សារលិខិតអបអរសាទរ ជូនចំពោះ ឯកឧត្តម លី ចានស៊ូ (Li Zhanshu) ប្រធានគណៈកម្មាធិការអចិន្រ្តៃយ៍សភាប្រជាជនចិន លើកទី១៣ នៃសាធារណរដ្ឋប្រជាមានិតចិន__ ឯកឧត្តម ឡេង ប៉េងឡុង ដឹកនាំកិច្ចប្រជុំលេខាធិការដ្ឋានរៀបចំកិច្ចប្រជុំប្រចាំឆ្នាំលើកទី២៧ នៃវេទិកាសភាអាស៊ី-ប៉ាស៊ីហ្វិក__ សេចក្តីជូនដំណឹង របស់ អគ្គលេខាធិការដ្ឋានរដ្ឋសភា ថ្ងៃចន្ទ ១២រោច ខែបឋមាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៩ ខែកក្កដា ឆ្នាំ២០១៨__ មន្រ្តីសភាកម្ពុជា ឡាវ មីយ៉ាន់ម៉ា និងថៃ សិក្សាកិច្ចការសភានៅកម្ពុជា ដោយត្រូវមកស្វែងយល់ដោយផ្ទាល់នៅវិមានរដ្ឋសភា__ ឯកឧត្តម ចាយ បូរិន៖ អាជ្ញាធរមូលដ្ឋាន អ្នកសង្កេតការណ៍ មានតួនាទីសំខាន់ក្នុងការចូលរួមផ្សព្វផ្សាយពីការបោះឆ្នោតជូនដល់ពលរដ្ឋ ៕


ទំព័រមុខ » គណៈកម្មការទី៦ » សកម្មភាព » គណៈកម្មការជំនាញរដ្ឋសភា បញ្ចប់ការពិនិត្យនិងសិក្សាសេចក្ដីព្រាងច្បាប់ស្តីពី វិសោធនកម្មច្បាប់ស្តីពីវិសោធនកម្មរដ្ឋធម្មនុញ្ញ
គណៈកម្មការជំនាញរដ្ឋសភា បញ្ចប់ការពិនិត្យនិងសិក្សាសេចក្ដីព្រាងច្បាប់ស្តីពី វិសោធនកម្មច្បាប់ស្តីពីវិសោធនកម្មរដ្ឋធម្មនុញ្ញ
រៀបរៀងដោយ ៖​ NA1472 ​ នៅថ្ងៃទី (3/1/2018 1:40:10 AM )

សេចក្តី​ព្រាង​ច្បាប់​ធម្មនុញ្ញស្តីពី វិសោធនកម្មមាត្រា៣៤ថ្មី មាត្រា​​៤២ មាត្រា៤៩ មាត្រា៥៣ និងមាត្រា១១៨ថ្មី នៃរដ្ឋធម្មនុញ្ញនៃព្រះរាជាណាចក្រកម្ពុជា ត្រូវបានគណៈកម្មការជំនាញរដ្ឋសភា និងតំណាងរាជរដ្ឋាភិបាលបានបញ្ចប់ការពិនិត្យ និងសិក្សា នៅព្រឹកថ្ងៃទី១៣ ខែកុម្ភៈ ឆ្នាំ២០១៨។   ​

ឯកឧត្តមបណ្ឌិត ប៉ែន បញ្ញា ប្រធានគណៈកម្មការនីតិកម្ម និងយុត្តិធម៌នៃរដ្ឋសភា បានមានប្រសាសន៍នៅក្រោយពេលបានពិនិត្យសិក្សាសេចក្តីព្រាង ច្បាប់នេះ ជាមួយរដ្ឋមន្រ្តីក្រសួងយុត្តិធម៌ថា គណៈកម្មការជំនាញរដ្ឋសភាបានឯកភាពលើខ្លឹមសារ និងទម្រង់សេចក្តីព្រាងច្បាប់ធម្មនុញ្ញស្តីពីវិសោធន- កម្មមាត្រា៣៤ថ្មី មាត្រា​​៤២ មាត្រា៤៩ មាត្រា៥៣ និងមាត្រា១១៨ថ្មីនៃរដ្ឋធម្មនុញ្ញនៃព្រះរាជាណាចក្រកម្ពុជា ដែលស្នើឡើងដោយរាជរដ្ឋាភិបាល។ ឯកឧត្តមប្រធានគណៈកម្មការបានគូសបញ្ជាក់ថា នឹងបញ្ជូនលទ្ធផលនៃការពិនិត្យ និងសិក្សាសេចក្តីព្រាងច្បាប់នេះ ទៅគណៈកម្មាធិការអចិន្ត្រៃយ៍ រដ្ឋសភា ដើម្បីសម្រេចដាក់បញ្ចូលក្នុងរបៀបវារៈសម័យប្រជុំរដ្ឋសភាជាវិសាមញ្ញនាពេលខាងមុខនេះ ធ្វើការពិភាក្សា និងអនុម័ត។ 

សូមជម្រាបថា ឯកឧត្តមបណ្ឌិត ប៉ែន បញ្ញា និងសមាជិកសមាជិកាគណៈកម្មការនីតិកម្ម និងយុត្តិធម៌នៃរដ្ឋសភា បានជួបប្រជុំពិនិត្យ និងសិក្សា សេចក្តីព្រាងច្បាប់ធម្មនុញ្ញស្តីពីវិសោធនកម្មមាត្រា៣៤ថ្មី មាត្រា​​៤២ មាត្រា៤៩ មាត្រា៥៣ និងមាត្រា១១៨ថ្មីនៃរដ្ឋធម្មនុញ្ញនៃព្រះរាជាណាចក្រកម្ពុជា តាមនីតិវិធីជាមួយតំណាងរាជរដ្ឋាភិបាល ដែលដឹកនាំដោយ ឯកឧត្តម អង្គ វង្សវឌ្ឍានា រដ្ឋមន្រ្តីក្រសួងយុត្តិធម៌ និងសហការីនៅវិមានរដ្ឋសភា នាព្រឹក ថ្ងៃទី១៣ ខែកុម្ភៈ ឆ្នាំ២០១៨នេះ។

ឯកឧត្តម អង្គ វង្សវឌ្ឍានា បានលើកឡើងថា ការធ្វើវិសោធនកម្មមាត្រាមួយចំនួននៃរដ្ឋធម្មនុញ្ញនាពេលនេះ ធ្វើឡើងដើម្បីឆ្លើយតបឲ្យបានត្រឹមត្រូវ តាមស្មារតីនៃរដ្ឋធម្មនុញ្ញរបស់កម្ពុជា ទាក់ទងនឹងការទទួលខុសត្រូវរបស់សមាជិក រាជរដ្ឋាភិបាលចំពោះមុខរដ្ឋសភា។ ឯកឧត្តមរដ្ឋមន្រ្តីបានលើក ឡើងថា ចំពោះការធ្វើវិសោធនកម្មមាត្រា១១៨ថ្មី នោះមិនត្រឹមតែអាចបន្ថយចំនួនសមាសភាពរាជរដ្ឋាភិបាលប៉ុណ្ណោះទេ ប៉ុន្តែថែមទាំងជួយដល់ការ ពង្រឹងប្រសិទ្ធិភាពការងារ និងការទទួលខុសត្រូវរបស់សមាជិករាជរដ្ឋាភិបាលចំពោះមុខរដ្ឋសភា ពិសេសធ្វើឲ្យមានប្រសិទ្ធិភាពខ្ពស់នៃកំណែទម្រង់ស៊ី ជម្រៅរបស់រាជរដ្ឋាភិបាល។

ឯកឧត្តមបណ្ឌិត ប៉ែន បញ្ញា បានមានប្រសាសន៍ថា កម្ពុជា​គឺជារដ្ឋឯករាជ្យ មានអធិបតេយ្យភាពពេញបរិបូរណ៍ ជារដ្ឋស្មើភាព និងស្មើសិទ្ធិជាមួយនិង រដ្ឋដទៃទៀត និងប្រឆំាងដាច់ខាតនូវការជ្រៀតជ្រែកចូលកិច្ចការផ្ទៃក្នុងរបស់កម្ពុជា ទោះបីដោយផ្ទាល់ ឬដោយប្រយោលក្តីពីសំណាក់បរទេស ទោះបី ក្នុងហេតុផលណាក៏ដោយ ដូចមានចែងក្នុងធម្មនុញ្ញអង្គការសហប្រជាជាតិ។ ឯកឧត្តមបណ្ឌិតបានគូសបញ្ជាក់ថា ការស្នើសុំធ្វើវិសោធនកម្មរបស់ រាជរដ្ឋាភិបាល គឺដើម្បីការពារសិទ្ធិនយោបាយពលរដ្ឋ សមាគម គណបក្សនយោបាយ និងការកំណត់សមាសភាពសមាជិករាជរដ្ឋាភិបាល៕

អត្ថបទនិងរូបភាពដោយនាយកដ្ឋានព័ត៌មាន