ឯកឧត្តម ចាយ បូរិន ណែនាំដល់អ្នកសង្កេតការណ៍បោះឆ្នោតនៅស្រុកមេមត់ ខេត្តត្បូងឃ្មុំ​ គោរពក្រមសីលធម៌__ ប្រជាពលរដ្ឋស្រុកថ្មគោល ខេត្តបាត់ដំបង ប្រាប់តំណាងរាស្រ្តថា គោរពស្រឡាញ់ការលះបង់​ សម្តេច ហ៊ុន សែន ក្នុងបុព្វហេតុជាតិ​ និងពលរដ្ឋ__ សម្តេចប្រធានរដ្ឋសភា អំពាវនាវដល់ពលរដ្ឋទៅបោះឆ្នោតថ្ងៃ២៩កក្កដាអោយបានគ្រប់គ្នា__ សេចក្តីជូនដំណឹង រដ្ឋសភានឹងបន្តសម័យប្រជុំលើកទី១០​ នីតិកាលទី៥ ថ្ងៃអង្គារ ៧កើត ខែបឋមាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៩ ខែមិថុនា ឆ្នាំ២០១៨__ សូមក្រាបបង្គំទូលថ្វាយ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់! ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » សម្តេចប្រធានរដ្ឋសភា ចូលរួមកិច្ចប្រជុំគណៈកម្មាធិការ ប្រតិបត្តិរបស់អន្តរសភាអាស៊ាននៅប្រទេសហ្វីលីពីន
សម្តេចប្រធានរដ្ឋសភា ចូលរួមកិច្ចប្រជុំគណៈកម្មាធិការ ប្រតិបត្តិរបស់អន្តរសភាអាស៊ាននៅប្រទេសហ្វីលីពីន
រៀបរៀងដោយ ៖​ NA1472 ​ នៅថ្ងៃទី (9/14/2017 9:42:05 PM )

ហ្វីលីពីនៈ សមេ្តចអគ្គមហាពញាចក្រី ហេង សំរិន ប្រធានរដ្ឋសភា នៅព្រឹកថ្ងៃទី១៥ ខែកញ្ញា ឆ្នាំ២០១៧នេះ បានដឹកនាំគណៈប្រតិភូជាន់ខ្ពស់សភា កម្ពុជា ចូលរួមកិច្ចប្រជុំគណៈកម្មាធិការប្រតិបត្តិនៃមហាសន្និបាតអន្តរសភាអាស៊ាន(AIPA) លើកទី៣៨ នៅទីក្រុងម៉ានីល សាធារណរដ្ឋហ្វីលីពីន។ កិច្ចប្រជុំនេះបានប្រារព្ធធ្វើឡើងក្រោមអធិបតីភាព ឯកឧត្តម Pantaleon D.Alvarez ប្រធានសភាប្រទេសហ្វីពីន និងជាប្រធានអាយប៉ាលើកទី៣៨

កិច្ចប្រជុំគណៈកម្មាធិការប្រតិបត្តិនេះ ជាកិច្ចប្រជុំសំខាន់មួយនៃមហាសន្និបាតអន្តរសភាអាស៊ាន ពីព្រោះជាកិច្ចប្រជុំដែលត្រូវពិនិត្យ និងអនុម័តលើ សេចក្តីស្នើសេចក្តីព្រាងសេចក្តីសម្រេចមួយចំនួន សម្រាប់លើកយកទៅប្រជុំពិភាក្សា តាមគណៈកម្មការជំនាញរបស់អន្តរសភាអាស៊ាន ជាបន្តបន្ទាប់ ទៀត នៅក្នុងមហាសន្និបាត។ ប្រធានបទរបស់អាយប៉ានាឆ្នាំនេះ គឺ “អាយប៉ា និងអាស៊ាន រួមគ្នាដើម្បីការផ្លាស់ប្ដូរសម្រាប់ទាំងអស់គ្នា”។

នៅក្នុងរយៈពេល៥ថ្ងៃ នៃមហាសន្និបាតអន្តរសភាអាស៊ាន ដែលនឹងប្រារព្ធធ្វើពីថ្ងៃទី១៥ដល់ថ្ងៃទី១៩ ខែកញ្ញា ឆ្នាំ២០១៧ អាយប៉ានឹងមានកិច្ចប្រជុំតាម គណៈកម្មាធិការនានារបស់ខ្លួន ដែលមានដូចជា គណៈកម្មាធិការសមាជិកសភាស្រ្តី(WAIPA) គណៈកម្មាធិការនយោបាយ គណៈកម្មាធិការសេដ្ឋកិច្ច គណៈកម្មាធិការសង្គមកិច្ច គណៈកម្មាធិការរៀបចំ និងកិច្ចប្រជុំរវាងអាយប៉ាជាមួយបណ្តាប្រទេសសង្កេតការណ៍ជាដើម។

ក្រោយពីកិច្ចប្រជុំគណៈកម្មាធិការប្រតិបត្តិ បានសម្រេចរបៀបវារៈហើយនោះ ពិធីបើកមហាសន្និបាតជាផ្លូវការនឹងប្រារព្ធធ្វើនៅព្រឹកថ្ងៃទី១៦ ខែកញ្ញា ស្អែកនេះ ហើយ សម្តេចអគ្គមហាពញាចក្រី ហេង សំរិន ប្រធានរដ្ឋសភា នឹងត្រូវឡើងថ្លែងបទអន្តរាគមន៍ទៅកាន់អង្គពិធីទៀតផង។

ចំណែកសមាជិកគណៈប្រតិភូសភាកម្ពុជា ត្រូវបានបែងចែកចូលរួមកិច្ចប្រជុំគណៈកម្មាធិការនីមួយៗ មានដូចជា កិច្ចប្រជុំគណៈកម្មាធិការនយោបាយ ដឹកនាំដោយ ឯកឧត្តម ហ៊ុន ម៉ានី កិច្ចប្រជុំគណៈកម្មាធិការសេដ្ឋកិច្ច ដឹកនាំដោយ ឯកឧត្តម ឈាង វុន និងកិច្ចប្រជុំគណៈកម្មាធិការស្រ្តី ដឹកនាំដោយ លោកជំទាវ ឃួន សុដារី ជាដើម៕

អត្ថបទនិងរូបភាពដោយនាយកដ្ឋានព័ត៌មាន