សេចក្តីប្រកាសព័ត៌មាន ស្តីពីលទ្ធផលនៃការធ្វើម្ចាស់ផ្ទះរៀបចំកិច្ចប្រជុំប្រចាំឆ្នាំលើកទី៥ របស់ក្រុមប្រឹក្សាយោបល់អាយប៉ា ស្តីពីគ្រឿងញៀន (The 5th AIPACODD Meeting) តាមរយៈប្រព័ន្ធនិម្មិត__ កិច្ចប្រជុំប្រចាំឆ្នាំលើកទី៥ នៃក្រុមប្រឹក្សាពិគ្រោះយោបល់ នៃមហាសន្និបាតអន្តរសភាអាស៊ាន (AIPA) ស្តីពី "ស្តីពីគ្រឿងញៀនគ្រោះថ្នាក់" បានបិទបញ្ចប់ដោយជោគជ័យ__ ឯកឧត្តមកិត្តិសេដ្ឋាបណ្ឌិត ជាម យៀប អញ្ជើញជាអធិបតីភាពបើកកិច្ចប្រជុំប្រចាំឆ្នាំលើកទី៥ នៃក្រុមប្រឹក្សាពិគ្រោះយោបល់ នៃមហាសន្និបាតអន្តរសភាអាស៊ាន "ស្តីពីគ្រឿងញៀនគ្រោះថ្នាក់" (AlPACODD5)__ ឯកឧត្តម សួស យ៉ារ៉ា អញ្ជើញចូលរួមកិច្ចពិភាក្សាតុមូលស្តីពីតួនាទីកម្ពុជាក្នុងនាមជាប្រធានអាស៊ានឆ្នាំ២០២២ នៅទីក្រុងប៊ែឡាំង__ សម្តេចអគ្គមហាពញាចក្រី ហេង សំរិន ទទួលជួបពិភាក្សាការងារជាមួយអគ្គលេខាធិការអង្គការសម្ព័ន្ធពិភពឥស្លាម__ ឯកឧត្តម ទី សុគន្ធ ដឹកនាំកិច្ចប្រជុំពិនិត្យវឌ្ឍនភាពការងារត្រៀមសម្រាប់រៀបចំកិច្ចប្រជុំក្រុមប្រឹក្សា ពិគ្រោះយោបល់អាយប៉ាស្ដីពីគ្រឿងញៀនលើកទី៥ ដែលសភាកម្ពុជាធ្វើជាម្ចាស់ផ្ទះ__ សេចក្តីជូនដំណឹង ស្តីពីសភានៃព្រះរាជាណាចក្រកម្ពុជា ធ្វើជាម្ចាស់ផ្ទះរៀបចំកិច្ចប្រជុំប្រចាំឆ្នាំលើកទី៥ របស់ក្រុមប្រឹក្សាយោបល់អាយប៉ា ស្តីពីគ្រឿងញៀន (The 5th AIPACODD Meeting) តាមរយៈប្រព័ន្ធនិម្មិត៕


ទំព័រមុខ » ព័ត៌មាន » ព័ត៌មានប្រចាំថ្ងៃ » សម្តេចអគ្គមហាពញាចក្រីហេង សំរិន៖ រាជរដ្ឋាភិបាលដឹកនាំដោយគណបក្សប្រជាជនមានចក្ខុវិស័យវែងឆ្ងាយ ត្រឹមត្រូវ បានធ្វើឱ្យសង្គមជាតិមានការអភិវឌ្ឍរីកចម្រើនមិននឹកស្មានដល់
សម្តេចអគ្គមហាពញាចក្រីហេង សំរិន៖ រាជរដ្ឋាភិបាលដឹកនាំដោយគណបក្សប្រជាជនមានចក្ខុវិស័យវែងឆ្ងាយ ត្រឹមត្រូវ បានធ្វើឱ្យសង្គមជាតិមានការអភិវឌ្ឍរីកចម្រើនមិននឹកស្មានដល់
រៀបរៀងដោយ ៖​ NA1472 ​ នៅថ្ងៃទី (5/19/2022 9:07:45 PM )

សម្តេចអគ្គមហាពញាចក្រី ហេង សំរិន ប្រធានរដ្ឋសភា បានមានប្រសាសន៍លើកឡើងថា រាជរដ្ឋាភិបាលដឹកនាំដោយគណបក្ស ប្រជាជនមានចក្ខុវិស័យវែងឆ្ងាយ និងមានមាគ៌ាត្រឹមត្រូវ ច្បាស់លាស់ បានធ្វើសង្គមជាតិមានការអភិវឌ្ឍ រីកចម្រើនជឿនលឿនដែលមិន នឹកស្មានដល់ ពីព្រោះថាក្រោយថ្ងៃរំដោះ៧មករាឆ្នាំ១៩៧៩ គឺគ្មានអ្វីទំាងអស់។ របបប៉ុលពតបានបំផ្លិចបំផ្លាញសង្គមជាតិ ទំាងធនធាន មនុស្ស និងហេដ្ឋារចនាសម្ព័ន្ធសង្គម។

សម្តេចប្រធានរដ្ឋសភាបានលើកឡើងថា បច្ចុប្បន្ននេះប្រជាជនរស់នៅតំបន់ដាច់ស្រយាលនានា លែងជួបការលំបាកដូចពេលមុនៗទៀត ហើយ ការធ្វើដំណើរទៅមកបានឆាប់រហ័សទាន់ចិត្ដ ជីវភាពរស់នៅរបស់ប្រជាជនមានភាពប្រែប្រួលថ្មី។ បណ្ដាទីក្រុង ដូចជា រាជធានី ភ្នំពេញ និងនៅតាមបណ្ដាខេត្ដ ទីប្រជុំជន មានផ្សារទំនើបធំៗ អាគារបុរីនានា ភូមិគ្រឹះទំនើបៗ និងអគារខ្ពស់ៗរាប់សិបជាន់ បាន សាងសង់រួច និងកំពុងសាងសង់ គួរឱ្យមានមោទនភាពចំពោះការរីកចម្រើនយ៉ាងឆាប់រហ័ស ស័ក្តិសមជា «ប្រទេសកំពុងអភិវឌ្ឍន៍»។

សម្តេចប្រធានរដ្ឋសភាបានលើកឡើងដូច្នេះ នៅក្នុងឱកាសសម្តេច បានអញ្ជើញជាអធិបតីភាពដ៏ខ្ពង់ខ្ពស់ នៅក្នុងពិធីសម្ពោធ ដាក់ឱ្យ ប្រើប្រាស់ជាផ្លូវការនូវ អាគារសិក្សាថ្មី១ខ្នង កម្ពស់ ២ជាន់ មាន១២បន្ទប់ រួមទាំងទីចាត់ការ បណ្ណាល័យ បន្ទប់ពិសោធន៍ និងបន្ទប់កុំព្យូទ័រ ដែលបំពាក់ទៅដោយសម្ភារៈ បរិក្ខាសិក្សាទំនើប នៅវិទ្យាល័យសម្តេចចក្រី ហេង សំរិន អន្លង់ជ្រៃ ស្ថិតនៅឃុំកក់ ស្រុកពញាក្រែក ខេត្តត្បូងឃ្មុំ ព្រមទាំងសមិទ្ធផលផ្សេងទៀតដូចជា ផ្លូវបេតុង តារាងបាល់បោះ របងខ្លោងទ្វារថ្មី និងការជួសជុលអាគារសិក្សាចាស់ចំនួន ៦ខ្នង អមដោយសួនច្បារថ្មីផងដែរ។

សមិទ្ធផលទំាងដែលសម្ពោធដាក់ឲ្យប្រើប្រាស់នៅព្រឹកថ្ងៃទី២០ ខែឧសភា ឆ្នាំ២០២២នេះ ជាចំណងដៃថ្មីមួយទៀត របស់សម្តេច និង សម្តេចធម្មវិសុទ្ធវង្សា សៅ ទី ហេង សំរិន ដែលបានចូលរួមអភិវឌ្ឍន៍យ៉ាងច្រើន ជូនប្រជាពលរដ្ឋ នៅឃុំកក់ ស្រុកពញាក្រែក ខេត្តត្បូងឃ្មុំ ដែលជាស្រុកកំណើតរបស់សម្តេចផ្ទាល់ ជារៀងរហូតមកទំាងខាងវិស័យពុទ្ធចក្រ និងអាណាចក្រ មានវត្តអារាម ផ្លូវថ្នល់ មន្ទីរពេទ្យ មណ្ឌលសុខភាព ប្រឡាយទឹករួមនិងលំនៅដ្ឋាន ជាដើម។

នៅក្នុងឱកាសនោះ សម្តេចអគ្គមហាពញាចក្រី ហេង សំរិន បានថ្លែងអំណរគុណយ៉ាងជ្រាលជ្រៅ ចំពោះសប្បុរសជនទាំងអស់ ជាពិសេសក្រុមការងារដែលបានបរិច្ចាគទាំងកម្លាំងកាយ កម្លាំងចិត្ត ធនធានសម្ភារៈ និងថវិកា ដើម្បីរួមចំណែកដល់ការកសាងអាគារ សិក្សាថ្មីនេះឱ្យមានជារូបរាងឡើង។

សម្តេចប្រធានរដ្ឋសភា បានសម្តែងនូវការនឹករលឹក និងសួរសុខទុក្ខជូនចំពោះលោកគ្រូ អ្នកគ្រូ មន្រ្តីរាជការទាំងអស់ ពិសេស លោកគ្រូ អ្នកគ្រូ ដែលបានចូលនិវត្តន៍ និងសូមថ្លែងអំណរគុណចំពោះគុណូបការៈ កិច្ចខិតខំប្រឹងប្រែង និងការលះបង់ដ៏មានតម្លៃមិនអាចកាត់ថ្លៃ- បានរបស់អ្នកទាំងអស់គ្នា ក្នុងការផ្តល់ការអប់រំ សិលធម៌ និងចំណេះដឹងដល់កូនចៅប្រជាពរដ្ឋនៅទូទាំងស្រុកពញាក្រែក ឱ្យក្លាយជា ធនធានមនុស្សដ៏ល្អសម្រាប់សង្គមជាតិយើង។ សម្តេចបានបញ្ជាក់រាជរដ្ឋាភិបាលបានលើកកម្ពស់តម្លៃវិជ្ជាជីវៈ និងកិត្តិយសគ្រូបង្រៀន តាមរយៈការប្រារព្ធទិវាគ្រូបង្រៀនជារៀងរាល់ឆ្នាំ នៅថ្ងៃទី៥ ខែតុលា ដែលជាទិវារំលឹកគុណគ្រូ សម្រាប់ជាការចងចាំរបស់យុវជនគ្រប់ ជំនាន់។

សម្តេចអគ្គមហាពញាចក្រីហេង សំរិន បានអំពាវនាវនិងលើកទឹកចិត្តដល់ប្រជាពលរដ្ឋនៅស្រុកពញាក្រែក ខេត្តត្បូងឃ្មុំ ក៏ដូចជានៅ ទូទំាងប្រទេសនាំកូនចៅទៅចុះសិក្សាឲ្យបានគ្រប់គ្នា មានតែចំណេះដឹងទេដែលជាស្ពានពន្លឺផ្លូវជីវិតដ៏ត្រចេះត្រចង់របស់កូនៗគ្រប់រូបទៅ ថ្ងៃអនាគត។ សម្តេចក៏បានលើកទឹកចិត្តដល់គណៈគ្រប់គ្រងសាលា លោកគ្រូ អ្នកគ្រូ ត្រូវបំផុសផ្សព្វផ្សាយកម្មវិធីអប់រំ សុខភាព សីលធម៌ និងគុណធម៌ ឱ្យបានទូលំទូលាយ និងបង្កើតស្មារតីស្រឡាញ់ បរិស្ថានធម្មជាតិ បង្កើនការដាំដុះរុក្ខជាតិតាមសាលារៀន ប្រែក្លាយបរិវេណ សាលារៀន ឱ្យពោរពេញដោយបរិស្ថាន ធម្មជាតិ រំលេចភាពបៃតង ដើម្បីទាក់ទាញឱ្យស្រឡាញ់ការសិក្សារៀនសូត្រនៅតាមសាលា រៀន៕

អត្ថបទ និងរូបភាព ដោយនាយកដ្ឋានព័ត៌មាន