ឯកឧត្តម ចាយ បូរិន ណែនាំដល់អ្នកសង្កេតការណ៍បោះឆ្នោតនៅស្រុកមេមត់ ខេត្តត្បូងឃ្មុំ​ គោរពក្រមសីលធម៌__ ប្រជាពលរដ្ឋស្រុកថ្មគោល ខេត្តបាត់ដំបង ប្រាប់តំណាងរាស្រ្តថា គោរពស្រឡាញ់ការលះបង់​ សម្តេច ហ៊ុន សែន ក្នុងបុព្វហេតុជាតិ​ និងពលរដ្ឋ__ សម្តេចប្រធានរដ្ឋសភា អំពាវនាវដល់ពលរដ្ឋទៅបោះឆ្នោតថ្ងៃ២៩កក្កដាអោយបានគ្រប់គ្នា__ សេចក្តីជូនដំណឹង រដ្ឋសភានឹងបន្តសម័យប្រជុំលើកទី១០​ នីតិកាលទី៥ ថ្ងៃអង្គារ ៧កើត ខែបឋមាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៩ ខែមិថុនា ឆ្នាំ២០១៨__ សូមក្រាបបង្គំទូលថ្វាយ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់! ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » ឯកអគ្គរដ្ឋទូតបារាំង៖ សភាបារំាងនឹងតែងតំាងក្រុមមិត្តភាពសភាបារំាង-កម្ពុជា ក្នុងអាណត្តិថ្មីដើម្បីជំរុញ​ កិច្ចសហប្រតិបត្តិ សភាប្រទេសទំាងពីរ
ឯកអគ្គរដ្ឋទូតបារាំង៖ សភាបារំាងនឹងតែងតំាងក្រុមមិត្តភាពសភាបារំាង-កម្ពុជា ក្នុងអាណត្តិថ្មីដើម្បីជំរុញ​ កិច្ចសហប្រតិបត្តិ សភាប្រទេសទំាងពីរ
រៀបរៀងដោយ ៖​ NA001 ​ នៅថ្ងៃទី (9/28/2017 12:37:01 AM )

ក្នុងពេលជំនួបសម្តែងការគួរសមជាមួយ សម្តេចអគ្គមហាពញាចក្រី ហេង សំរិន ប្រធានរដ្ឋសភា លោកជំទាវ អីុវ៉ា ង្វៀនប៊ីញ (Eva Nguyen Binh) ឯកអគ្គរដ្ឋទូតថ្មីទើបតែងតាំង នៃសាធារណរដ្ឋបារាំង ប្រចាំព្រះរាជាណាចក្រកម្ពុជា បានជម្រាប សម្តេចប្រធានរដ្ឋសភាថា សភាប្រទេសបារំាងនឹង ធ្វើការតែងតំាងប្រធានក្រុមមិត្តភាពសភាបារំាង-កម្ពុជា ឡើងវិញនៅក្នុងពេលឆាប់ៗនេះ ក្នុងនីតិកាលថ្មី បន្ទាប់ពីប្រទេសបារំាងធ្វើការបោះឆ្នោតជ្រើស រើសប្រធានាធិបតីថ្មីហើយសភានីតិកាលថ្មី បានបង្កើតនោះ។

លោកជំទាវ អីុវ៉ា ង្វៀនប៊ីញ បានមកបំពេញបេសកកម្មការទូត នៅព្រះរាជាណាចក្រកម្ពុជា​ កាលពីខែមិថុនា ក្នុងឆ្នាំ២០១៧នេះ ហើយលោកជំទាវ បានចូលថ្វាយ​សារតំាង ចំពោះព្រះមហាក្សត្រកម្ពុជាកាលពីខែកក្កដា។ នៅព្រឹកថ្ងៃទី២៨ ខែកញ្ញា ឆ្នាំ២០១៧នេះ លោកជំទាវ​ បានចូលជួបសម្តែង ការគួរសមជាមួយ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៅវិមានរដ្ឋសភា។

លោកជំទាវបានលើកឡើងថា នៅពេលក្រុមមិត្តភាពសភាបារំាង-កម្ពុជាថ្មី ត្រូវបានតែងតំាងហើយនោះ កិច្ចសហប្រតិបត្តិការរវាងសភា ប្រទេសបារាំង និងកម្ពុជា នឹងកាន់តែរឹងមាំ​រីកចម្រើនឡើង។ ទោះជាយ៉ាងណា លោកជំទាវ បានលើកឡើងថា កម្ពុជានិងបារំាង មានចំណងមិត្តភាពជាប្រវត្តិសាស្រ្ត និងបានគ្របដណ្តប់ស្ទើរគ្រប់វិស័យ ដែលនៅក្នុងនោះមានខាង​វិស័យវប្បធម៌ សេដ្ឋកិច្ច ពាណិជ្ជកម្ម ការទូត អប់រំជាដើម។

លោកជំទាវឯកអគ្គរដ្ឋទូត បានគូសបញ្ជាក់ថា បារំាងជាប្រទេសមួយដែលនិស្សិតកម្ពុជា ចង់ទៅបន្តការសិក្សាថ្នាក់ឧត្តមសិក្សា។ បារំាងបានជួយកម្ពុជា នៅក្នុងដំណើរការអភិរក្សសម្បត្តិបេតិកភណ្ឌពិភពលោក មានប្រាសាទអង្គរវត្ត ជាដើម។

ក្នុងនាមរដ្ឋសភា សម្តេចអគ្គមហាពញាចក្រី ហេង សំរិន បានគំាទ្រចំពោះបេសកកម្មការ​ទូតរបស់ លោកជំទាវ  អីុវ៉ា ង្វៀនប៊ីញ នៅកម្ពុជា និងបាន បញ្ជាក់ថា រដ្ឋសភាកម្ពុជាបានត្រៀមលក្ខណៈ​ ក្នុងកិច្ចសហប្រតិបត្តិការ និងការបង្កលក្ខណៈងាយស្រួលក្នុងការបំពេញបេសកកម្មការទូតរបស់ លោក ជំទាវ​។ សម្តេចប្រធានរដ្ឋសភា ក៏បានថ្លែងអំណរគុណដល់រដ្ឋាភិបាល និងប្រជាជនបារំាង ដែលបានជួយគំាទ្រ ឧបត្ថម្ភ ដល់កម្ពុជារហូតមក។ ពិសេស ប្រទេសបារំាងគឺជាសហប្រធានដ៏សំខាន់មួយ ក្នុងការបង្កើតកិច្ចព្រមព្រៀងសន្តិភាពទីក្រុងប៉ារីសឆ្នាំ១៩៩១៕

អត្ថបទនិងរូបភាពដោយនាយកដ្ឋានព័ត៌មាន