ទំព័រមុខ » ព័ត៌មាន » ព័ត៌មានប្រចាំថ្ងៃ » រដ្ឋមន្រ្តីក្រសួងសុខាភិបាលបានអញ្ជើញមកឆ្លើយបំភ្លឺអំពីការងារក្រសួងដល់អង្គសភា
រដ្ឋមន្រ្តីក្រសួងសុខាភិបាលបានអញ្ជើញមកឆ្លើយបំភ្លឺអំពីការងារក្រសួងដល់អង្គសភា
រៀបរៀងដោយ ៖​ NA1472 ​ នៅថ្ងៃទី (12/28/2016 6:50:24 PM )

ដូចការគ្រោងទុក រដ្ឋសភានៃព្រះរាជាណាចក្រកម្ពុជា ​នៅថ្ងៃព្រហស្បតិ៍ ទី២៩ ខែធ្នូ ឆ្នាំ២០១៦នេះ បានបន្តសម័យ​​​​ប្រជុំ​លើក​​ទី​៧ នីតិកាល​ទី​៥ ក្រោម​​​អធិបតីភា​ព​ដ៏ខ្ពង់​ខ្ពស់ សមេ្តចអគ្គមហាពញាចក្រី ហេង សំរិន ប្រធាន​រដ្ឋ​សភា ដើម្បីស្តាប់ការបំភ្លឺរបស់ ឯកឧត្តម ម៉ម ប៊ុនហេង រដ្ឋមន្រ្តីក្រសួង សុខាភិបាល និងសហការី​​​ តបតាមសំណើរបស់សមាជិករដ្ឋសភា។

នេះជាលើកទី២ហើយ សម្រាប់ឆ្នាំ២០១៦នេះ ដែលថ្នាក់ដឹកនាំ ក្រសួងនៃរាជរដ្ឋាភិបាល បានអញ្ជើញមក ឆ្លើយចំពោះមុខអង្គរដ្ឋសភាជុំវិញការងារ ភារកិច្ចរបស់ខ្លួន។ កាលពីថ្ងៃទី៩ ខែមិថុនា ឆ្នាំ២០១៦កន្លងទៅ ឯកឧត្តម អង្គ វង្ស វឌ្ឍានា រដ្ឋមន្រ្តីក្រសួងយុត្តិធម៌ និងសហការីក៏បានអញ្ជើញមក ឆ្លើយបំភ្លឺចំពោះអង្គរដ្ឋសភាដែរ ជុំវិញការងារមួយចំនួនរបស់ក្រសួង។

ក្រៅពីនេះនៅក្នុងឆ្នាំ២០១៦ ក៏ដូចជាក្នុងនីតិកាលទី៥ នៃរដ្ឋសភានេះ រដ្ឋមន្រ្តីក្រសួងមួយចំនួន បានអញ្ជើញមកឆ្លើយបំភ្លឺ ការងាររបស់សាមីក្រសួង ស្ថាប័នខ្លួន ដល់គណៈកម្មការជំនាញនានារបស់រដ្ឋសភាផងដែរ៕

អត្ថបទនិងរូបភាពដោយនាយកដ្ឋានព័ត៌មាន