គណៈកម្មាធិការក្រុមប្រឹក្សានយោបាយប្រជាជនចិន ក្រុងសៀងហៃ សន្យាថានឹងជំរុញអ្នកវិនិយោគមកបណ្តាក់ទុននៅកម្ពុជា__ អគ្គលេខាធិការដ្ឋានរដ្ឋសភាស្នើសុំភាគីវៀតណាមចែករំលែកបទពិសោធន៍ក្នុងការរៀបចំកិច្ចប្រជុំប្រចំាឆ្នាំ APPF__ សភាកម្ពុជាអះអាងថា នឹងខិតខំបន្តជំរុញលើកកម្ពស់ប្រសិទ្ធភាពAPPF ក្នុងការកសាង ថែរក្សាសុខសន្តិភាព និងស្ថេរភាព តំបន់និងពិភពលោក__ រដ្ឋសភាដាក់ឲ្យពិគ្រោះយោបល់ជាលក្ខណៈអន្តរជាតិលើសេចក្តីព្រាង “ក្រមសីលធម៌របស់តំណាងរាស្រ្ត”__ ឯកឧត្តមបណ្ឌិត ប៉ែន បញ្ញា ទទួលជួបគណៈប្រតិភូសភាឥណ្ឌូនេស៊ី ដើម្បីពិភាក្សាគ្នាអំពីដំណើរការរៀបចំសេចក្ដីព្រាងក្រមសីលធម៌របស់តំណាងរាស្រ្ត__ លិខិតអបអរសាទរ សូមគោរពជូន សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា__ លិខិតអបអរសាទរ សូមគោរពជូន ឯកឧត្តម នៃ ប៉េណា អនុប្រធានទី១ព្រឹទ្ធសភា នៃព្រះរាជាណាចក្រកម្ពុជា__ លិខិតអបអរសាទរ សូមគោរពជូន ឯកឧត្តម ទេព ងន អនុប្រធានទី២ព្រឹទ្ធសភា នៃព្រះរាជាណាចក្រកម្ពុជា__ សេចក្តីជូនដំណឹង ស្តីពីដំណើរទស្សនកិច្ចជាផ្លូវការនិងមិត្តភាពរបស់គណៈប្រតិភូជាន់ខ្ពស់រដ្ឋសភា នៃសាធារណរដ្ឋសង្គមនិយមវៀតណាម នៅព្រះរាជាណាចក្រកម្ពុជា__ ឯកឧត្តម សុខ សូកាន៖ ដើម្បីការពារសន្តិភាព ប្រជាធិបតេយ្យ ពលរដ្ឋត្រូវចូលរួមបោះឆ្នោតជ្រើសតំាងតំណាងរាស្រ្តនីតិកាលទី៦ ខាងមុខនេះ__ ក្នុងឱកាសចូលឆ្នាំថ្មី សមាជិករដ្ឋសភា មន្រ្តីរាជការ បួងសួងសូមសម្តេចប្រធានរដ្ឋសភា មានសុខភាពល្អ ជន្មាយុយឺនយូរ ដើម្បីដឹកនាំស្ថាប័ននីតិប្បញ្ញត្តិបន្តទៀត__ សារលិខិតជូនពរ ផ្ញើជូន បងប្អូនជនរួមជាតិ​ ក្នុងឱកាដបុណ្យចូលឆ្នាំខ្មែរ​ ប្រពៃណីជាតិ ឆ្នាំច​ សំរឹទ្ធិស័ក​ ពុទ្ធសករាជ​ ២៥៦២ ៕


ទំព័រមុខ » គណៈកម្មការទី៤ » សកម្មភាព » គណៈកម្មការរដ្ឋសភាសម្រេចបញ្ជូនសេចក្តីស្នើវិសោធនកម្មច្បាប់ ស្តីពីលក្ខន្តិកៈមន្រ្តីរាជការនៃក្រុមនីតិប្បញ្ញត្តិ ទៅគណៈកម្មាធិការអចិន្ត្រៃយ៍រដ្ឋសភា ដើម្បីពិនិត្យដាក់បញ្ចូលក្នុងរបៀបវារៈសម័យប្រជុំរដ្ឋសភា
គណៈកម្មការរដ្ឋសភាសម្រេចបញ្ជូនសេចក្តីស្នើវិសោធនកម្មច្បាប់ ស្តីពីលក្ខន្តិកៈមន្រ្តីរាជការនៃក្រុមនីតិប្បញ្ញត្តិ ទៅគណៈកម្មាធិការអចិន្ត្រៃយ៍រដ្ឋសភា ដើម្បីពិនិត្យដាក់បញ្ចូលក្នុងរបៀបវារៈសម័យប្រជុំរដ្ឋសភា
រៀបរៀងដោយ ៖​ NA1472 ​ នៅថ្ងៃទី (3/3/2017 2:41:34 AM )

នៅក្នុងកិច្ចប្រជុំអន្តរគណៈកម្មការនៃរដ្ឋសភា ជាមួយតំណាង តំណាងរាស្ត្រហត្ថលេខីនៃសេចក្តីស្នើ​វិសោធនកម្មច្បាប់ ស្តីពីលក្ខន្តិកៈមន្រ្តីរាជការនៃក្រុម នីតិប្បញ្ញត្តិ នាព្រឹកថ្ងៃទី០៣ ខែមីនា ឆ្នាំ២០១៧នេះ នៅវិមានរដ្ឋសភា គណៈកម្មការជំនាញទាំងពីរនៃរដ្ឋសភាគឺ គណៈកម្មការនីតិកម្ម និងយុត្តិធម៌ ដឹកនាំដោយ ឯកឧត្តមបណ្ឌិត ប៉ែន បញ្ញា ប្រធានគណៈកម្មការ និងគណៈកម្មការមហាផ្ទៃ ការពារជាតិ និងមុខងារសាធារណៈ ដឹកនាំដោយ ឯកឧត្តម ហ៊ុន ណេង ប្រធានគណៈកម្មការ បានសម្រេចឯកភាពគ្នា បញ្ជូនសេចក្តីស្នើ​វិសោធនកម្មច្បាប់ ស្តីពីលក្ខន្តិកៈមន្រ្តីរាជការ នៃក្រុមនីតិប្បញ្ញត្តិទៅ គណៈកម្មាធិការអចិន្ត្រៃយ៍​រដ្ឋសភា ​​ដើម្បីពិនិត្យដាក់បញ្ចូលក្នុងរបៀបវារៈសម័យប្រជុំរដ្ឋសភា ធ្វើការពិភាក្សា និងអនុម័តនាពេលខាងមុខ។

ឯកឧត្តម ហ៊ូ ស្រីុ តាងនាម ឯកឧត្ដមបណ្ឌិតរដ្ឋ ជាម យៀប តំណាង តំណាងរាស្ត្រហត្ថលេខី បានធ្វើការបកស្រាយពន្យល់ពីហេតុផល ដែលនាំឲ្យ មានការស្នើសុំធ្វើវិសោធនកម្មនៃច្បាប់ស្ដីពីលក្ខន្តិកៈមន្រ្តីរាជការ​នៃក្រុមនីតិប្បញ្ញត្តិនេះ គឺដើម្បីឲ្យមន្រ្តីរាជការនៃក្រុមនីតិប្បញ្ញត្តិមាន រដ្ឋសភា ព្រឹទ្ធសភា និងក្រុមប្រឹក្សាធម្មនុញ្ញ ទទួលបាននូវ អត្ថប្រយោជន៍នានា ពីការខិតខំ បំពេញការងាររបស់ខ្លួន ឲ្យមានភាពសមស្រប ជាមួយនឹង មន្រ្តីនៃមុខងារ សាធារណៈរបស់ស្ថាប័ននីតិប្រតិបត្តិដែរ។

ឯកឧត្តមបណ្ឌិត ប៉ែន បញ្ញា បានមានប្រសាសន៍ថា សេចក្តីស្នើ​វិសោធនកម្មច្បាប់នេះ ពិតជាបានរួមចំណែក ក្នុងការលើកទឹកចិត្ត ចំពោះមន្រ្តីរាជការ នៃក្រុមនីតិប្បញ្ញត្តិ ដែលបានខិតខំបំពេញការងារជូនរដ្ឋសភា ព្រឹទ្ធសភា និងក្រុមប្រឹក្សាធម្មនុញ្ញពិតប្រាកដមែន។ ​តាមការពិនិត្យលើខ្លឹមសារនៃការស្នើ សុំធ្វើវិសោធនកម្មនេះ គឺមានគោលបំណង អនុវត្តឲ្យស្របតាម ការធ្វើកំណែទម្រង់ហិរញ្ញវត្ថុសាធារណៈ និងកំណែទម្រង់ រដ្ឋបាលសាធារណៈរបស់ រាជរដ្ឋាភិបាល ដែលបានរៀបចំក្របខ័ណ្ឌ ឋានន្តរសក្ដិ និងថ្នាក់ថ្មី សម្រាប់មន្ត្រីរាជការរបស់ខ្លួនតាំងពីឆ្នាំ២០១៥មកម្ល៉េះ ។

សេច​ក្តី​ស្នើធ្វើ​វិសោធនកម្មច្បាប់ ស្តីពីលក្ខន្តិកៈមន្រ្តីរាជការនៃក្រុមនីតិប្បញ្ញត្តិ គឺធ្វើឡើងទៅតាមសំណើ​របស់តំណាងរាស្រ្ត​ហត្ថលេខី​ចំនួន​២៩រូប ដែល មាន ឯកឧត្តមបណ្ឌិតរដ្ឋ ជាម យៀប ជាប្រធាន បានចុះហត្ថលេខាស្នើសុំធ្វើវិសោធនកម្មច្បាប់នេះ តាមរយៈលិខិតចុះថ្ងៃទី២០ ខែមករា ឆ្នាំ២០១៧៕

អត្ថបទនិងរូបភាពដោយនាយកដ្ឋានព័ត៌មាន

វិថីរដ្ឋសភា សង្កាត់ទន្លេបាសាក់ ខណ្ឌចំការមន រាជធានីភ្នំពេញ ព្រះរាជាណាចក្រកម្ពុជា ទូរសព័្ទ ​លេខ: (855-23) 213 535, 220 628 ទូរសារ: (855-23)220 629
សារអេឡិចត្រូនិច: sg@national-assembly.org.kh, sg@nac.org.kh គេហទំព័រ www.national-assembly.org.kh, www.nac.org.kh