សេចក្តីជូនដំណឹង ​ស្តីពីកាតព្វកិច្ចក្នុងការទទួលការចាក់វ៉ាក់សាំងការពារជំងឺកូវីដ-១៩__ អគ្គលេខាធិការដ្ឋានរដ្ឋសភា បានបញ្ចប់យុទ្ធនាការចាក់វ៉ាក់សំាងកូវីដ-១៩ សម្រាប់ដូសទី១__ សារលិខិតជូនពរ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា ផ្ញើជូន បងប្អូនជនរួមជាតិ ក្នុងឱកាសពិធីបុណ្យចូលឆ្នាំថ្មី ប្រពៃណីជាតិ__ លិខិតថ្វាយព្រះពរ របស់ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា សូមក្រាបបង្គំទូលថ្វាយ សម្តេចព្រះបរមនាថ នរោត្តម សីហមុនី__ លិខិតថ្វាយព្រះពរ របស់ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា សូមក្រាបបង្គំទូលថ្វាយ សម្តេចព្រះមហាក្សត្រី នរោត្តម មុនិនាថ សីហនុ__ សារលិខិតជូនពរ របស់ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា ជូនចំពោះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា__ សារលិខិតជូនពរ របស់ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា ជូនចំពោះ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា__ លោកជំទាវ ឡោក ខេង ចូលរួមសិក្ខាសាលាអនឡាញស្តីពី "ផលប៉ះពាល់ នៃរោគរាតត្បាតកូវីដ១៩ លើសមភាពយេនឌ័រ"__ មន្រ្តីអគ្គលេខាធិការដ្ឋានរដ្ឋសភាចូលរួមយុទ្ធនាការចាក់វ៉ាក់សំាងកូវីដ-១៩__ សម្តេចអគ្គមហាពញាចក្រី​ ហេង​ សំរិន​ ប្រធានរដ្ឋសភា នៃព្រះរាជាណាចក្រកម្ពុជា​ បានផ្ញេីលិខិតជូនពរ​សម្តែងនូវអំណរសាទរ​យ៉ាង​​​​​​​កក់ក្តៅបំផុតជូនចំពោះ ឯកឧត្ដម វឿង ឌិញហ៊ុយ (Vương Đình Huệ)​ ប្រធានរដ្ឋសភា នៃសាធារណរដ្ឋសង្គមនិយមវៀតណាម​ ដែលត្រូវបានបោះឆ្នោតជ្រើសតាំង​ ជាប្រធានរដ្ឋសភា នៃសាធារណរដ្ឋសង្គមនិយមវៀតណាម នាពេលកន្លងទៅថ្មីៗនេះ​ សម្រាប់នីតិកាលទី១៤__ សារលិខិតជូនពរ របស់ ឯកឧត្តមកិត្តិនីតិកោសលបណ្ឌិត ងួន ញ៉ិល អនុប្រធានទី១រដ្ឋសភា សូមគោរពជូន សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា__ លិខិតជូនពរ របស់ សម្តេចអគ្គមហាពញាចក្រី ហេង សំរិន ប្រធានរដ្ឋសភា ជូនចំពោះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា__ គណៈកម្មការជំនាញរដ្ឋសភា ប្រជុំពិនិត្យសិក្សាសេចក្តីព្រាងច្បាប់ចំនួន៤ ពាក់ព័ន្ធនឹងវិស័យអគ្គិសនីជាមួយក្រសួងរ៉ែ និងថាមពល តាមប្រព័ន្ធវីដេអូ ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » គណៈកម្មការរដ្ឋសភាបញ្ចប់ការពិនិត្យសិក្សាសេចក្ដីព្រាងច្បាប់ស្តីពី វិធានការទប់ស្កាត់ការឆ្លងរាលដាល នៃជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត
គណៈកម្មការរដ្ឋសភាបញ្ចប់ការពិនិត្យសិក្សាសេចក្ដីព្រាងច្បាប់ស្តីពី វិធានការទប់ស្កាត់ការឆ្លងរាលដាល នៃជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត
រៀបរៀងដោយ ៖​ NA1472 ​ នៅថ្ងៃទី (3/3/2021 11:55:23 PM )

សេចក្តីព្រាងច្បាប់ស្តីពី វិធានការទប់ស្កាត់ការឆ្លងរាលដាល នៃជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរ ផ្សេងទៀត ដែលមាន៦ជំពូក ចែកចេញជា១៨មាត្រា ដែលគណៈកម្មការរដ្ឋសភាបានលើកយកមកពិនិត្យសិក្សាយ៉ាងមមាញឹកក្នុងរយៈ ពេលប៉ុន្មានថ្ងៃជាប់ៗគ្នាកន្លងមក រហូតមកដល់ពេលនេះ គណៈកម្មការរដ្ឋសភាបានឯកភាពគ្នាបញ្ចប់ការពិនិត្យសិក្សា និងបញ្ជូនត្រឡប់ ទៅគណៈកម្មាធិការអចិន្ត្រៃយ៍រដ្ឋសភាវិញ ដើម្បីសម្រេចដាក់បញ្ចូលក្នុងរបៀបវារៈ សម័យប្រជុំរដ្ឋសភា ធ្វើការពិភាក្សា និងអនុម័តនា ពេលខាងមុខឆាប់ៗនេះ។

ការសម្រេចនេះ បន្ទាប់ពីអន្តរគណៈកម្មការនៃរដ្ឋសភា គឺគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈនិងកិច្ចការនារីនៃរដ្ឋសភា  ដឹកនាំដោយ លោកជំទាវ ឡោក ខេង ប្រធានគណៈកម្មការ និងគណៈកម្មការនីតិកម្ម និងយុត្តិធម៌ នៃរដ្ឋសភា ដឹកនាំដោយ លោកជំទាវ គ្រួច សំអាន ជាអនុប្រធានគណៈកម្មការ និងដោយមានការចូលរួមពីតំណាងគណៈ- កម្មការជំនាញផ្សេងៗទៀតនៃរដ្ឋសភា បានជួបប្រជុំជាមួយតំណាងរាជរដ្ឋាភិបាលដែលដឹកនាំដោយ ឯកឧត្តម ម៉ម ប៊ុនហេង រដ្ឋមន្ត្រី ក្រសួងសុខាភិបាល និង ឯកឧត្ដម កើត រឹទ្ធ រដ្ឋមន្ត្រីក្រសួងយុត្តិធម៌ នៅរសៀលថ្ងៃទី៣ ខែមីនា ឆ្នាំ២០២១ នៅវិមានរដ្ឋសភា។

នៅក្នុងកិច្ចប្រជុំនេះ គណៈកម្មការរដ្ឋសភាបានលើកឡើងពីក្ដីបារម្ភ ចំពោះការឆ្លងរាលដាលនៃជំងឺកូវីដ-១៩ ទាំងក្នុងប្រទេសកម្ពុជា និង នៅទូទាំងសកលលោកដែលកាន់តែសាហាវ ស្មុគស្មាញ និងក្នុងទ្រង់ទ្រាយកាន់តែធំ ដែលបានបង្កឱ្យមានផលប៉ះពាល់យ៉ាងធ្ងន់ធ្ងរដល់ សុខភាពសាធារណៈ វិស័យសេដ្ឋកិច្ច និងសង្គម ព្រមទាំងជីវភាពរស់នៅជាប្រក្រតីរបស់មនុស្សជាតិ។ គណៈកម្មការរដ្ឋសភាក៏បាន ធ្វើការកត់សម្គាល់ពីសារៈសំខាន់នៃសេចក្ដីព្រាងច្បាប់ស្តីពី វិធានការទប់ស្កាត់ការឆ្លងរាលដាល នៃជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត ដែលសង្ឃឹមថាសេចក្ដីព្រាងច្បាប់នេះ នឹងក្លាយជាមូលដ្ឋានគតិយុត្តមួយដ៏រឹងមាំ និងគ្រប់ ជ្រុងជ្រោយបន្ថែមទៀតដល់រាជរដ្ឋាភិបាល ក្នុងការគ្រប់គ្រងស្ថានការណ៍ នៃការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវ ដែលមានគ្រោះថ្នាក់ធ្ងន់ធ្ងរ នៅក្នុងព្រះរាជាណាចក្រកម្ពុជា ទាំងក្នុងពេលបច្ចុប្បន្ន និងពេលអនាគត។

នៅក្នុងឱកាសនេះ ក្រៅពីបានបកស្រាយនូវរាល់ចម្ងល់ ដែលគណៈកម្មការរដ្ឋសភាបានសាកសួរហើយនោះ តំណាងរាជរដ្ឋាភិបាល ក៏បានជម្រាបជូនពីស្ថានភាព នៃការឆ្លងរាលដាល នៃជំងឺកូវីដ-១៩ នៅក្នុងប្រទេសកម្ពុជា ដែលរាជរដ្ឋាភិបាលបានដាក់ចេញនូវវិធាន- ការណ៍ជាបន្តបន្ទាប់ ដោយបានទប់ស្កាត់ និងបញ្ចប់ដោយជោគជ័យ នៅក្នុងព្រឹត្តិការណ៍នៃការឆ្លងរាលដាលនៃជំងឺកូវីដ-១៩ ចំនួន ២លើករួចមកហើយ គឺព្រឹត្តិការណ៍ថ្ងៃ០៣ វិច្ឆិកា ២០២០ និងព្រឹត្តិការណ៍សហគមន៍២៨ វិច្ឆិកា ២០២០។ ប៉ុន្តែបច្ចុប្បន្នកម្ពុជាកំពុងប្រឈម នឹងការឆ្លងរាលដាលនៃកូវីដ-១៩ ជាលើកទី៣ ហៅថាព្រឹត្តិការណ៍២០កុម្ភៈ ២០២១ ដែលមានសភាពធ្ងន់ធ្ងរ និងមានទ្រង់ទ្រាយធំជាង ព្រឹត្តិការណ៍ពីរលើកមុនៗ។

តំណាងរាជរដ្ឋាភិបាលបានលើកឡើងទៀតថា នៅចំពោះមុខស្ថានភាពបែបនេះ រាជរដ្ឋាភិបាលកម្ពុជា ក៏បានរៀបចំបង្កើតសេចក្ដីព្រាង- ច្បាប់នេះឡើង ដើម្បីបានជាមូលដ្ឋានគតិយុត្ត ក្នុងការបង្កើនភាពម្ចាស់ការ ត្រៀមលក្ខណ:ទុកជាមុន ក្នុងការប្រយុទ្ធទប់ស្កាត់ឲ្យកាន់តែ មានប្រសិទ្ធិភាពខ្ពស់ថែមទៀត នូវការឆ្លងរាលដាលនៃជំងឺផ្សេងៗ ដែលមានកម្រិតសាហាវ គ្រោះថ្នាក់ធ្ងន់ធ្ងរ ប៉ះពាល់ដល់អាយុជីវិត ប្រជាពលរដ្ឋ និងសុខភាពសាធារណៈ ដែលកើតមានឡើងជាយថាហេតុ ៕

អត្ថបទ និងរូបភាព ដោយនាយកដ្ឋានព័ត៌មាន