ឯកឧត្តម ចាយ បូរិន ណែនាំដល់អ្នកសង្កេតការណ៍បោះឆ្នោតនៅស្រុកមេមត់ ខេត្តត្បូងឃ្មុំ​ គោរពក្រមសីលធម៌__ ប្រជាពលរដ្ឋស្រុកថ្មគោល ខេត្តបាត់ដំបង ប្រាប់តំណាងរាស្រ្តថា គោរពស្រឡាញ់ការលះបង់​ សម្តេច ហ៊ុន សែន ក្នុងបុព្វហេតុជាតិ​ និងពលរដ្ឋ__ សម្តេចប្រធានរដ្ឋសភា អំពាវនាវដល់ពលរដ្ឋទៅបោះឆ្នោតថ្ងៃ២៩កក្កដាអោយបានគ្រប់គ្នា__ សេចក្តីជូនដំណឹង រដ្ឋសភានឹងបន្តសម័យប្រជុំលើកទី១០​ នីតិកាលទី៥ ថ្ងៃអង្គារ ៧កើត ខែបឋមាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៩ ខែមិថុនា ឆ្នាំ២០១៨__ សូមក្រាបបង្គំទូលថ្វាយ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់! ៕


ទំព័រមុខ » គណៈកម្មការទី២ » សកម្មភាព » គណៈកម្មការនៃរដ្ឋសភា និងក្រសួងពាណិជ្ជកម្មជួបពិភាក្សាគ្នាលើសេចក្តីព្រាងច្បាប់ ដែលជំរុញកិច្ចសហប្រតិបត្តិការសេដ្ឋកិច្ចរវាងអាស៊ាន និងចិន
គណៈកម្មការនៃរដ្ឋសភា និងក្រសួងពាណិជ្ជកម្មជួបពិភាក្សាគ្នាលើសេចក្តីព្រាងច្បាប់ ដែលជំរុញកិច្ចសហប្រតិបត្តិការសេដ្ឋកិច្ចរវាងអាស៊ាន និងចិន
រៀបរៀងដោយ ៖​ NA1472 ​ នៅថ្ងៃទី (10/5/2017 6:23:47 PM )

គណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្មនៃរដ្ឋសភា ដឹកនាំដោយ ឯកឧត្តមបណ្ឌិតរដ្ឋ ជាម យៀប ប្រធានគណៈកម្មការ និងគណៈកម្មការ កិច្ចការបរទេស សហប្រតិបត្តិការអន្តរជាតិ ឃោ​សនាការ និងព័ត៌មាននៃរដ្ឋសភា ដឹកនាំដោយ ឯកឧត្តម ឈាង វុន ប្រធានគណៈកម្មការ  បានប្រជុំ ជាមួយ ឯកឧត្តម កឹម ស៊ីថន រដ្ឋលេខាធិការក្រសួងពាណិជ្ជកម្ម ដើម្បីពិភាក្សាគ្នាលើសេចក្តីព្រាងច្បាប់ ស្តីពីការអនុម័តយល់ព្រមលើពិធីសារធ្វើ វិសោធនកម្មកិច្ចព្រមព្រៀងក្របខ័ណ្ឌ ស្តីពីកិច្ចសហប្រតិបត្តិការសេដ្ឋកិច្ចទូ​លំ​ទូ​លាយ​ និងកិច្ចព្រមព្រៀងមួយចំនួនទៀត ក្រោមកិច្ចព្រមព្រៀងនេះរវាង សមាគមប្រជាជាតិអាស៊ីអាគ្នេយ៍ ( អាស៊ាន ) និងសាធារណរដ្ឋប្រជាមានិតចិន នៅរសៀលថ្ងៃទី៤ ខែតុលា ឆ្នាំ២០១៧ នៅវិមានរដ្ឋសភា។

ឯកឧត្តមបណ្ឌិតរដ្ឋ ជាម យៀប បានមានប្រសាសន៍ថា សេចក្តីព្រាងច្បាប់ស្តីពីការអនុម័តយល់ព្រមលើពិធីសារធ្វើវិសោធនកម្មកិច្ចព្រមព្រៀងក្របខ័ណ្ឌ ស្តីពីកិច្ចសហប្រតិបត្តិការសេដ្ឋកិច្ចទូលំទូលាយនិងកិច្ចព្រមព្រៀងមួយចំនួនទៀតក្រោមកិច្ចព្រមព្រៀងនេះរវាងសមាគមប្រជាជាតិអាស៊ីអាគ្នេយ៍(អាស៊ាន) និងសា​ធារណរដ្ឋប្រជាមានិតចិន គឺជាកិច្ចព្រមព្រៀងមេ ដែលបង្កើតឡើងដើម្បីបើកផ្លូវអោយមានការចរចា បង្កើតកិច្ចព្រមព្រៀងនានាបន្ថែមទៀតរវាង អាស៊ាន-ចិន ដូចជាកិច្ចព្រមព្រៀងពាណិជ្ជកម្មទំនិញ ពាណិជ្ជកម្មសេវាកម្មវិនិយោគ យន្តការដោះស្រាយវិវាទ និងកិច្ចសហប្រតិបត្តិការសេដ្ឋកិច្ច និង បច្ចេកទេសជាដើម។

ឯកឧត្តមបណ្ឌិតរដ្ឋបានបន្តថា ពិធីសារនេះនឹងផ្តល់អត្ថប្រយោជន៍ដូចខាងក្រោមៈ

១-ធ្វើអោយពាណិជ្ជកម្មអាស៊ានចិនមានភាពប្រសើរឡើង ដើម្បីឆ្លើយតបទៅនិងការរីកចម្រើននៃសេដ្ឋកិច្ចជាសកល។

២-ធ្វើអោយកាន់តែស៊ីជម្រៅការតភ្ជាប់សេដ្ឋកិច្ចរវាងអាស៊ានចិន តាមរយៈការបន្តធ្វើភារូបនីយកម្មពាណិជ្ជកម្ម ការធ្វើអោយប្រសើរឡើងនូវនីតិវិធីគយ និងវិធានការនានា ក្នុងការជួយសម្រួលពាណិជ្ជកម្ម និងវិនិយោគ។

៣-លើកកម្ពស់កិច្ចសហប្រតិបត្តិការសេដ្ឋកិច្ច និងបច្ចេកទេសរវាងអាស៊ានចិន។

អង្គប្រជុំបានឯកភាពរក្សាទំរង់អត្ថបទច្បាប់ទាំងស្រុង ដោយគ្រាន់តែកែសម្រួលអក្ខរាវិរុទ្ធមួយចំនួនប៉ុណ្ណោះ។

អត្ថបទនិងរូបភាពដោយនាយកដ្ឋានព័ត៌មាន