលជាសមាជិកAPPFទាំងអស់។ ការដែលធ្វើដូចនេះបាន គឺនឹងធ្វើឲ្យប្រទេសដែលមកចូលរួម គេមានការចូលរួម ចែករំលែកនូវគំនិត យោបល់ និងបទពិសោធន៍របស់គេយ៉ាងផុលផុសនៅក្នុងកិច្ចប្រជុំនាពេលខាងមុខ។

លោកជំទាវមានប្រសាសន៍បន្តថា ប្រទេសជាសមាជិកAPPFទាំងអស់ គឺមានទាំងប្រទេសតូច ប្រទេសធំ ប្រទេសក្រ ប្រទេសមធ្យម និងប្រទេស អ្នកមាន។ បើពិនិត្យទៅលើភូមិសាស្ត្រនយោបាយ សេដ្ឋកិច្ច សង្គមរបស់ប្រទេសសមាជិកទាំងអស់ គឺអាចបញ្ជាក់បានថា APPFបង្កើតឡើងដើម្បី ជំរុញឲ្យតំបន់អាស៊ីប៉ាស៊ីហ្វិក លើកកម្ពស់ការជជែកគ្នា យោគយល់គ្នា សហការគ្នា និងរួមគ្នាដោះស្រាយបញ្ហាសកល។

បន្ទាប់ពីមានការផ្ដល់មតិយោបល់ពីសមាជិកាសភា(រដ្ឋសភា ព្រឹទ្ធសភា) តំណាងក្រសួងកិច្ចការនារី តំណាងវិទ្យាស្ថានសភាកម្ពុជា និងមន្ត្រីនៃលេខា- ធិការដ្ឋានជាតិAPPFរួចមក កិច្ចប្រជុំបានសម្រេចជ្រើសរើសយកប្រធានបទចំនួន៣ សម្រាប់ផ្ញើទៅប្រទេសជាគណៈកម្មការប្រតិបត្តិ នៃសភាតំបន់ អាស៊ី-ប៉ាស៊ីហ្វិក នៅក្នុងកក្កដាខាងមុខ។

ប្រធានបទទាំងបីនោះមាន៖

១-ពង្រឹងភាពជាដៃគូក្នុងតំបន់អាស៊ី-ប៉ាស៊ីហ្វិក ដើម្បីសមភាពយេនឌ័រ និងការផ្ដល់ភាពអង់អាចដល់ស្រ្តី និងកុមារី ដើម្បីសន្តិភាព និងការអភិវឌ្ឍ ប្រកបដោយចីរភាព។

២-ធានាការផ្ដល់សមភាពរវាងស្ត្រី និងបុរស ក្នុងវិស័យអប់រំ វិជ្ជាជីវៈ បច្ចេកទេស និងព័ត៌មានវិទ្យា ដើម្បីសន្តិភាព និងសម្រេចបាននូវគោលដៅ អភិវឌ្ឍន៍ប្រកបដោយចីរភាព។

៣-លើកកម្ពស់សមភាពយេនឌ័រ និងការផ្ដល់ភាពអង់អាចដល់ស្រ្តីតាមរយៈ ការបង្កើនការចូលរួមរបស់ស្ត្រីក្នុងការធ្វើសេចក្ដីសម្រេចនៅគ្រប់កម្រិត។

លោកជំទាវ ឃួន សុដារី បានមានប្រសាសន៍ថ្លែងអំណរគុណដល់សមាជិក សមាជិកានៃអង្គប្រជុំទាំងអស់ ដែលបានចូលរួមមតិយោបល់ក្នុងការ សម្រេចជ្រើសរើសនូវប្រធានបទទាំងបីខាងលើ។ លោកជំទាវក៏បានណែនាំសូមឲ្យតំណាងមកពីក្រសួងកិច្ចការនារី ក៏ដូចជាវិទ្យាស្ថានសភាកម្ពុជា និង ក្រុមការងារទាំងអស់យកប្រធានបទដែលបានជ្រើសរើសនេះ ទៅជម្រាបជូនប្រធានស្ថាប័នរបស់ខ្លួន ដើម្បីពិចារណា ឬក៏មានចំណុចត្រូវកែសម្រួល បំពេញបន្ថែមឲ្យកាន់តែប្រសើរថែមទៀត មុននឹងសម្រេចបញ្ជូនទៅកាន់ប្រទេសជាគណៈកម្មការប្រតិបត្តិAPPF។

សូមបញ្ជាក់ថា សភាតំបន់អាស៊ី-ប៉ាស៊ីហ្វិក ហៅកាត់ថា APPF រហូតមកដល់ពេលនេះ មានសមាជិកទាំងអស់ចំនួន២៧ប្រទេស ហើយសភាកម្ពុជា នឹងធ្វើជាម្ចាស់ផ្ទះរៀបចំកិច្ចប្រជុំ APPF លើកទី២៧ នៅលើទឹកដីអង្គរ នៃខេត្តសៀមរាប នាខែមករា ឆ្នាំ២០១៩ ខាងមុខ។

អត្ថបទ និងរូបភាព ដោយនាយកដ្ឋានព័ត៌មាន