គណៈកម្មាធិការក្រុមប្រឹក្សានយោបាយប្រជាជនចិន ក្រុងសៀងហៃ សន្យាថានឹងជំរុញអ្នកវិនិយោគមកបណ្តាក់ទុននៅកម្ពុជា__ អគ្គលេខាធិការដ្ឋានរដ្ឋសភាស្នើសុំភាគីវៀតណាមចែករំលែកបទពិសោធន៍ក្នុងការរៀបចំកិច្ចប្រជុំប្រចំាឆ្នាំ APPF__ សភាកម្ពុជាអះអាងថា នឹងខិតខំបន្តជំរុញលើកកម្ពស់ប្រសិទ្ធភាពAPPF ក្នុងការកសាង ថែរក្សាសុខសន្តិភាព និងស្ថេរភាព តំបន់និងពិភពលោក__ រដ្ឋសភាដាក់ឲ្យពិគ្រោះយោបល់ជាលក្ខណៈអន្តរជាតិលើសេចក្តីព្រាង “ក្រមសីលធម៌របស់តំណាងរាស្រ្ត”__ ឯកឧត្តមបណ្ឌិត ប៉ែន បញ្ញា ទទួលជួបគណៈប្រតិភូសភាឥណ្ឌូនេស៊ី ដើម្បីពិភាក្សាគ្នាអំពីដំណើរការរៀបចំសេចក្ដីព្រាងក្រមសីលធម៌របស់តំណាងរាស្រ្ត__ លិខិតអបអរសាទរ សូមគោរពជូន សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា__ លិខិតអបអរសាទរ សូមគោរពជូន ឯកឧត្តម នៃ ប៉េណា អនុប្រធានទី១ព្រឹទ្ធសភា នៃព្រះរាជាណាចក្រកម្ពុជា__ លិខិតអបអរសាទរ សូមគោរពជូន ឯកឧត្តម ទេព ងន អនុប្រធានទី២ព្រឹទ្ធសភា នៃព្រះរាជាណាចក្រកម្ពុជា__ សេចក្តីជូនដំណឹង ស្តីពីដំណើរទស្សនកិច្ចជាផ្លូវការនិងមិត្តភាពរបស់គណៈប្រតិភូជាន់ខ្ពស់រដ្ឋសភា នៃសាធារណរដ្ឋសង្គមនិយមវៀតណាម នៅព្រះរាជាណាចក្រកម្ពុជា__ ឯកឧត្តម សុខ សូកាន៖ ដើម្បីការពារសន្តិភាព ប្រជាធិបតេយ្យ ពលរដ្ឋត្រូវចូលរួមបោះឆ្នោតជ្រើសតំាងតំណាងរាស្រ្តនីតិកាលទី៦ ខាងមុខនេះ__ ក្នុងឱកាសចូលឆ្នាំថ្មី សមាជិករដ្ឋសភា មន្រ្តីរាជការ បួងសួងសូមសម្តេចប្រធានរដ្ឋសភា មានសុខភាពល្អ ជន្មាយុយឺនយូរ ដើម្បីដឹកនាំស្ថាប័ននីតិប្បញ្ញត្តិបន្តទៀត__ សារលិខិតជូនពរ ផ្ញើជូន បងប្អូនជនរួមជាតិ​ ក្នុងឱកាដបុណ្យចូលឆ្នាំខ្មែរ​ ប្រពៃណីជាតិ ឆ្នាំច​ សំរឹទ្ធិស័ក​ ពុទ្ធសករាជ​ ២៥៦២ ៕


ទំព័រមុខ » គណៈកម្មការទី៤ » សកម្មភាព » ឯកឧត្តម ហ៊ុន ណេង ដឹកនាំសមាជិក ចុះពិនិត្យសិក្សាការងារសន្តិសុខ សម្រាប់មហាសន្និបាតសភាតំបន់អាស៊ី (APA) លើកទី៩ នៅខេត្តសៀមរាប
ឯកឧត្តម ហ៊ុន ណេង ដឹកនាំសមាជិក ចុះពិនិត្យសិក្សាការងារសន្តិសុខ សម្រាប់មហាសន្និបាតសភាតំបន់អាស៊ី (APA) លើកទី៩ នៅខេត្តសៀមរាប
រៀបរៀងដោយ ៖​ NA0989 ​ នៅថ្ងៃទី (10/16/2016 7:29:42 PM )

ឯកឧត្តម ហ៊ុន ណេង ប្រធានគណៈកម្មការមហាផ្ទៃ ការពារជាតិ និងមុខងារសាធារណៈនៃរដ្ឋសភា និងជាប្រធានអនុគណៈកម្មការ ទទួលបន្ទុក ផ្នែកសន្តិសុខនៃគណៈកម្មការរៀបចំមហាសន្និបាតសភាតំបន់អាស៊ី APA លើកទី៩ នៅព្រឹកថ្ងៃទី១១ ខែតុលា ឆ្នាំ២០១៦ បានអញ្ជើញចូលត្រួតពិនិត្យ ការងារសន្តិសុខ សម្រាប់មហាសន្និបាតលើកទី៩ នៃសភាតំបន់អាស៊ី ដែលសភាកម្ពុជា ទទួលធ្វើជាម្ចាស់ផ្ទះ នៅចុងខែវិច្ឆិកា ខាងមុខនេះ ក្នុងខេត្តសៀមរាប។

នៅក្នុងបេសកកម្មនេះ ឯកឧត្តម ហ៊ុន ណេង បានជួបពិភាក្សាការងារជាមួយ ឯកឧត្តមអភិបាលខេត្តសៀមរាប និងថ្នាក់ដឹកនាំកងកម្លាំងប្រដាប់អាវុធ គ្រប់ប្រភេទ។ ដោយនៅក្នុងឱកាសនោះឯកឧត្តម បានជំរុញដល់អាជ្ញាធរត្រូវខិតខំធ្វើយ៉ាងណាថែរក្សា ការពារសន្តិសុខ សណ្តាប់ធ្នាប់ ជូនមហាសន្និបាតឲ្យបានល្អ ពី​ព្រោះ​ថា នេះជាព្រឹត្តិការណ៍ធំ ដែលមានវត្តមានថ្នាក់ដឹកនាំកំពូលៗ របស់កម្ពុជា និងថ្នាក់ដឹកនាំសភានៃប្រទេស ជាសមាជិកសភាតំបន់អាស៊ីជាច្រើនចូលរួម។

ឯកឧត្តម ហ៊ុន ណេង ប្រធានគណៈកម្មការមហាផ្ទៃ ការពារជាតិ និងមុខងារសាធារណៈនៃរដ្ឋសភា បានគូស បញ្ជាក់ថា ព្រឹត្តិការណ៍នេះ ជាកិត្តិយស និងជាមុខមាត់របស់កម្ពុជាទំាងមូល ដូច្នេះអាជ្ញាធរ កងកម្លំាងប្រដាប់អាវុធ ទំាងអស់ត្រូវខិតខំបំពេញតួនាទីរបស់ខ្លួន ដើម្បីឆ្លើយតបការទុកចិត្ត របស់ថ្នាក់ដឹកនាំ។

សូមជម្រាបថា តាមគម្រោងមហាសន្និបាតលើកទី៩ នៃសភាតំបន់អាស៊ី គ្រោងនឹងប្រារព្ធធ្វើពីថ្ងៃទី២៧ ខែវិច្ឆិកា ដល់ថ្ងៃទី២ ខែធ្នូ ឆ្នាំ២០១៦ ខាងមុខនេះ នៅលើទឹកដីអង្គរខេត្តសៀមរាប។

ដើម្បីរៀបចំមហាសន្និបាតនេះ សភាកម្ពុជាបានបង្កើតគណៈកម្មការ រៀបចំមហាសន្និបាតមួយ ដោយមានអនុគណៈកម្មការ ទទួលបន្ទុក តាមវិស័យផ្សេងៗ គ្នាមួយចំនួនទៀត ដូចជា អនុគណៈកម្មការទទួលបន្ទុកផ្នែកហិរញ្ញវត្ថុ និងផ្គត់ផ្គង់ អនុគណៈកម្មការទទួលបន្ទុកផ្នែកឯកសារ និងខ្លឹមសារកិច្ចប្រជុំ អនុគណៈកម្មការទទួលបន្ទុកផ្នែកដឹកជញ្ជូន អនុគណៈកម្មការទទួលបន្ទុកផ្នែកសន្តិសុខ អនុគណៈកម្មការទទួលបន្ទុកផ្នែក ពិធីការ និងអនុគណៈកម្មការទទួលបន្ទុកផ្នែកព័ត៌មាន  និងICT ជាដើម។

បន្ទាប់ពីបានជួបប្រជុំជាមួយអាជ្ញាធរខេត្ត និងកងកម្លំាងនានារួចហើយ ឯកឧត្តម ហ៊ុន ណេង និងសហការី បានអញ្ជើញចុះត្រួតពិនិត្យទីតាំង រៀបចំមហាសន្និបាតសភាតំបន់អាស៊ី លើកទី៩ ដោយផ្ទាល់ផងដែរ៕

អត្ថបទ និងរូបភាពដោយនាយកដ្ឋានព័ត៌មាន

វិថីរដ្ឋសភា សង្កាត់ទន្លេបាសាក់ ខណ្ឌចំការមន រាជធានីភ្នំពេញ ព្រះរាជាណាចក្រកម្ពុជា ទូរសព័្ទ ​លេខ: (855-23) 213 535, 220 628 ទូរសារ: (855-23)220 629
សារអេឡិចត្រូនិច: sg@national-assembly.org.kh, sg@nac.org.kh គេហទំព័រ www.national-assembly.org.kh, www.nac.org.kh