សេចក្តីជូនដំណឹង របស់ អគ្គលេខាធិការដ្ឋានរដ្ឋសភា ថ្ងៃសុក្រ ទី២៣ ខែកុម្ភៈ ឆ្នាំ២០១៨__ សារលិខិតរំលែកទុក្ខ ជូនចំពោះ ឯកឧត្តម ស្រ៊ុន តារា និងក្រុមគ្រួសារ__ សារលិខិតរំលែកទុក្ខ ជូនចំពោះ ឯកឧត្តម ស្រ៊ុន តារា និងក្រុមគ្រួសារ__ ថ្នាក់ដឹកនាំ និងមន្រ្តីអង្គការមនុស្សធម៌ People for Care Learning ស្វែងយល់ពីតួនាទីភារកិច្ចរដ្ឋសភា__ ឯកអគ្គរដ្ឋទូតសាធារណរដ្ឋកូរ៉េស្នើសុំសម្តេចប្រធានរដ្ឋសភាគំាទ្រគោលនយោបាយអាស៊ីខាងត្បូងរបស់ខ្លួន__ រដ្ឋសភាផ្តើមប្រជុំពិភាក្សានិងអនុម័តសេចក្តីព្រាងច្បាប់ស្តីពី វិសោធនកម្មមាត្រាខ្លះ នៃរដ្ឋធម្មនុញ្ញ __ សេចក្តីប្រកាសព័ត៌មានស្តីពី លទ្ធផលនៃកិច្ចប្រជុំគណៈកម្មាធិការអចិន្រ្តៃយ៍រដ្ឋសភា ថ្ងៃពុធ​ ទី១៤ ខែកុម្ភៈ ឆ្នាំ២០១៨ ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » ក្រុមអង្គការសង្គមស៊ីវិល សិក្សាស្វែងយល់ពីលទ្ធផលការងាររបស់គណៈកម្មការសិទ្ធិមនុស្សរបស់រដ្ឋសភា
ក្រុមអង្គការសង្គមស៊ីវិល សិក្សាស្វែងយល់ពីលទ្ធផលការងាររបស់គណៈកម្មការសិទ្ធិមនុស្សរបស់រដ្ឋសភា
រៀបរៀងដោយ ៖​ NA1472 ​ នៅថ្ងៃទី (2/22/2017 7:58:56 PM )

ក្រុមអង្គការ សង្គមស៊ីវិលមួយក្រុម ដឹកនាំដោយ វេទិកាអង្គការមិនមែនរដ្ឋាភិបាល ស្តីពីកម្ពុជា (NGO Forum) បានចូលជួបពិភាក្សា ការងារជាមួយ គណៈកម្មការសិទ្ធិមនុស្ស ទទួលពាក្យបណ្តឹង អង្កេត និងទំនាក់ទំនងរដ្ឋសភា ព្រឹទ្ធសភា នៅវិមានរដ្ឋសភា នាថ្ងៃទី២២ ខែកុម្ភៈ ឆ្នាំ២០១៧។

លោកបណ្ឌិត តឹក វណ្ណារ៉ា បានលើកឡើងថា គណៈកម្មការសិទ្ធិមនុស្សរបស់រដ្ឋសភា មានតួនាទីសំខាន់ក្នុងការទទួលពាក្យបណ្តឹង ឬលិខិតអន្តរាគមន៍ នានាពីពលរដ្ឋ ដូចករណីទំនាស់ដីធ្លីជាដើម។ “យើងខ្ញុំជាក្រុមអង្គការ ចង់ដឹងពីលទ្ធផលការងារ ដែលគណៈកម្មការសម្រេចបាន នៅក្នុងឆ្នាំ២០១៦ មកនេះ” នេះជាការបញ្ជាក់របស់ លោក តឹក វណ្ណារ៉ា

ឯកឧត្ដម អេង ឆៃអ៊ាង ប្រធានគណៈកម្មការសិទ្ធិមនុស្ស ទទួលពាក្យបណ្តឹង អង្កេត និង​ទំនាក់ទំនងរដ្ឋសភា ព្រឹទ្ធសភា បានស្វាគមន៍ចំពោះការ ចូលរួមក្នុងសកម្មភាពជួយសង្គមរបស់អង្គការទំាងអស់នាពេលកន្លងមក និងទៅថ្ងៃអនាគត។ ឯកឧត្តមបានលើកឡើងថា រយៈពេល១ឆ្នាំកន្លងមកនេះ គណៈកម្មការបានធ្វើអន្តរាគមន៍ និងសម្របសម្រួលបណ្តឹងជូនប្រជាពលរដ្ឋបានទាន់ពេលវេលាជាច្រើនករណីទៅតាមនីតិវិធីរបស់រដ្ឋសភា។

ឯកឧត្ដមបានគូសបញ្ជាក់ថា ក្នុងនាមប្រធានគណៈកម្មការ ឯកឧត្ដមតែងតែ លើកឡើងនូវសំណូមពរ បញ្ហា និងកង្វល់របស់ពលរដ្ឋ ទៅកាន់ស្ថាប័ន ពាក់ព័ន្ធនានា តាមរយៈសម្តេចប្រធានរដ្ឋសភា។ ឯកឧត្ដម​ អេង ឆៃអ៊ាង បានសម្តែងក្តីរីករាយ ក្នុងការធ្វើកិច្ចសហប្រតិបត្តិការ ជាមួយបណ្តាអង្គការ សង្គមស៊ីវិលបន្តទៀត៕

អត្ថបទនិងរូបភាពដោយនាយកដ្ឋានព័ត៌មាន

វិថីរដ្ឋសភា សង្កាត់ទន្លេបាសាក់ ខណ្ឌចំការមន រាជធានីភ្នំពេញ ព្រះរាជាណាចក្រកម្ពុជា
ទូរសព័្ទ ​លេខ: (855-23) 213 535, 220 628 ទូរសារ: (855-23)220 629
សារអេឡិចត្រូនិច: sg@national-assembly.org.kh, sg@nac.org.kh
គេហទំព័រ www.national-assembly.org.kh, www.nac.org.kh