ឯកឧត្តម ចាយ បូរិន ណែនាំដល់អ្នកសង្កេតការណ៍បោះឆ្នោតនៅស្រុកមេមត់ ខេត្តត្បូងឃ្មុំ​ គោរពក្រមសីលធម៌__ ប្រជាពលរដ្ឋស្រុកថ្មគោល ខេត្តបាត់ដំបង ប្រាប់តំណាងរាស្រ្តថា គោរពស្រឡាញ់ការលះបង់​ សម្តេច ហ៊ុន សែន ក្នុងបុព្វហេតុជាតិ​ និងពលរដ្ឋ__ សម្តេចប្រធានរដ្ឋសភា អំពាវនាវដល់ពលរដ្ឋទៅបោះឆ្នោតថ្ងៃ២៩កក្កដាអោយបានគ្រប់គ្នា__ សេចក្តីជូនដំណឹង រដ្ឋសភានឹងបន្តសម័យប្រជុំលើកទី១០​ នីតិកាលទី៥ ថ្ងៃអង្គារ ៧កើត ខែបឋមាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៩ ខែមិថុនា ឆ្នាំ២០១៨__ សូមក្រាបបង្គំទូលថ្វាយ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់! ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » ក្រសួងមុខងារសាធារណៈមកសិក្សាស្រាវជ្រាវប្រមូលទិន្នន័យអំពីប្រាក់បៀវត្ស មន្ត្រីរាជការនៃអគ្គលេខាធិការដ្ឋានរដ្ឋសភា
ក្រសួងមុខងារសាធារណៈមកសិក្សាស្រាវជ្រាវប្រមូលទិន្នន័យអំពីប្រាក់បៀវត្ស មន្ត្រីរាជការនៃអគ្គលេខាធិការដ្ឋានរដ្ឋសភា
រៀបរៀងដោយ ៖​ NA1472 ​ នៅថ្ងៃទី (9/11/2017 7:25:09 PM )

ឯកឧត្តម ហង្ស ឆាំឆាន អនុរដ្ឋលេខាធិការក្រសួងមុខងារសាធារណៈ និងមន្ត្រីជំនាញ បានមកជួបពិភាក្សាការងារជាមួយ ឯកឧត្តម អៀ ថារ៉ាឌី ប្រធាននាយកដ្ឋានគ្រប់គ្រងបុគ្គលិក នៃអគ្គលេខាធិការដ្ឋានរដ្ឋសភា ដើម្បីសិក្សា ស្រាវជ្រាវ ប្រមូលទិន្នន័យអំពីប្រាក់បៀវត្សមន្ត្រីរាជការ នៃ អគ្គលេខាធិការដ្ឋានរដ្ឋសភា នារសៀលថ្ងៃទី១១ ខែកញ្ញា ឆ្នាំ២០១៧ នៅវិមានរដ្ឋសភា។

ឯកឧត្តម ហង្ស ឆាំឆាន បានមានប្រសាសន៍ថា រាជរដ្ឋាភិបាលបានណែនាំអោយក្រសួងមុខងារសាធារណៈ ចុះសិក្សាស្រាជ្រាវ និងប្រមូលទិន្នន័យ អំពីប្រាក់បៀវត្សមន្ត្រីរាជការនៅគ្រប់ស្ថាប័ននៅក្នុងព្រះរាជាណាចក្រកម្ពុជា ដើម្បីធ្វើយ៉ាងណាកុំអោយចំនួនប្រាក់បៀវត្សមន្ត្រីរាជការមានគម្លាតខុសគ្នា ខ្លាំងពេកនៅតាមស្ថាប័នផ្សេងៗ។

ឯកឧត្តម អៀ ថារ៉ាឌី បានជម្រាបជូនថា ប្រាក់បៀវត្សមន្ត្រីរាជការនៃស្ថាប័ននីតិប្បញ្ញត្តិ បែងចែកទៅតាមប្រភេទក្របខ័ណ្ឌ ក្នុងនោះរួមមានក្របខ័ណ្ឌ អភិបាល ក្របខ័ណ្ឌឧបការី ក្របខ័ណ្ឌលេខាធិការ ។ល។ ឯកឧត្តមបានបន្តថា ការរៀបចំក្របខ័ណ្ឌគឺធ្វើទៅតាមនីតិវិធីច្បាប់ និងការណែនាំរបស់ ឯកឧត្តមអគ្គលេខាធិការដ្ឋសភា។ ទន្ទឹមនឹងនោះ ឯកឧត្តមអគ្គលេខាធិការរដ្ឋសភា បានយកចិត្តទុកដាក់ក្នុងការដំឡើងថ្នាក់ដល់មន្ត្រីនៃអគ្គលេខាធិកា រដ្ឋានរដ្ឋសភា ដែលបានខិតខំបំពេញការងារបម្រើអង្គភាពបានល្អប្រសើរផងដែរ។

ឯកឧត្តម ហង្ស ឆាំឆាន បានថ្លែងអំណរគុណចំពោះ ឯកឧត្តម អៀ ថារ៉ាឌី ដែលបានជម្រាបជូនពីទិន្នន័យប្រាក់បៀវត្សមន្ត្រីរាជការ នៃស្ថាប័ន នីតិប្បញ្ញត្តិ អោយក្រសួងមុខងារសាធារណៈបានជ្រាប ដើម្បីក្រសួងរៀបចំជារបាយការណ៍ទុកសម្រាប់ជម្រាបជូនរាជរដ្ឋាភិបាល។

អត្ថបទនិងរូបភាពដោយនាយកដ្ឋានព័ត៌មាន