ឯកឧត្តម ចាយ បូរិន ណែនាំដល់អ្នកសង្កេតការណ៍បោះឆ្នោតនៅស្រុកមេមត់ ខេត្តត្បូងឃ្មុំ​ គោរពក្រមសីលធម៌__ ប្រជាពលរដ្ឋស្រុកថ្មគោល ខេត្តបាត់ដំបង ប្រាប់តំណាងរាស្រ្តថា គោរពស្រឡាញ់ការលះបង់​ សម្តេច ហ៊ុន សែន ក្នុងបុព្វហេតុជាតិ​ និងពលរដ្ឋ__ សម្តេចប្រធានរដ្ឋសភា អំពាវនាវដល់ពលរដ្ឋទៅបោះឆ្នោតថ្ងៃ២៩កក្កដាអោយបានគ្រប់គ្នា__ សេចក្តីជូនដំណឹង រដ្ឋសភានឹងបន្តសម័យប្រជុំលើកទី១០​ នីតិកាលទី៥ ថ្ងៃអង្គារ ៧កើត ខែបឋមាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៩ ខែមិថុនា ឆ្នាំ២០១៨__ សូមក្រាបបង្គំទូលថ្វាយ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់! ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » សម្តេចប្រធានរដ្ឋសភា ដឹកនាំគណៈប្រតិភូជាន់ខ្ពស់សភាកម្ពុជាចូលរួមមហាសន្និបាតអាយប៉ា លើកទី៣៨ នៅប្រទេសហ្វីលីពីន
សម្តេចប្រធានរដ្ឋសភា ដឹកនាំគណៈប្រតិភូជាន់ខ្ពស់សភាកម្ពុជាចូលរួមមហាសន្និបាតអាយប៉ា លើកទី៣៨ នៅប្រទេសហ្វីលីពីន
រៀបរៀងដោយ ៖​ NA1472 ​ នៅថ្ងៃទី (9/13/2017 6:52:05 PM )

សមេ្តចអគ្គមហាពញាចក្រី ហេង សំរិន ប្រធានរដ្ឋសភា នៅព្រឹកថ្ងៃទី១៤ ខែកញ្ញា ឆ្នាំ២០១៧នេះ បានដឹកនាំគណៈប្រតិភូជាន់ខ្ពស់សភាកម្ពុជា ចូលរួម មហាសន្និបាតអន្តរសភាអាស៊ាន ដែលហៅកាត់ថា(AIPA) លើកទី៣៨ នៅទីក្រុងម៉ានីល សាធារណរដ្ឋហ្វីលីពីន ចាប់ពីថ្ងៃទី១៤ ដល់ថ្ងៃទី២០ ខែកញ្ញា ឆ្នាំ២០១៧។

មហាសន្និបាតអន្តរសភាអាស៊ាន លើកទី៣៨ ឆ្នាំនេះ ប្រារព្ធធ្វើឡើងក្រោមប្រធានបទ “អាយប៉ា និងអាស៊ាន រួមគ្នាដើម្បីការផ្លាស់ប្ដូរសម្រាប់ទាំងអស់ គ្នា”។

នៅក្នុងរយៈពេល៥ថ្ងៃនៃមហាសន្និបាតអន្តរសភាអាស៊ាននេះ ក្រៅពីមានកិច្ចប្រជុំពេញអង្គនោះ អាយប៉ានៅមានកិច្ចប្រជុំជាច្រើនរបស់គណៈកម្មាធិការ នានារបស់ខ្លួន ដែលមានដូចជា កិច្ចប្រជុំគណៈកម្មាធិការប្រតិបត្តិ គណៈកម្មាធិការសមាជិកសភាស្រ្តី(WAIPA) គណៈកម្មាធិការនយោបាយ គណៈកម្មាធិការសេដ្ឋកិច្ច គណៈកម្មាធិការសង្គមកិច្ច គណៈកម្មាធិការរៀបចំ និងកិច្ចប្រជុំរវាងអាយប៉ាជាមួយបណ្តាប្រទេសសង្កេតការណ៍ជាដើម។

សម្តេចអគ្គមហាពញាចក្រី ហេង សំរិន ប្រធានរដ្ឋសភា គ្រោងនឹងអញ្ជើញចូលរួម ក្នុងកិច្ចប្រជុំគណៈកម្មាធិការប្រតិបត្តិ ដែលជាកិច្ចប្រជុំសំខាន់ ក្នុងការកំណត់របៀបវារៈសម្រាប់មហាសន្និបាតទំាងមូល។ បន្ទាប់មក សម្តេចប្រធាន នឹងចូលរួមក្នុងពិធីបើកមហាសន្និបាតអន្តរសភាអាស៊ាន ដែលនា ឱកាសនោះ សម្តេចប្រធានរដ្ឋសភា នឹងត្រូវឡើងថ្លែងបទអន្តរាគមន៍ទៅកាន់អង្គពិធីទៀតផង។

ចំណែកសមាជិកគណៈប្រតិភូសភាកម្ពុជា ត្រូវបានបែងចែកចូលរួមកិច្ចប្រជុំគណៈកម្មការនីមួយៗ មានដូចជា កិច្ចប្រជុំគណៈកម្មាធិការនយោបាយ ដឹកនាំដោយ ឯកឧត្តម ហ៊ុន ម៉ានី កិច្ចប្រជុំគណៈកម្មាធិការសេដ្ឋកិច្ច ដឹកនាំដោយ ឯកឧត្តម ឈាង វុន និងកិច្ចប្រជុំគណៈកម្មាធិការស្រ្តី ដឹកនាំដោយ លោកជំទាវ ឃួន សុដារី

អត្ថបទនិងរូបភាពដោយនាយកដ្ឋានព័ត៌មាន