សារលិខិតថ្វាយព្រះពរ​ របស់​ សម្តេចអគ្គមហាពញាចក្រី​ ហេង​ សំរិន​ ប្រធានរដ្ឋសភា​ នៃព្រះរាជាណាចក្រកម្ពុជា ​សូម​ក្រាបបង្គំទូលថ្វាយ​ សម្តេចព្រះមហាក្សត្រី​ នរោត្តម​ មុនិនាថ​ សីហនុ​ ព្រះវររាជមាតាជាតិខ្មែរ​__ សារលិខិតជូនពរ​ របស់​ សម្តេចអគ្គមហាពញាចក្រី​ ហេង​ សំរិន​ ប្រធានរដ្ឋសភា​ នៃព្រះរាជាណាចក្រកម្ពុជា ជូនចំពោះ​ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន ប្រធានកាកបាទក្រហមកម្ពុជា__ សម្តេចអគ្គមហាពញាចក្រី ហេង សំរិន និង សម្តេចធម្មវិសុទ្ធវង្សា សៅ ទី ហេង សំរិន ព្រមទាំងសមាជិកសមាជិការដ្ឋសភា អញ្ជើញចាក់វ៉ាក់សាំងកូវីដ-១៩ នៅមន្ទីរពេទ្យកាល់ម៉ែត__ សេចក្តីប្រកាសព័ត៌មាន ស្តីពីលទ្ធផលសម័យប្រជុំរដ្ឋសភាជាវិសាមញ្ញ នីតិកាលទី៦ ថ្ងៃសុក្រ ទី៥ ខែមីនា ឆ្នាំ២០២១__ រដ្ឋសភាបានអនុម័តសេចក្តីព្រាងច្បាប់ស្តីពីវិធានការទប់ស្កាត់ ជំងឺកូវីដ-១៩ និងជំងឺឆ្លងកាចសាហាវផ្សេងទៀត__ គណៈកម្មការរដ្ឋសភាបញ្ចប់ការពិនិត្យសិក្សាសេចក្ដីព្រាងច្បាប់ស្តីពី វិធានការទប់ស្កាត់ការឆ្លងរាលដាល នៃជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត__ សេចក្តីជូនដំណឹង រដ្ឋសភានៃព្រះរាជាណាចក្រកម្ពុជា នឹងបើកសម័យប្រជុំរដ្ឋសភាជាវិសាមញ្ញ នីតិកាលទី៦ នៅថ្ងៃសុក្រ ទី៥ ខែមីនា ឆ្នាំ២០២១__ សេចក្តីប្រកាសព័ត៌មាន ស្តីពីលទ្ធផលនៃកិច្ចប្រជុំគណៈកម្មាធិការអចិន្រ្តៃយ៍នៃរដ្ឋសភា ថ្ងៃព្រហស្បតិ៍ ទី៤ ខែមីនា ឆ្នាំ២០២១__ រដ្ឋសភាប្រជុំវិសាមញ្ញនៅថ្ងៃស្អែក ដើម្បីពិភាក្សាអនុម័តសេចក្តីព្រាងច្បាប់ស្តីពីវិធានការទប់ស្កាត់ជំងឺកូវីដ-១៩ និងជំងឺសាហាវផ្សេងទៀត ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » ក្រសួងកិច្ចការនារីរាយការណ៍ជូនគណៈកម្មការរដ្ឋសភា អំពីសមិទ្ធផលការងារក្នុងឆ្នាំកន្លងមក និងទិសដៅការងារបន្តនៅក្នុងឆ្នាំថ្មី២០២១
ក្រសួងកិច្ចការនារីរាយការណ៍ជូនគណៈកម្មការរដ្ឋសភា អំពីសមិទ្ធផលការងារក្នុងឆ្នាំកន្លងមក និងទិសដៅការងារបន្តនៅក្នុងឆ្នាំថ្មី២០២១
រៀបរៀងដោយ ៖​ NA1472 ​ នៅថ្ងៃទី (2/4/2021 8:06:42 PM )

គណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជជីវៈ និងកិច្ចការនារី នៃរដ្ឋសភា ដឹកនាំ ដោយ លោកជំទាវ ឡោក ខេង ប្រធានគណៈកម្មការ នៅព្រឹកថ្ងៃទី៤ ខែកុម្ភៈ ឆ្នាំ២០២១ បានអញ្ជើញ លោកជំទាវ អុឹង កន្ថាផាវី រដ្ឋមន្រ្តី ក្រសួងកិច្ចការនារី និងសហការី មកកាន់វិមានរដ្ឋសភា ដើម្បីឲ្យក្រសួងរាយការណ៍ជូនគណៈកម្មការរដ្ឋសភាបានដឹង អំពីសមិទ្ធផល ការងារ បញ្ហាប្រឈម និងទិសដៅការងារបន្តរបស់ក្រសួងកិច្ចការនារី នៅក្នុងឆ្នាំ២០២១។

លោកជំទាវ ឡោក ខេង បានសំដែងនូវសេចក្តីសោមនស្សរីករាយ ចំពោះកិច្ចសហប្រតិបត្តិការដ៏ល្អរវាងរដ្ឋសភា នឹងក្រសួងកិច្ចការនារី ដែលបានចូលរួមបំពេញកិច្ចការងាររៀងៗខ្លួន ជូនប្រជាពលរដ្ឋ និងផ្តល់ជំនឿចិត្ត ជំរុញការលើកទឹកចិត្តដល់ស្ត្រី ដោយមានការចូលរួម សហការជាមួយបុរសឲ្យជួយគាំទ្រនូវវិធីសាស្ត្រ ក៏ដូចជាយុទ្ធសាស្ត្ររបស់ក្រសួងដែលបានដាក់ចេញ ដោយគោរពទៅតាមច្បាប់ និង បទដ្ឋានគតិយុត្តនានា។

លោកជំទាវ អុឹង កន្ថាផាវី រដ្ឋមន្រ្តីក្រសួងកិច្ចការនារី បានមានប្រសាសន៍ ជម្រាបជូនគណៈកម្មការរដ្ឋសភាបានជ្រាប ពីសមិទ្ធផល ការងារដែលក្រសួងសម្រេចបាននាពេលកន្លងមក លើការងារជំរុញសមភាពយេនឌ័រ ការបញ្ជ្រៀបយេនឌ័រនៅគ្រប់កម្រិត និងការកាត់- បន្ថយគម្លាតយេនឌ័រលើគ្រប់វិស័យជាដើម។

លោកជំទាវរដ្ឋមន្រ្តី បានបន្តថា ក្រសួងបានសហការជាមួយស្ថាប័ន ក្រសួងពាក់ពន្ធ័នានា អង្គការជាតិ និងអន្តរជាតិ ក្នុងការជំរុញការ គាំទ្រលើកកម្ពស់សហគ្រិនភាពជាស្ត្រី និងជាអ្នកដឹកនាំក្នុងវិស័យធុរកិច្ច ដោយមានការបង្កើតឡើង នូវព្រឹត្តិការណ៍សាធារណៈផ្សព្វ- ផ្សាយតាមបណ្តាញសង្គម ដែលបានរៀបចំឡើងក្នុងភាពជាដៃគូរវាងវិស័យសាធារណៈ ឯកជន និងដៃគូពាក់ព័ន្ធមួយចំនួន។ ក្រសួង ក៏បានលើកកម្ពស់ការពង្រឹងសមត្ថភាពមន្ត្រី អ្នកផ្តល់សេវាថ្នាក់ជាតិ និងថ្នាក់ក្រោមជាតិ អំពីគោលការណ៍ណែនាំស្តីពីកិច្ចការពារផ្លូវច្បាប់ សម្រាប់ស្ត្រី និងកុមារផងដែរ។

លោកជំទាវ អុឹង កន្ថាផាវី បានបន្តទៀតថា ដោយសារការរីករាលដាលនៃជំងឺកូវីដ-១៩ នៅក្នុងឆ្នាំ២០២០នាកន្លងមកនេះ ក្រសួងក៏បាន ជួបការលំបាកមួយចំនួន លើការងារពង្រឹងភាពអង់អាចផ្នែកសេដ្ឋកិច្ចដល់ស្ត្រី ការលើកកម្ពស់ផ្នែកអប់រំ ផ្នែកសុខភាព និងកិច្ចការពារ ផ្លូវច្បាប់សម្រាប់ស្ត្រី និងក្មេងស្រី ព្រមទាំងនៅតែបន្តជួបបញ្ហាជាច្រើនទៀតក្នុងវិស័យសាធារណ: និងនយោបាយ។

តែទោះបីជាយ៉ាងណា លោកជំទាវ អុឹង កន្ថាផាវី បានបញ្ជាក់ថា បើទោះបីជំងឺកូវីដ-១៩នៅតែមានបន្តទៀតក្តី ក៏ក្រសួងនឹងខិតខំជំនះ រាល់ការលំបាក ដោយបន្តរៀបចំអនុវត្តផែនការទិសដៅការងារសម្រាប់ឆ្នាំ២០២១ ជាបន្តទៀត ក្នុងនោះមានដូចជា ការអនុវត្តទិសដៅ ការពង្រឹងភាពអង់អាចផ្នែកសេដ្ឋកិច្ចរបស់ស្ត្រី ការលើកកម្ពស់ការអប់រំ ការថែទាំសុខភាព កិច្ចការពារផ្លូវច្បាប់ដល់ស្ត្រី និងក្មេងស្រី ការ បញ្ជ្រៀបយេនឌ័រ ក្នុងកម្មវិធីប្រែប្រួលអាកាសធាតុ ការពង្រឹងសមត្ថភាព និងអភិវឌ្ឍស្ថាប័ន និងជំរុញការចូលរួមរបស់ស្ត្រីក្នុងវិស័យ សាធារណៈ និងនយោបាយ។

លោកជំទាវ ឡោក ខេង ប្រធានគណៈកម្មការរដ្ឋសភា បានមានប្រសាសន៍ថ្លែងអំណរគុណ និងកោតសរសើរចំពោះក្រសួងកិច្ចការនារី ដែលបានខិតខំយកចិត្តទុកដាក់ បំពេញភារកិច្ចក្នុងដែនសមត្ថកិច្ចរបស់ខ្លួន ស្របតាមគោលនយោបាយរបស់រាជរដ្ឋាភិបាលដែលបាន ដាក់ចេញ ដើម្បីជួយជំរុញលើកទឹកចិត្តស្ត្រីឲ្យមានភាពក្លាហាន ក្នុងការចូលរួមចំណែកអភិវឌ្ឍន៍សង្គម លើគ្រប់វិស័យទាំងអស់ និងការ បញ្ជ្រៀបយេនឌ័រឲ្យកាន់តែទូលំទូលាយថែមទៀត៕

អត្ថបទ និងរូបភាព ដោយនាយកដ្ឋានព័ត៌មាន