ឯកឧត្តម ឈាង វុន អំពាវនាវដល់ប្រជាពលរដ្ឋ​ ប្រើប្រាស់សិទ្ធិអំណាចខ្លួនជ្រើសរើសមេដឹកនាំតាមរយៈការបោះឆ្នោត__ ឯកឧត្តម ចាយ បូរិន ណែនាំដល់អ្នកសង្កេតការណ៍បោះឆ្នោតនៅស្រុកមេមត់ ខេត្តត្បូងឃ្មុំ​ គោរពក្រមសីលធម៌__ ប្រជាពលរដ្ឋស្រុកថ្មគោល ខេត្តបាត់ដំបង ប្រាប់តំណាងរាស្រ្តថា គោរពស្រឡាញ់ការលះបង់​ សម្តេច ហ៊ុន សែន ក្នុងបុព្វហេតុជាតិ​ និងពលរដ្ឋ__ សម្តេចប្រធានរដ្ឋសភា អំពាវនាវដល់ពលរដ្ឋទៅបោះឆ្នោតថ្ងៃ២៩កក្កដាអោយបានគ្រប់គ្នា__ សេចក្តីជូនដំណឹង រដ្ឋសភានឹងបន្តសម័យប្រជុំលើកទី១០​ នីតិកាលទី៥ ថ្ងៃអង្គារ ៧កើត ខែបឋមាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៩ ខែមិថុនា ឆ្នាំ២០១៨__ សូមក្រាបបង្គំទូលថ្វាយ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់! ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » ឯកឧត្តមបណ្ឌិត ប៉ែន បញ្ញា ជួបពិភាក្សាកាងារជាមួយនាយកមជ្ឈមណ្ឌល ដើម្បីកិច្ចសន្ទនាផ្នែកមនុស្សធម៌ នៃអាស៊ីអាគ្នេយ៍
ឯកឧត្តមបណ្ឌិត ប៉ែន បញ្ញា ជួបពិភាក្សាកាងារជាមួយនាយកមជ្ឈមណ្ឌល ដើម្បីកិច្ចសន្ទនាផ្នែកមនុស្សធម៌ នៃអាស៊ីអាគ្នេយ៍
រៀបរៀងដោយ ៖​ NA1472 ​ នៅថ្ងៃទី (1/18/2017 9:24:49 PM )

ឯកឧត្តមបណ្ឌិត ប៉ែន បញ្ញា ប្រធានគណៈកម្មការនីតិកម្ម និងយុត្តិធម៌ ​នៃរដ្ឋសភា បានទទួល​ជួបពិភាក្សាការងារជាមួយ លោកបណ្ឌិត Michael Vatikiotis នាយកមជ្ឈមណ្ឌល ដើម្បីកិច្ចសន្ទនាផ្នែកមនុស្សធម៌នៃអាស៊ីអាគ្នេយ៍ នាថ្ងៃទី១៨ ខែមករា ឆ្នាំ២០១៧ នៅវិមានរដ្ឋសភា។

នៅក្នុងឱកាសនោះ លោកបណ្ឌិត Michael Vatikiotis បានមានប្រសាសន៍លើកឡើងអំពីគុណតម្លៃនៃកិច្ចសន្ទនា ដែលមជ្ឈមណ្ឌលដើម្បីកិច្ចសន្ទនា ផ្នែកមនុស្សធម៌នៃអាស៊ីអាគ្នេយ៍ កន្លងមកធ្លាប់បានធ្វើកិច្ចការជាច្រើន ពាក់ព័ន្ធទៅនឹងបញ្ហានេះ ក្នុងគោលដៅកាត់បន្ថយ ជម្លោះនៅលើពិភពលោក។ លោកបន្តថា យោងតាមបទពិសោធន៍ជាច្រើនឆ្នាំកន្លងមក កិច្ចការសន្ទនាគឺជាជម្រើសដ៏ល្អសម្រាប់សង្គម ដែលប្រកាន់លទ្ធិប្រជាធិបតេយ្យ​។ លោកក៏ បានសំណូមពរដល់អ្នកនយោបាយនៅកម្ពុជា សូមបន្តប្រើប្រាស់វប្បធម៌សន្ទនាបន្តទៀត​ ក្នុងការដោះស្រាយបញ្ហានានាដែលកើតមាន​ ដើម្បីបម្រើ​ដល់ ផលប្រយោជន៍​រួម​របស់ប្រទេស​ជាតិ។

ឯកឧត្តមបណ្ឌិត ប៉ែន បញ្ញា បានមានប្រសាសន៍ថា រាជរដ្ឋាភិបាលកម្ពុជា​និងរដ្ឋសភា បានខិតខំប្រឹង​ប្រែងជាខ្លំាង ក្រោយសង្រ្គាមបានបញ្ចប់ទៅ​ ដើម្បីកសាង​សុខ​​សន្តិភាព និងការអភិវឌ្ឍ ជូនប្រជាពលរដ្ឋខ្មែរដូចសព្វថ្ងៃនេះ។ សន្តិភាពនៅកម្ពុជា បានកើតឡើងដោយសារ យុទ្ធ​សាស្រ្ត​​​ឈ្នះឈ្នះ​ របស់រាជរដ្ឋាភិបាល។ ជាការ​ឈ្នះ រាល់កា​រលំបាក​ និងឧបសគ្គ​ធំតូចច្រើនរាប់មិនអស់ ទើបកម្ពុជាទទួលបាន ការបង្រួបបង្រួមជាតិ ដំណើរការលទ្ធិ ប្រជាធិបតេយ្យ នីតិរដ្ឋ ការ​គោរពសិទ្ធិនិងសេចក្តីថ្លៃថ្នូររបស់មនុស្ស ដែលលទ្ធផលទាំងអស់នេះ ក៏មានដំណើរការនៃកិច្ចសន្ទនានៅក្នុងនោះដែរ។

ឯកឧត្តមបណ្ឌិត បានមានប្រសាសន៍ សង្កត់ធ្ងន់ថា កន្លងមករហូតដល់បច្ចុប្បន្ន កម្ពុជាក៏នៅតែ បន្តប្រើវប្បធម៌សន្ទនានេះ ដើម្បីពិភាក្សា ចរចា សម្របសម្រួល ពិគ្រោះយោបល់ និងការផ្សះផ្សារវាងគណបក្សដែលមានអាសនៈក្នុងរដ្ឋសភាផងដែរ។

ជាមួយគ្នានេះ ឯកឧត្តមបណ្ឌិត ប៉ែន បញ្ញា ក៏បានថ្លែងអំណរគុណចំពោះ លោកបណ្ឌិត Michael Vatikiotis នាយកមជ្ឈមណ្ឌល ដែលបានជម្រាប ជូនពីកិច្ចការងារមួយចំនួន ដែលមជ្ឈម​ណ្ឌល ដើម្បីកិច្ចសន្ទនាផ្នែកមនុស្សធម៌ នៃអាស៊ីអាគ្នេយ៍ បានធ្វើនាពេលកន្លងមក ដោយឯកឧត្ដមបណ្ឌិត ចាត់ទុកថា នេះជាបទពិសោធន៍ដ៏មានតម្លៃ សម្រាប់ឯកឧត្តម ក៏ដូចជាសមាជិកគណៈកម្មការទី៦ ក្នុងការចូលរួមចំណែក កសាងសុខសន្តិភាពភាព និងការអភិវឌ្ឍប្រទេសជាតិ៕

អត្ថបទនិងរូបភាពដោយនាយកដ្ឋានព័ត៌មាន